محتاج مساعدة الأعضاء الكرام
ربنا كرمني بقرشين و ناوى اجيب عربية زيرو ان شاء الله تعالي
والمقارنة بين الجين و الصني اوتو
الفرق مش كبير بين امكانياتهم لكن الجين شكلها خرافي طبعا
محتاج اعرف بكل صراحة :
_ هل قطع الغيار غير متوفره يعني لو فانوس اتكسر او محتاج اغير ماكينة زجاج او غيره حادوخ علي التوكيل لغاية ما الاقي المطلوب ؟
و هل قطع الغيار دي موجوده خارج التوكيل ينفع اشتريها و اركبها في التوكيل ؟
- هل التوكيل لسة سيء و هيقرفني في عدم الحرفية و ادوخ علشان اصلح حاجه في العربية؟
ل
لأن هما دول اكتر حاجتين مخوفني منها لأني مش بتاع بهدلة و تنطيط علي التوكيل كل شوية بسبب السكن (كفر الشيخ) اولا و ضيق الوقت ثانيا و قلة الصبر ثالثا
هه هتطمنوني ادوس خاصة ان الصني فيه شكل جديد حينزل بعد كام شهر و انا عايز اشتري علي طول
و لا مشاكل التوكيل و قطع الغيار تخلي الواحد يطهق و يشوف حاجة تانية
و شكرا لردودكم مقدما