اقتباس المشاركة الأصلية كتبت بواسطة t_bmw7 مشاهدة المشاركة
والله انا شايف ان الريو 2012 سياره خياليه مش عشان هى عندى .. لأ للأمانه .. بس انا قبل ماشتريها جربت كل السيارات اللى زيها لاقيت انها احسنهم فى كل حاجه .. بالنسبه لل 1600 وال 1400 الفرق بينهم هو استهلاك البنزين مش اكتر ولو يهمك موضوع السحب قارن القدره بالحصان بين السيارتين هتلاقى ( الريو 1400cc القدره بالحصان 109 والاكسنت 1600cc القدره بالحصان 124 ) يعنى الفرق مش كبير اذا بتقارن 1600 او 1400 ... وبعدين احنا عندنا فى مصر الشوارع والمطبات اكتر من شعبها ده غير الزحمه طبعا ومش هتقدر تجرى بيها من كتر العربيات الموجوده فى الشارع ... فى الاخر كله هيبقى زى بعض 1400cc زى ال 3000cc فيعنى مش فارقه . نيجى بقى لو نقارن بين السيارتين ال الاكسنت والريو الهاى لاين هتلاقى فى الريو كماليات السيارات الاوروبيه ( فتحه , حساسات مطر , درج تبريد , مرايات ضم , مثبت سرعه , اضاءات ليد اماميه وخلفيه , بلوتوث , مخرج يو اس بى , مخرج ايبود , دركسيون مالتى فنكشنز , اضاءه خافته ليلا للجزء الامامى , فوج لايت , اضاءه سقف اماميه ووسطيه , زجاج السائق يرتد لاسفل عند غلقه اذا كان فى عائق , دركسيون تيليسكوب , تشغيل بصمه , الدخول بدون مفتاح , ستابيلايزر , واخر حاجه واهم ميزه مش موجوده غير فى الالمانى هو الدركسيون اللى فيها لما بتكون واقف او عايز تركن بيكون زى الميه وأول ما تمشى بيها على طول بيتقل عشان التحكم يكون افضل ) .
تفتكر حضرتك كل الحاجات ده موجوده فى الاكسنت ؟؟؟؟
الاجابه : لاااااااااااااااااااااااا ااااااااا طبعا
اظن كده الفكره وصلت
واى استفسار انا تحت امرك
متهيألي حضرتك بتتكلم عن الخليجي لأن أنا معايا السيدان هاي لاين وكيل و مفيهاش الحساسات و لا التشغيل البصمة.
و بالنسبة للأخ العزيز صاحب الموضوع أناوقعت في الحيرة دي مدة طويلة و جربت العربيتين و لله الحمد إستقريت على الريو، اولا انا مجرب توكيل كيا و هو احسن من غبور بسنين ضوئية و ثانيا تقفيل الريو تحفة فعلا و كمالياتها ممتازة دة غير انها اعلى عن الأرض من الأكسنت، بالنسبة لموضوع الـ 1400 فأنا بصراحة محسيتش بفرق كبير قوي بين الاتنين خصوصا ان الفرق ما بينهم 15 (الحصان 109 في الريو و 124 للأكسنت) و زي ما قالك الاخ الكريم اصلا انت لو مشيت في شوارعنا على 80 تبقى أستاذ :) يبقى اوفر في البنزين أحسنلي ، و أخيرا شكلها من وجهة نظري احلى بس طبعا دي أذواق. و ربنا يوفقك