هي الشفه اللي إنت مشاور عليها دي اللي عايزة تتغير
رقم العضوية : 119326
تاريخ التسجيل : 19Jan2012
المشاركات : 1,731
النوع : ذكر
الاقامة : Sheikh Zayed City
السيارة: ربنا يبعت
السيارة[2]: Daewoo Lanos 2006
دراجة بخارية: لا يوجد
الحالة :
السلام عليكم ورحمة الله وبركاته
يا جماعة أنا مشكلتي باختصار اننا من يوم ما اشتريت العربية من 7 شهور لما أغسل العربية من برة وبكون قافل الشبابيك المية بتدخل في البابين اللي قدام..وأنا عربيتي دايو لانةس 2006 كاملة يعني فيها سنتر وشباك كهربا..المشكلة الكبيرة بقى ان لما المية تدخل جوا البابين الشباكين مبيشتغلوش خالص لا بينزلو ولا بيرفعو خالص لازم أسيب العربية ساعتين أو تلاتة على الأقل لما المية تنشف عشان يشتغلو, وكمان السنتر لوك بيخرف بعد ما بغسل العربية ساعات بلاقيه مش شغال خالص لما افتح العربية بالمفتاح باب السواق بس هو اللي بيفتح, وساعات بلاقيه عمال يتفح ويقفل لوحده وحاجة تحرق الدم والله
وعلى فكرة الشباكين اللي ورا بيشتغلو عادي بعد ما بغسل العربية المشكلة في الشبكين اللي قدام.
اللي خلاني بقى اتأكد ان السبب المشكلة دي ان المية بتدخل جوا الأبواب:
1/ واحد جاري قالي يمكن في أسلاك عريانة وبتلمس لما بتغسل العربية..طيب لو في تلميس كانت الشبابيك كلها علقت مش اللي قدام بالذات.
2/ واحد تاني قالي انو ده الطبيعي في اللانوس..لكن مرة وأنا ماشي في الشارع لقيت واحد معاه لانوس كاملة وكان بيغسلها فقولت أسأله عشان اعرف المشكلة دي في كل اللانوس ولا عربيتي بس..فقالي لأ بيشتغلو عادي ولما خلص وراني ولقيت الشبابيك كلها بتفتح وتقفل عادي والسنتر مافيهوش أي مشكلة..اذا يبقى المشكلة في عربيتي انا بس.
3/ ومرة دلقت مية كتير على باب السائق بس ومحطيتش مية خالص على الباب اليمين, فلقيت الباب الشمال علق واليمين شغال عادي.
4/ اخر مرة غسلت فيها العربية فكيت فرش الباب اليمين بعديها على طول وفعلا لقيت مية جوا الباب ولأسلاك كانت غرقانة مية
المهم واحد قالي يمكن الجلدة اللي برا الباب ناشفة شوية وعايزة تتغيرة..وأدي صورة للي قصده عليها:
ودي أوضح شوية:
فياريت يا جماعة اللي يعرف حل للمشكلة دي يقولي لأني بجد متضايق اوي وحرمت اغسل العربية..بقالي شهر ونص مغسلتهاش
واشتريت سماعات جديدة للأبواب ومش راضي أركبها عشان متخربش من المية.
واسف للإطالة.
رقم العضوية : 82426
تاريخ التسجيل : 01Dec2010
المشاركات : 3,029
النوع : ذكر
الاقامة : Maadi
السيارة: __
السيارة[2]: lanos 2007
دراجة بخارية: __
الحالة :
هي الشفه اللي إنت مشاور عليها دي اللي عايزة تتغير
رقم العضوية : 119326
تاريخ التسجيل : 19Jan2012
المشاركات : 1,731
النوع : ذكر
الاقامة : Sheikh Zayed City
السيارة: ربنا يبعت
السيارة[2]: Daewoo Lanos 2006
دراجة بخارية: لا يوجد
الحالة :
رقم العضوية : 119326
تاريخ التسجيل : 19Jan2012
المشاركات : 1,731
النوع : ذكر
الاقامة : Sheikh Zayed City
السيارة: ربنا يبعت
السيارة[2]: Daewoo Lanos 2006
دراجة بخارية: لا يوجد
الحالة :
ياريت تردو عليا يا جماعة
رقم العضوية : 82426
تاريخ التسجيل : 01Dec2010
المشاركات : 3,029
النوع : ذكر
الاقامة : Maadi
السيارة: __
السيارة[2]: lanos 2007
دراجة بخارية: __
الحالة :
والله لو أعرف افيدك مش هتاخر بس أنا معرفش هي بتتباع فين
وفيه منها استيراد ولا لأ
بس برده عشان تتأكد إن العيب منها ممكن تبص عليها لو لقيتها ناشفة قوي تبقى بايظة أو ممكن تحط عليها مية وتشوف إزا كانت هتتسرب ولا لأ
المفروض إن الجلدة دي من ناحية الإزاز بتكون عاملة زي شعر السجادة
اتاكد إنها هي المشكلة الأول
رقم العضوية : 119326
تاريخ التسجيل : 19Jan2012
المشاركات : 1,731
النوع : ذكر
الاقامة : Sheikh Zayed City
السيارة: ربنا يبعت
السيارة[2]: Daewoo Lanos 2006
دراجة بخارية: لا يوجد
الحالة :
ربنا يخليك ياباشا كفاية ردك عليا بس.
مش عارف والله ياباشا بس أكيد العيب منها لأننا مرة جربت أغسل العربية وغرقتها كلها مية بس مجيبتش مية عليها خالص فالشباك اليمين معلقش, ولما جيبت مية على الشباك الشمال لقيته مشتغلش.
مش عارف بقى اذا كان في حتة تانية بتسرب مية للباب ولا لا..
ويعني ايه ليها شعر زي السجاد؟
عموما هي ناشفة شوية.
وشكرا على رد ياباشا..وياريت الأعضاء يفيدوني.
رقم العضوية : 117629
تاريخ التسجيل : 09Dec2011
المشاركات : 2,672
النوع : ذكر
الاقامة : القاهرة- الشيخ زايد
السيارة: اكسينت Rb 2012
السيارة[2]: YARIS
دراجة بخارية: اسكوتر
الحالة :
بص يا خالد باشا باعتبارك جاري. وزميلي في المنتدى احب اطمنك
انا زمان زمان كان عندي لانوس دايو وكنت شاريها زيرو لمن كانت جديدة ياريس كنت بغسلها بالخرطوم عادي ومبتشتكيش. لكن مع مرور السنين لاحظة نفس المشكلة الي بتتكلم عليها. السنتر بيعلق. وكهربة الشبابيك فعرفت ان البيبان بتشرب مية .
هتروح حضرتك على اي محل قطع غيار وقلوا عاوز مسطرة شباك يمين ومسطرة شباك شمال امامي. خارجي
وهتلاقي تمنهم كلام عبيط بس هات حاجة محترمة. وروح عند اي سمكري او واد بتاع انذار او فرش بيبان وهو هيغيرهوملك وارزعو ياسيدي ١٥ او ٢٠ جنيه هاتهم انشالله من مجمع علي الدين واطلع بعد كده. عند مركز الخطاب. جمب المرور. بتاع اكتوبر وهو هيركبهوملك وصلى الله وبارك.
وبعد كده. متطلعش خرطوم المية. واديها وتغرق الشارع والحته قال يعني بتسقي الزرع هات جردل واسفنجة وحته نشفة وبعد ما تصبن عربيتك بالبريل امسحها على طول بالحته النشفة الصابون فيه مادة الشمع. الي بتلمع الصحون وبتلمع بدي العربية وتحياتي
me_medoo
رقم العضوية : 119326
تاريخ التسجيل : 19Jan2012
المشاركات : 1,731
النوع : ذكر
الاقامة : Sheikh Zayed City
السيارة: ربنا يبعت
السيارة[2]: Daewoo Lanos 2006
دراجة بخارية: لا يوجد
الحالة :
ألف شكر ياباشا على الرد
وبما ان حضرتك جاري فيشرفني اني أقابل حضرتك واتعرف عليك ان شاء الله.
طيب يعني هنزل اشتري مسطرة شباك امامي يمين وامامي شمال.
طيب اشتريهم من التوفيقية احسن ولا من مجمع علي الدين ده؟
وياترى فين المجمع ده في اكتوبر؟
عموما أنا دلوقتي مبقتيش أغرقها مية زي الأول بجيب جردل واحط فيه شوية فيري وادعك بيه العرببية كلها وبجيب الخرطوم وانزل بيه الصابون بس وانشفها بفوطة وخلاص.
طيب عندي سؤال مهم:
انا سمعت قبل كده ان غلط انك تغسل العربية بالفيري عشان بتخلي البوية تبهت وان فيه صابون مخصوص لغسيل السيارات..الكلام ده صحيح؟
وربنا يبارك لك في عربيتك الياريس ياباشا.
تحياتي.
رقم العضوية : 117629
تاريخ التسجيل : 09Dec2011
المشاركات : 2,672
النوع : ذكر
الاقامة : القاهرة- الشيخ زايد
السيارة: اكسينت Rb 2012
السيارة[2]: YARIS
دراجة بخارية: اسكوتر
الحالة :
ياباشا ده شرف ليا احنا قريب هنعمل اجتماع في مول العرب وتبقى مبادرة من قسم تويوتا وطبعاً كل. سكان اكتوبر من نايل موترز مدعوين
بالنسبة لمجمع علي الدين يا فندم عارف ميدان ليلة القدر هتلاقيه هناك مول كده كلو محلات ، ولو عاوز تروح التوفيقية ممتاز وعامة انتا حتى لو جبتهم من التوكيل. هتجيب حاجة نضيفة جدا جداً واصلية. وهتنسى موضوع المية ده خالص
بالنسبة لموضوع الفيري. ممتاز وكويس. بس لو عندك عربية بي ام ولا حته جاكووور كده ابقه هتلها شامبو عربيات الماني او امريكي من هيبر ب ٣٠ جنيه العبوة
بس عامة مش لازم تشطف الصابون من على العربية بالمية. خليه ياباشا ونشفها بحته نشفه ونضيفة. ومتمسحش بشكل دائري امسح بشكل مستقيم ، ايمتى تشطف الصابون اذا على العربية. فضلات عصافير او طينة ووحلة. وبلاوي زرقة بس الغسيل العادي خلي الصابون بيديلها لمعة وبمجرد ما تنشفها بحته نشفة بتبقى زي الفل وعن تجربة في عربيات كتير. وبتفضل العربية بلمعتها
me_medoo
رقم العضوية : 119326
تاريخ التسجيل : 19Jan2012
المشاركات : 1,731
النوع : ذكر
الاقامة : Sheikh Zayed City
السيارة: ربنا يبعت
السيارة[2]: Daewoo Lanos 2006
دراجة بخارية: لا يوجد
الحالة :
ربنا يخليك ياباشا الشرف ليا والله.. هو معاد المقابلة هيكون امتى ان شاء الله؟
مالو البريل بس..شغال وزي الفل, والكيس بنص جنيه هههههههههههههههه
لأ بس بجد بيقولو ان الصابون العادي بيضر ببوية العربية والأفضل تجيب شامبو للسيارات..ان شاء الله هبقى اشتريه لما انزل هايبر وهبقى أجربه واشوف النتيجة..وبعدين هو لازم يابشا الواحد يكون معاه مرسيديس ولا بي ام عشان يدلع عربيتو؟
أصل انا بحب ادلع البي ام بتاعتي قصدي اللانوس بتاعتي ههههههههههههههه (أوعدنا ياااااااااارب)
وهو يابشا ينفع امسح الصابون من على العربية بحتة نضيفة بدون ما أنزله بالميه؟ مش البوية كده تجيّر؟
ومتعرفش المسطرتين يعملو في حدود كام؟
المفضلات