ستاير الفلوينس

**engtmk** · 03-05-2012 09:42 PM

معايا فلوينس لما جت ارخصها المحترم بتاع مرور المعادي قالي مفيش ستاير في ورق العربيه.

يعني ايه ياعم يعني مش هحطها .

كلمت رينو قالي احنا بعتنا جواب للأداره المركزيه بكده

عايز اعرف كام واحد حصل له كده وعمل ايه.

لاني هاجدد الرخصه علي شهر 8 ان شاء الله وعايز اعرف ايه العمل

**MARTINDALE** · 04-05-2012 12:21 AM

حاول يعملها معايا وبلطجت عليه واضطر يثبتهالي

**airfox** · 04-05-2012 12:27 AM

انا معايا ميجان ومش مثبوته في الرخصه روحت للمهندس المسئول في المرور قالي لو حد كلمك ابقي تعالي و انا هظبطلك الموضوع فكبرت دماغي و لو حد وقفني هقوله هي الشركه منزله العربيه كده لو مش عاجبك روح كلم شركه رينو لانه مش هيقدر يشليها لو عمل ايه ولو عمل مخالفه في النيابه تقدر تقوله هي الشركه منزله العربيه كده وش ذنبي . وممكن تريح دماغك لو داخل علي لجنه نزلها و هو مش هيقدر يفتح بقه

**engtmk** · 04-05-2012 12:46 AM

المشاركة الأصلية كتبت بواسطة ahsd2000

حاول يعملها معايا وبلطجت عليه واضطر يثبتهالي

قعدت اكلمه منفعش

المشاركة الأصلية كتبت بواسطة airfox

انا معايا ميجان ومش مثبوته في الرخصه روحت للمهندس المسئول في المرور قالي لو حد كلمك ابقي تعالي و انا هظبطلك الموضوع فكبرت دماغي و لو حد وقفني هقوله هي الشركه منزله العربيه كده لو مش عاجبك روح كلم شركه رينو لانه مش هيقدر يشليها لو عمل ايه ولو عمل مخالفه في النيابه تقدر تقوله هي الشركه منزله العربيه كده وش ذنبي . وممكن تريح دماغك لو داخل علي لجنه نزلها و هو مش هيقدر يفتح بقه

اوكي بس انا عايز اعرف كام واحد عنده المشكله ديه عشان نجمع ونطلب من رينو انها تدينا جوابات للمرور العقيم بتاع كل واحد فينا ويثبت حقه علي رخصته

**airfox** · 04-05-2012 12:54 AM

يا ريت و انا معاك .بس انا اعرف واحد صاحبي لسه جايب فلوينس و الستاير مثبوته علي الرخصه انما انا شايف المشكله ديه اكتر في الميجان

**Ahmed Selim** · 04-05-2012 10:08 AM

هى المشكلة فعلاً أبتدت مع الميجان............الستاير مكنتش بتيجى مع ورق العربية و مكنتش بتتثبت على الرخصة.

و فى 5 سنين محدش وقفنى عليها غير مرة واحدة فى شرم الشيخ و كان معايا مراتى و مكنتش رابطة الحزام
قالى ستاير
قولتله العربية نازلة كده
قالى : خلاص.........المدام مش رابطة الحزام ( هتدفع يعنى هتدفع )
دفعت 150 أو 100 و مشيت.

أنت ممكن تروح التوكيل لمدير خدمة ما بعد البيع و تطلب منه ورقة من التوكيل تثبت أن العربية نازلة بستاير و بعد كده تروح تضيفها على الرخصة.