عايز اشترى عجله نضيفه

**Mshawky** · 03-05-2012 12:34 PM

فكرت ياجماعه اشترى عجله محترمه وشيك والميزانيه لحد 1000 جنيه

ترشحولى ايه وتكون عجله مريحه وسريعه لانى جايبها للمشى بيها الصبح بدرى ورياضه فى نفس الوقت

ايه رايكم ومين معايا فى القصه ديه ؟

**ASSASSIN** · 03-05-2012 12:52 PM

والله أنا معاك بس الميزانية لا تسمح الايام دي خالص , we-1000 جنيه مايجيبوش حاجة كويسة
روح بص عند بسكلتة الاسعار إيه

**مواطن مصرى** · 03-05-2012 12:58 PM

فيه محل عجل مشهور فى وسط البلد اسمه ابوالجوخ (هو اسمه كده)
عنده عجل ممتاز بس ماركات( زى سبيد - بى ام اكس - توب رالى) و الاسعار طبعا معدية مره سالت على عجلة اطفال لابنى كان سعرها 1250 جنيه .....

**ahmadyusuf** · 03-05-2012 01:42 PM

حضرتك بما انى كنت بدور قريب فى الموضوع ده , اشهر محلين فى مصر هم ابو الجوج و بسكلته

Bescletta.com, The bike house

ABOU EL GOUKH

و تقريبا ارخص عجله عند الاتنين تمنها حوالي 1300 جنيه و اللينك بتاعها اههه:

Mountain :: Hardtail :: Martello titan - Bescletta.com, The bike house

بالنسبه للموضوع بصفه عامه , اهم حاجه فى العجله انها تكون المونيوم و خفيفه فى الوزن و لا بعد كام مره حتزهق منها و تلاقيها بتتعبك و متركبهاش تاني.

يبقى لازم حضرتك تدفع شويه فى الاول بس علشان العجله تعيش معاك , طبعا العجل مواصفاته كتير جدا سواء من ناحيه التروس او الخامه او الكراسي او المساعدين او الفرامل

لكن احسن نوع فى التروس و السرعات اسمه Shimano و ده تقريبا موجود فى معظم العجل الكويس اللى عند المحلين دول باختلاف موديلاته

**TaoTao** · 03-05-2012 11:17 PM

المشاركة الأصلية كتبت بواسطة ahmadyusuf

حضرتك بما انى كنت بدور قريب فى الموضوع ده , اشهر محلين فى مصر هم ابو الجوج و بسكلته

bescletta.com, the bike house

abou el goukh

و تقريبا ارخص عجله عند الاتنين تمنها حوالي 1300 جنيه و اللينك بتاعها اههه:

mountain :: Hardtail :: Martello titan - bescletta.com, the bike house

بالنسبه للموضوع بصفه عامه , اهم حاجه فى العجله انها تكون المونيوم و خفيفه فى الوزن و لا بعد كام مره حتزهق منها و تلاقيها بتتعبك و متركبهاش تاني.

يبقى لازم حضرتك تدفع شويه فى الاول بس علشان العجله تعيش معاك , طبعا العجل مواصفاته كتير جدا سواء من ناحيه التروس او الخامه او الكراسي او المساعدين او الفرامل

لكن احسن نوع فى التروس و السرعات اسمه shimano و ده تقريبا موجود فى معظم العجل الكويس اللى عند المحلين دول باختلاف موديلاته

+1
ابو الجوخ عنده دراجات كويسة بتكون أجزاءها شيمانو، أنا جبت من عنده عجلة ألومنيوم بـ 1250 جنيه كانت خفيفة وسواقتها أرحم كتير من الدراجات الصلب.
الناس هناك متعاونين وبيشرحوا كل حاجة بصراحة.
أنا كنت في فرع أكتوبر.