يا وحوش هل ينفع أركب كباس عربية يباني في الميجان بدل الكباس الضعيف بتعها ؟
عرض للطباعة
يا وحوش هل ينفع أركب كباس عربية يباني في الميجان بدل الكباس الضعيف بتعها ؟
بس هو انت مش حاسس بفرق بعد ما ركبت المروحة الزيادة قدام السربنتينة ؟ انت متاكد ان شحمة الفريون عندك مزبوطة يعنى وقف العربية كدة على السلانسية وشغل التكيف واستنى 3 دقايق وبعد كدة امسك بايدك الماسورة الى فيها بلف الضغط الواطى المفروض لو التكيف عندك مزبوط تحس ان الماسورة ديو ثلج وتلسعك من كتر سقعيتها
أنا كونت حاسس بفرق بعد ماركبت المروحة و في الزحمة بلاقي هواء ساقع لحد ماركبت سيراتو مع واحد صحبي أمبارح عرفت أن تكييف الميجان دة مش ملوش لزمة دي السيراتو كانت وقفة في الشمس مولعة يادوب شغل التكيف مكملناش 3 دقائق لقينة العربية تلج و رحت عملت فامية حراري في الميجان بردو مش فرق الفرق الأنا عوزة
و أنا حلف لهفضل ورة التكيف بتاع الميجان لحد ما أخلية تكيف بييت مش عربية
ممكمن بس توضحلي أكتر موضوع التعديل ده يبقي أزاي
طيب بس قبل ما تعمل حاجة وتغير كباس اعمل الى هقولك علية وجرب
1. انت الاول متاكد ان تكييف عربيتك مفيهوش مشكلة ؟
2. اخر مرة شحنت بفريون اية وعملت فاكيوم قد اية ؟
3. شيل المصفحة الى تحت الموتور وابقى ركبها فى الشتاء .... بتكتم الموتور والهوا الى بيتسحب مش بيطرد صح ... جرب مش هتخسر حاجة انا متاكد هتفرق ..
3. هل الكباس بتاعك بيفصل والحرارة بتاعت الموتور اخبرها اية معاك ؟
4. هل لما عربيتك بتجرى بتحس ان تكييفك بقى عامل شبة بتاع السيراتو ( لو لا اكيد عندك مشكلة ) ؟
1-أنا رحت لأكتر م واحد بتاع تكيف كلة قلي مفهوش أي حاجة هو تكيف العربية كدة
2-أخر مرة من أسبوعين شحنت بجهاز
3-هجرب حوار المصفحة
4- محستش بية بيفصل ولا لا بس في الغالب لا
حرارة الماتور مظبوتة عالشعرة
5-لا بعد ماركبت مروحة السربنتينة حسييت بفرق أحسن من غرها بحس في هواء بس مش ساقع في سقوعة بسيطة
هي العربية بحلات بالليل سقعة جداً والصبح بصيط جداً
كلنا كدا بنعانى مع تكييف الميجان للاسف لو عاوز تكييف السيراتو غير لسيراتو
تكييفها جامد جدااااااااااااااااااااااا ا
طب لية أغير العربية عشان تكيف أكيد في حل مانغير التكيف عشان العربية أنا زمان كان معاية سويفت و كان تكفها زفت غيرت ثلاجا و ركبت سربنتينة أكبر التكيف كانا تكييف بيت مش عربية أنا هفضل ورى التكيف ده لحد ما أخلي بتوع اليباني و الكوري يحلفو بية :00020191: في بتاعه تكيفات في سقر أسمه صابر معدل في الميجان بتعتو و مركب كباس تويوتا عربيتة تلاجة و كان عاوز 1800 أو 1300 و ياخد الكباس القديم و يعمل التعديل بالشحن بالمصنعية
لا لما بجري مبيبقاش ربع السيراتو و كل طرق البمشي عليها سريعة و عربية الراجل فعلن فرقة جامد أنا جربتها بنفسي
متابع معاك الشغل الجامد ده
بحب الاقدام دايما على التغيير والتعديل للوصول لنتيجه افضل ........
حضرتك ينفع تغيير الكباس بس قبل ما هتغير هتشيل الطارة بتاعت كباس الميجان وتشيل الطارة بتاعت الكباس الجديد وتركب الطارة بتاعت كباس الميجان على الكباس الجديد علشان تكون نفس سنون السير مش مختلفة وبالتالى السير ميتقطعش ودة السير الى علية الدينمو يعنى لو اتقطع وانت على طريق سفر شكرا العربية مش هتكمل معاك 5 كيلو وتقف.
... مش عارف انت على كلامك بتقول حتى والعربية بتجرى الكتيف مش ربع تكيف السيراتو .. انا لما بجرى بالعربية 10 دقايق متواصل ايدى بتتجمد على الدركسيون وافضل افركها علشان مش مستحمل السقوعية ... انا مش عارف اية مشكلتك ... طيب انت الفلتر بتاع الكيف ممكن يكون مسدود مثلا ؟
طيب انت جربت تحط ايدك على الماسورة الى عند البلف الى بيتشحن منة التكييف
بس هى المفروض تبقى (ثلج) بعد 3 دقايق من تشغيل التكيف بمعنى انك تحط ايدك عليها سقوعيتها انك مسكت قطعة ثلج..
2. هل لما تمور وتدوس بنزين وتجيب ال ار بى ام على 3000 لفة الكباس بيفصل معاك ؟ بمعنى ان السقوعية تقل ؟
لو كدة يبقى الشحنة مش مزبطة ولما تجرى التكيف هيفصل منك
3. لو تقدر تجيب ثرمومتر ديجتال صغير وحطة قدام فتحة التكيف الى فى النص واطلع بالعربية على طريق وبعد 5 دقايق جرى قولنا القراية معاك كاام ؟ المفروض تبقى اقل من 12 سليزس لو درجة الحرارة برة مثلا 30
(ممكن الكباس نفسة عندك ضعيف او اكسبانشن فالف مش قد كدة بس انا استبعد دة
طيب ممكن تقولى انت حططيت كام جرام فريون اخر مرة شحنت ؟
المفروض الميجان بتاخد 550 جرام تزيد او تقل 30 جرام مش مشكلة لو اكتر او اقل التبريد هيبقى قليل ويا ترى اية نوع الفريون الى انت حططيتة ؟ طبعا اكيد انت سيبت الراجل هو الى يتعامل وهما طبعا بيحطوا صينى (انصحك بفريون اولاد رزق مصرى بس ممتاز وعن تجربة وهات الانبوبة ال 500 جرام وخلى الى بيعملك فاكيوم يعمل فاكيوم 15 دقيقة على الاقل مش اول ما يقولك يابشا خلاص الموتور مبيجبش هوا تانى معنى كدة خلاص لا فى رطوبة جوة دورة التكييف لازم تخرج من الدورة ولو قالك يابشا خلاص كدة قولو ياعم اعمل الى انا عايزة وخد مصنعيتك ( دة المفروض الفاكيوم دة يبقى نص ساعة على الاقل) وجرب كدة
ربنا معاك.......و ان شاء الله تجد حل
انا كل الميجان اللى ركبتهم نفس درجة التكييف عندى تكييف جيد لكن ابدا مش قوى زى سيراتووو
ممكن حضرتك تقولنا بتمشى عادة بالعربية امتى ؟؟ يعنى ايد حضرتك بتسقع جامد الكلام دا بالنهار ولا بالليل ؟؟ لان بالليل بتبقى تلاجة فعلا و مينفعش تشغل السرعة الرابعة لكن بالنهار بتبقى جايب اخر سرعة و فرق كبير
بالنهار وكلامى لما العربية تكون بتجرى يعنى ماشى 100 او 90 لدة 10 دقايق لو الجو برة 40 درجة وتكيف عربيتك اقل من كدة تاكد عندك مشكلة ما
ملحوظة : انا كان عندى قبل الميجان كيا سيفيا 99 وتكيفها كان جبار حتى لو العربية واقفة ودرجة الحرارة برة 40 بجد فريزر وانا شايف ان الميجان لما بتجرى نفس الكفائة يعنى حتى لو اقل هيبقى 2 او 3 درجة مئوية انما مش تقولى حتى والعربية بتجرى تكيفها ميجبش ربع السيراتو (مفتكرش) هو تكييف السيراتو بيبقى 0 درجة مئوية مثلا ؟ طبعا لا اكيد مثلا هتبقى درجة البرودة مثلا 10 والميجان مثلا هيبقى 12 او 13 ( دة فى حالة ان العربية بتجرى) بس لما بتقف مثلا 5 دقايق فى اشارة معاك تكييفها ملوش لازمة
هو فعلن حضرتك لما بمور العربية و بوصل RPM ل 3000 الكباس بيفصل و الشحنلي شحنلي بجهاز كمبيوتر شبة المكنسة الكهربة فمركزتش في نوع الفريون ولا شوفت بتاخد كام و لما بطفي التكيف بسمع صوت تنفيس من نحيت الكباس السربنتينة و لما سألتو قلي ده الأكسبنشن و عادي مش تدق
أنا جبت مفك و دست شوية علي بلف الفريون لقيت هواء بيطلع مش فريون و بعد كدة فريون و وصلت rpm لحد 5000 الكباس مفصلش و في تحسين سنة
طب أجيب فريون أولاد رزق ده منين و حضرتك تنصحني بمين كويس بتاع تكيف
الفريون من اى بتاع قطع غيار ثلاجات محترم
هات 500 جرام فقط
قبل ما تشحن اسئال على واحد عندة ضميير وبيفهم علشان يعملك فاكيوم صح (يعنى قبل ما حضرتك تشحن تقولة انا عايزك تعملى فاكيوم للدورة 15 دقيقة على الاقل زود فى الكلام معاك سيبة وامشى وشوف غيرة (هما مش بيعملة فاكيوم مدة علشان بيخافوا على مواتيير الثلاجات الى بيستخدموها احسن تتحرق)
قبل ما تشحن حاول تتاكد ان مفيش تنفيس عندك لان لو فية تنفيس او تسريب يبقى كل الى انت بتعملموا ملوش لازمة
خلية يديها بوق زيت كباس قبل ما يشحن
على فكرة نسيت اضيف حاجة
انهاردة كنت فى مشوار بالعربية على العصرية كدة والشمس كانت جامدة جدااااااا ودرجة الحرارة 26 درجة اخدت المشوار من الطريق الصحراوى جرى وكنت مشغل التكيف على 4 وكان والدى راكب وار هو وجدى اندفاع الهوا كنت موجة فتحة منهم على وشى واللة بعد 10 دقايق جرى خدى اتخدر ومبقتش حاسس بية يعنى مش هقولك ايدى بقى الى اتجمدت لا دة وشى كمان لدرجة ان والدى كمان قالى قلل التكييف شوية (دة الى قاعد ورا) وانا لما نزلت من العربية حسيت بسخونية جااااامدة فى خدى وحاسس انوا منمل
(الخلاصة الميجان وهى بتجرى تكيفها زيو زوى الكورى او اليابانى وانا كان معايا كيا سيفيا وعارف معنى كلمة تكييف جبااار يعنى اية يعنى مش بتكلم وخلاص وبالامانة انا ندمت انى بعت السيفيا لانى حاسس ان تكييفها مش هيتعوض كانت بجد جبارة سواء فى الاشارات او الجرى.
؟؟؟؟؟؟؟؟؟؟
يبقي أكيد في حاجة غلط عندي بس أنا رحت لأكتر من واحد بتاع تكيف و كلة قسلي درجة الحرارة بالثرمومتر و صلت 2 و واحد تاني وصلت 3.5 و كلهم بصولي علي كل حاجة لقوها تمام و حضرتك أنا من المنيا و بروح كل أسبوع بالعربية علي الكريمات يعني ببقا فاتح في السرعة و بردو مفيش سقوعة و ركبت مع واحد صحبي معاة 2009 عملة 29 ألف بردو تكفها وحش؟؟
طب هو حضرتك مغير حاجة في دورة التكيف أو الكباس؟
انا مش مغير حاجة طيب انت لما بتجرى مثلا بالعربية درجة الحرارة فى الخارج بتبقى مثلا 35 ؟
ملحوظة : هو الى اعرفة ان افجر تكييف عربية بيخلى درجة الحرارة 8 او 7 لو الثلاجة عندك بتعمل ثلج هتقلل السقوعية علشان هتسد الهوا وكمان انت كنت قايل ان التكييف بيفصل معاك على 3000 لفة معنى كدة ان لما تجرى هيفصل معاك لما توصل سرعتك 110 مثلا
ممكن لو ركبت كباس اكبر وسربنتينة اكبر يزود معاك السقوعية
انا عندى شك فى حاجة هل ممكن يكون جلد الباب بتاع السواق هو السبب فى المشكلة دى لانها عندى متاكلة و بحس لما بحط ايدى ناحيتها و الباب مقفول ان فى هوا جاى من برا :s
ما أنا فضيت شوية من صغيرين من الشحنة و ظبطت و بقا بيفصل علي 5500 في الحدود دي بالليل ببقا عاوز بطنية في العربية بس الصبح ببقي عاوز لوح تلج و حرارة العربية سابتة حتي و التكيف شغال في زحمة
بخصوص حوار السربنتينة و الكباس هما هيفرقو بس أنا عاوز أعرفهو العيب من أية لأني مش بحب ألعب في حاجة و أدخو في حوار سيور تتقطع و كدة
السير بيركب على الطارة بتاعت الكباس
هتشيل الطارة بتاعت كباس الميجان الاصلى وتحطها بدل طارة الكباس الجديد عادى خالص
الطارة بتتفك وتتركب عادى لما تحتاج تغيير رولمان بلى للكباس هى الطارة دية ركبة على البلى ( هى مش قصة ومش هتاخد مع واحد فاهم اكتر من 20 دقيقة ممكن عادل زوايا مثلا
يا جدعان امبارح انا كنت رايح اكتوبر من مدينة نصر على الدائرى
وكان فى تصليحات قعدت بتاع ساعه فى العربيه كانت الساعه 2:30 الجو كان نار جهنم بتاع 38
التكيف كان شغال يادوب مروحه اول مابجرى بيبى تلاجه وباليل كمان
انا عايز اشوف حل لموضوع الزحمه مع تكييف الميجان
موضوع المروحه التانيه الى قدام كويس فى الزحمه ؟ وهل ليه اى تأثير على الكهرباء بتاعة العربيه ؟
لانى بصراحه امبارح قرفت من العربيه اوى
وكنت عايز اسأل على حاجه انا طالع من مدينة نصر الحرارة فى العداد 38 ولما وقفت الساعه الزباله ديه وصل ل 45 ولما جريت نزل تانى ل 35 المؤشر كدة فى حاجه ؟
النهردة كنت قاعد مع واحد صحبي معاة bmw 320i و كان بيشتكي من نفس المشكلة راح لواحد بتاع تكيفات في مدينة نصر ركبلو كباس تيوتا و فصل أعدة و طول المواسير و زبط الدنية و أخد منة 1800 جنية و بيقلي أن التكيف فرق معاة جامد أنا خليتة كلملي الراجل و أتفقلي معاة و حروح بكرة أركب كباس يباني و هقطع عرق و أسيح دمة
مش ممكن يكون احساس حضرتك بالحرارة هو اللى فارق عن شخص تاني.
أصل أنا مثلا لما بكون خارج مع أصحابي بالليل .. أنا بكون سقعان و مناخيري ترشح و تقفل .. فى حين ان صحابي كلهم يقولوا لى ده الجو جميل و تحفه .. لدرجة ان أنا بروح و اسيبهم بسبب الموضوع ده.
أنا قصدي ان الاحساس بالحرارة بيفرق من شخص لاخر.
ركب كباس يابانى وريح نفسك لان كبس الكباس فى الميجان مش تمام
انا مريت بتجربه مشابهه
الوالد كان معاه مرسيدس 280 6 سلندر 3000 سى سى التمساحه فى السعوديه ونزل بيها مصر والكباس باظ لان ضغطه قلالمهم دورت على كباس لحد ما لقيت كباس طالع من عربيه متسوبيشى ميكروباص وعدلنا القاعده والطاره والخرطومين الداخل والطالع والتكييف بقى تلاجه لدرجه مخيفه حتى لو فى عز النار وواقف فى الشمس تتلسع من الساقعه ورجع بيه السعوديه واتحاكى بيه طول رحلة السفر الكباس كنت جبته بـــ 250 جنيه بس كان سعره لقطه الكلام ده من 13 سنه
السؤال هل اى كباس يركب على اى موتور ؟؟ يعنى هل فيه علاقه فنيه بين قدرة الكباس وسعة الموتور؟؟
طبعا انا ما بصتش للمعيار ده لان المكنه كانت اصلا غول 3000cc