المية بتدخل في الأبواب لما بغسل العربية..ساعدوني
السلام عليكم ورحمة الله وبركاته
يا جماعة أنا مشكلتي باختصار اننا من يوم ما اشتريت العربية من 7 شهور لما أغسل العربية من برة وبكون قافل الشبابيك المية بتدخل في البابين اللي قدام..وأنا عربيتي دايو لانةس 2006 كاملة يعني فيها سنتر وشباك كهربا..المشكلة الكبيرة بقى ان لما المية تدخل جوا البابين الشباكين مبيشتغلوش خالص لا بينزلو ولا بيرفعو خالص لازم أسيب العربية ساعتين أو تلاتة على الأقل لما المية تنشف عشان يشتغلو, وكمان السنتر لوك بيخرف بعد ما بغسل العربية ساعات بلاقيه مش شغال خالص لما افتح العربية بالمفتاح باب السواق بس هو اللي بيفتح, وساعات بلاقيه عمال يتفح ويقفل لوحده وحاجة تحرق الدم والله :angry35:
وعلى فكرة الشباكين اللي ورا بيشتغلو عادي بعد ما بغسل العربية المشكلة في الشبكين اللي قدام.
اللي خلاني بقى اتأكد ان السبب المشكلة دي ان المية بتدخل جوا الأبواب:
1/ واحد جاري قالي يمكن في أسلاك عريانة وبتلمس لما بتغسل العربية..طيب لو في تلميس كانت الشبابيك كلها علقت مش اللي قدام بالذات.
2/ واحد تاني قالي انو ده الطبيعي في اللانوس..لكن مرة وأنا ماشي في الشارع لقيت واحد معاه لانوس كاملة وكان بيغسلها فقولت أسأله عشان اعرف المشكلة دي في كل اللانوس ولا عربيتي بس..فقالي لأ بيشتغلو عادي ولما خلص وراني ولقيت الشبابيك كلها بتفتح وتقفل عادي والسنتر مافيهوش أي مشكلة..اذا يبقى المشكلة في عربيتي انا بس.
3/ ومرة دلقت مية كتير على باب السائق بس ومحطيتش مية خالص على الباب اليمين, فلقيت الباب الشمال علق واليمين شغال عادي.
4/ اخر مرة غسلت فيها العربية فكيت فرش الباب اليمين بعديها على طول وفعلا لقيت مية جوا الباب ولأسلاك كانت غرقانة مية :crying2:
المهم واحد قالي يمكن الجلدة اللي برا الباب ناشفة شوية وعايزة تتغيرة..وأدي صورة للي قصده عليها:
http://im24.gulfup.com/2012-05-02/1335971106111.jpg
ودي أوضح شوية:
http://im24.gulfup.com/2012-05-02/1335971106702.jpg
فياريت يا جماعة اللي يعرف حل للمشكلة دي يقولي لأني بجد متضايق اوي وحرمت اغسل العربية..بقالي شهر ونص مغسلتهاش
واشتريت سماعات جديدة للأبواب ومش راضي أركبها عشان متخربش من المية.
واسف للإطالة.