الموضوع: ايه الحكايه مش لاقى عروسه !!!!!!

المشاركة الأصلية كتبت بواسطة eemmoo

انتو يا جماعه بجد احبطونى من الجواز وانا داخل على 28 سنه والحمد لله مش ناقصنى حاجه وقعدت فتره كده ادور على بنت كويسه والحمد لله مالقتش بس بعد الكلام اللى شفته منكم شكلى هصرف نظر عن الموضوع

ولا تصرف نظر ولا تعقد نفسك
بس نصيحه متستناش حد يجبلك
دور انت بنفسك
و خد وقتك

المشاركة الأصلية كتبت بواسطة ahmedhawas

هو في حاجة ببلاش !!
أساساً المتطلبات الأساسية اللي بيجيبها الزوج بتكون كفيلة إنها تقطم وسطه.
ده كفاية إن الواحد عشان يجيب شقة معقولة وفي منطقة مقبولة (مش هقول راقية) .. مش أقل من 350 ألف .. غير تشطيبها.
للأسف أُس المشكلة في ان البنت بتكون باصة لزميلاتها وقريباتها :
جالهم إيه ..
وعملوا إيه ..
وجابوا إيه ..
وكتبوا إيه في القايمة ..
ونسيوا يكتبوا إيه ..
وينبهوا على بعض (ده في ناس خبرة في المواضيع دي)

اولا ناس كتييييييييييييييييييييييي يييييييييير جدا بتتجوز فى ايجار مؤقت او دايم لو عرف يجيبه او بيكون فى بيت العريس

ثانيا لو الشقة التمليك تقطم الوسط دى مش مشكلتها لأن ربنا بيقول انك توفر السكن ولازم يكون عندك قدرة مادية معينة عشان تتجوز (من استطاع منكم الباءة) اما اللى معندوش قدرة مادية وجسدية ميبهدلش حد معاه

ثالاثا من غير الشقة خالص هى الأسعار غالية وده برضه مش ذنب البنت يعنى يوم ما تشترى النهاردة عفش عادى واجهزة كهربائية استحالة تقل عن 50 الف وانت طالع ده حتى لو جبت انتريه مثلا ولغيت الصالون او اتصرفت بأى طريقة

فعادة هتلاقى اى شاب النهاردة مسافرش بره صعب يكون معاه المبالغ دى فد ه برضه مش ذنب البنت


مفروض انها تعمل ايه يعنى

مبتاخدش منك مهر مع انه حقها يبقى متسكترش عليها انك تجيب لها شبكة وتكتب المهر مؤخر

ومحدش يقول ربع جنيه لأنه لازم يكون مبلغ معتبر يشترى حاجة شوف مبلغ معتبر النهاردة ممكن كام


وغير انها مبتاخدش المهر اللى مفروض تشيله فى جيبها ومتجيبش منه حاجة


بتساهم معاك فى العفش وفى ناس بيتفقوا النص بالنص لو حسبت بقى انها فوق العفش ده هتشترى فرش لأوضة النوم وحاجات للمطبخ وهدوم ----الخ هتلاقيها دفعت اكتر منك


وبرضه بتيقوا زعلانين قوى انها عيزة تحفظ حقها القانونى فى العفش اللى مش بفلوسك

ثالثا حكاية المقارنة دى عيب فى ثقافة الشعب المصرى اصلا يعنى مفروض يتلغى قصة ان اللى يبارك لحد يتفرج عالشقة اصلا
وانا شخصيا ميهمنيش رأى اى حد بطالما مقتنعة بالحاجة اللى اشتريتها بس اكون مقتنعة يعنى مش معنى كده انها تكون غالية لكن عاجبانى

وكمان تستحمل وتعيش فاذا كنت النهاردة مش قادر تشترى العفش متوقع تقدر تغيره امتى لما يبقى وراك ولاد بمصاريفهم ومدارسهم


بمعنى ان واحدة اعرفها قالت مش مهم العفش عشان بس الجوازة هتكون فى بلد تانية فمحدش هيشوفه وده تفكير متخلف لأن مفروض ترضى نفسك وتولع الناس

والنتيجة الشرا من مكان خشبه اى كلام عشان يبقى رخيص بعد سنة واحدة من الجواز لو شفت شكل العفش عايز اقرب زبالة ويترمى فيها واتكسر وانتهى



رابعا الأخ اللى بيقول اديها بالشلوت ومعرفش ايه هل متوقع ان اللى اسلوبه كده فى الكلام هو الشخص الذى ان احبها اكرمها وان ابغضها لم يهنها ولم يظلمها

المشكلة انكو دايما تقولوا (اذا جاءكم من ترضون دينه وخلقه)

هو ايه مقياس الدين والأخلاق بالضبط عندكو لما كل واحد جاى حافظ الحديث ده وان من حقه يعدد زوجات وبس يعنى بيدور على اللى يخدم مصالحه من الدين ويسيب الباقى

وتيجى تسأله عن اى حاجة تانية فى الدين تلاقيه ميح وتكتشف انه مش بيحافظ عالفروض اصلا مع ان الصلاة عماد الدين وا-ب اسلام
ولا عارف حقوق الزوجة فى الأسلام ايه ولا يعرف من الدين غير قشور اساسا


خامسا تعالوا نجاوب على اسئلة كده مع ان اجابتها معروفة
1-نسبة الغش والتدليس والكذب فى المجتمع بقت قد ايه وان شخص يقدر يخدعك تماما

2-لو حصل طلاق مين من الطرفين حياته انتهت والتانى هيلاقى واحدة توافق عليه وهيتجوز ويعيش حياته وينسى ولاده

ورغم كده مطلوب من اهل البنت ميفكروش يأمنوها هتقولوا اللى تخسر جوازة مش مهم تخسر فلوس اشمعنى انت خايف قوى تخسر فلوس وهى لما تفاجىء انك بتظلمها وانها اتخدعت فيك وتطلع بعيال متلاقيش مكان تربيهم فيه ولا عفش تقعدهم عليه وترجع بيت ابوها وتبتدى من الصفر وياريته صفر لأ دى خلاص محدش هيرضى يتجوزها وحياتها انتهت فى حين الرجل المطلق هيتجوز تانى بكل سهولة
3-كام حد فى حياتكو شفتوه لما اهل البنت خففوا عنه قدر لهم ده واترجم لأسلوب كويس معاها ومحسش بعد كده انه كان حق مكتسب ورجع يبرر لنفسه ويقول اه تلاقيهم عملوا كده عشان يجوزوها والبنات مش لاقيين مش انهم خففوا عنه واشتروا راجل زى ما بتقول

خامسا فى حاجة غريبة انكو دايما بتتكلموا ان البنت بتتنك مع ان لو قريتو تعليقاتكو كويس هتلاقوا ان انتو اللى حسين ان بمجرد توفير السكن وشرا شوية عفش وهى مطالب اساسيىة فى الأسلام فانت عملت اللى متعملش ومفروض تبوس ايدها وش وضهر لآخر عمرها لأنك سمحت لها تسكن فى الشقة وتقعد عالعفش اللى حضرتك تعبت قوى على ما اشتريته وانها مفروض تحس بامتنان فظيع لأنك لميتها من الشارع ياعينى وبتصرف عليها وتلاقى الواحد متضايق قوى مع انه واجبه انه يصرف على مراته امال القوامة جاية منين

ولو حسبتها وفكرت تجيب حد يغسل لك وينضف لك ويكويلك ويربى عيالك ___الخ هتلاقىك دفعت مبالغ اضعاف مضاعفة عن اللقمة اللى بتاكلها لها والهدمة اللى بتشتريها لها وبتاخد عليهم ثواب كمانزى ما انتو بتشتكوا من عدم التقدير وزى ما انتو مرعوبين ان الطرف التانى متتوفقوش معاه كل المشاعر دى البنت واهلها حسين بيها برضه

المشاركة الأصلية كتبت بواسطة x_mm_x

انا هرد بجمله واحده شوف والدك ووالدتك اجوزوا ازاي وكان معاهم اي ووصلوا لايه ؟؟ وانتا تعرف ليه مش لاقي عروسه

معلش ياريت توضح أكتر ....

r0xer و النعمه انت برنس ههههههههههه لا بجد جامد اخر حاجه

azmeralda حضرتك مش ملاحظه ان كلامك في تعصب حبتين ؟

المشاركة الأصلية كتبت بواسطة ahmed_ramadan

يعنى أما تروح تتقدم لواحدة و تبقى عاوزة تعيش فى نفس المستوى اللى عايشة فيه و ممتعبش و تتجوز و كل حاجة عندها من اول يوم .....ابقى اسأل أبوها انتو اتجوزتوا فين و الفرش كان إيه و كان معاكوا عربية و لا لأ !!!

الناس دى أبعد عنهم أحسن لأن الجواز بالنسبة لهم عبارة عن صفقة بيع و شراء و معندهومش حاجة أسمها حب وغالبآ البنت من دول بتجوز يا أما راجل كبير فى السن بس غنى يا أما بتعنس ....