الموضوع: طلعنا الكروس فوكس من النافورة امبارح !!

فعلا التقاطع بتاع يوسف عباس بيحصل فيه حوادس كتيير
مرة كنت رايح عند محطة يوسف عباس الساعة 7 وشفت حادسة بنفس السيناريو بتاع السوناتا تماما كانت لانسر كرستالة وتاكسي عاصمة والتاكسي إتقلب نفس القلبه بتاعت الكروس فوكس بالظبط والصراحة الإسعاف جت في 10 دآيئ بس وكانت الإصابات خفيفة
ويمكن آير باج السوانتا مفتحش لإن الخبطة كانت جانبية وهي لاتحتوي على آير باج جانبي وطبعا مالهاش لازمة الآيرباجات الأمامية تفتح
وطبعا الولد بتاع السوناتا غلطان 500% لإن تقاطعه فرعي والكروس رأيسي
بس طبعا العيب مش من الواد العيب من البلد إللي أول مرة في حياتي أشوف بلد من غير إشارات ضوئية الله يرحم أما كنت عايش في السعودية كانت تبقى الساعة 3 الفجر والطريق خالي تماما ومحدش يقدر يتجرأ ويقطع الإشارة

لا حول و لا قوة الا بالله
ربنا يسترها معانا

لا حول و لا قوة إلا بالله

ربنا يصبر مالك الفوكس و يهدى مالك السوناتا

اولا كنت عايز اسلم عليك يا باشمهندس , مكنتش بشوفك من زمان اوى.
سلام حار جدا!!!

زيادة عن اللزوم نفسي أحلل شخصية واحد يعدي تقاطع مهم وحيوي زي دة بدون ما يهدي أو يقف !!

كده لازم تحلل شخصية نص المصريين تقريبا!!!
حاجة غريبة انا مش فاهم ازاى الناس مبتبصش قبل ماتعدى الشارع , دى حاجة بسيطة مش هتاخد منهم ثوانى للاسف تقريبا نص الناس اللى بتسوق مبتبصش فى المرايا كمان و بيسوقوا باستهتار.
و الالعن اللى يمشى بسرعة اوى فى شارع عكس اتجاه!!!!

دمار شامل في السوناتا من الامام لكن الكارثة الكبرى إن مع قوة الخبطة الاير باجز مفتحتش ودي في رأي مصيبة

يا راجل رعبتنى , متعرفش اولا هى كانت 2000 و لا 2400 يعنى فيها
1 airbag و لا اتنين؟؟
معلش ممكن لو عندك صورة بتاعت السوناتا تحطها علشان عايز اشوف الضرر و يا ريت توصفلى ايه اللى حصل فيها و الحادثة تستحق الايرباج تخرج و لا لأ؟

ويمكن آير باج السوانتا مفتحش لإن الخبطة كانت جانبية وهي لاتحتوي على آير باج جانبي وطبعا مالهاش لازمة الآيرباجات الأمامية تفتح

لأ معتقدش لان حسب الوصف السوناتا هى اللى خبطت فى الوش و الكروس فوكس اتخبطت من الجنب دا اللى انا فهمته فبكدا كان لازم الايرباج تفتح بس برده السواق سليم يمكن الحادثة متستحقش.

معلش سؤال تانى .
السوناتا دى مصرى؟ يعنى كانت ملاكى ؟؟
بص كدا فى الصورة التالتة , ايه الجنط الغريب دا؟؟ بعدين العربية صغيرة اوى من ورا؟؟
و لا الصورة هى اللى وحشة؟؟

لا حول ولا قوة الا بالله