طب جرب حضرتك تطلع تسوق على طريق مفتوح 10دقايق مثﻻ وتكون سرعتك فوق ال 100 وﻻحظ هل هيحصل تغيير ولا ﻷ . وشكرا للمتابعه موفق
عرض للطباعة
استفسار نفسي حد من حضراتكم يفيدنى
انا عربيتى كانت اتخبطت من الامام ونزل منها زيت عرفت ان سربنتينة زيت الفتيس كان فيها كسر انا صلحتها برة التوكيل بس الزيت كان نقص انا ما حركتش العربيه بس بدا يبقى فيه صوت خشن مع تزويد البنزين وانا واقف هل ينفع ازود الفتيس اى نوع وازود اد ايه ولا لازم الزيت بتاعها من التوكيل لان مش هعرف امشي بالعربيه لحد التوكيل وهل الصوت ده طبيعى يحصل لما زيت الفتيس ينقص ارجو الافادة
وحشتنا ياهندسه @حاتم السباعي
كل سنه وانت طيب وعيد سعيد عليك وعلى الاسره الكريمه
لا حضرتك اوعي تزود بزيت غير الموصى به للفتيس الـ cvt الخاص بها وهو زيت نيسان ns2 وليس أي زيت آخر - ولا حتى نيسان ns1 - والا فيه ضرر أكيد على الفتيس .....
أقول لحضرتك على واقعة حصلت لي من 3 شهور تقريبا كنت ماشي الساعة 6 صباحا واخد سرعتي وألاقي كلبين بيجروا ورا بعض واحد منهم قام نازل تحت العربية ... وبعد ما قلت ده اتفرم 100 حتة لقيته طالع بجري عادي ولا كأن حاجة حصلت بس بعد ما قطع خراطيم زيت الفتيس فالزيت نزل كله على الأرض .. وديتها بونش غالى مودرن موتورز المطار - الاقرب لمكاني وقتها - وجبتلهم من السبع زيت ns2 لانه كان خلصان من عندهم ... فطبعا بحسبة ان مبقاش فيه ولا نقطة زيت في الفتيس اشتريت صفيحتين الوحدة منهم 4 لتر .. وتمن اللتر الواحد 178 جنيه والعربية خدت حوالي 7 لتر وشوية والباقي ادوهولي ..... فالزيت وقف لوحده بـ 1570 شامل ضريبة المبيعات بس حاعمل ايه مجبر أخاك ....
فمينفعش أي زيت تاني غير الموصى به للسيارة ويفضل انه يتملي عند التوكيل وتراجع مستواه كل فترة عنده لأنها مفيهاش مقياس زيت فتيس ........
الزملاء الافاضل
أشكركم على هذى الرابطة الرائعة و التى استفدت منها كثيرا و هى نموذج لهذا المنتدى الاكثر من رائع .
و ان شاء الله هستلم و هرخص السيارة يوم الاثنين ٢٣-٣-٢٠١٥
و العربية بيضاء و هى الفئة الاولى
و قد لاحظت انه لم يتم تحدسث الموضوع بعد المحرك الجديد
فأرجو توجيه النصيحة لى عما يجب التركيز عليه و أرجو تجديد الموضوع حتي يستفيد اخرون مثلما استفدت شخصيا منه .
استلمت ولا لسة ؟
استلمت و رخصت يوم الاتنين و لله الحمد:biggrin2:
و سافرت الاسكندرية و جيت
انطباعى انها عربية رائعة و ان كانت تفتقر الى بعد لمسات الرفاهية و الراحة الداخلية مثل بيجو ٣٠٠٨ مثلا:H_angry[1]::H_angry[1]: .
و ده لا ينكر انى اخترتها علشان متأكد انها اعتمادية باذن الله لانى حركتى كتير جدا .
عملت ٦٠٠ كيلو و حجزت الصيانة الدورية فى فرع التجمع ان شاء الله
الف الف مبروك
انا استلمت يوم 10 مارس و عملت صيانة ال 1000 في السبع و مشيت الوقتي 2000 ك يا ريت تلقي اية أخبار فتيس ال cvt معاك
الف مبروك... ربنا يرزقك خيرها و يحميك من شرها
قالو لى لازم تعمل الصيانة في اوتو ايجيبت فى التجمع الخامس او ابو رواش
انت عملتها فين؟
و كلفتك كام ؟
و عملو ايه بالصبط ؟
و هل غملت اى اضافات للعربية ؟
اول مرة اسوق CVT و الفيديو ده هو اللى عرفنى الفرق https://www.youtube.com/watch?v=2OMqmpjOHWM
ادينى و فيدنى كدة بانطباعك عن السبارة .
صيانة ال1000 تقريبا مفيش حاجة إلا تغير الزيت و أي ملاحظات مالك السيارة بيقول عليها و بيشوي السوائل انا عملتها في السبع في المنصورة و هية بتكون مجانا دفعت 570 زيت 10000 و فلتر و 10 في المية ضريبة مبيعات
انا ركبت فرش جلد كامل و دواسة جلد في الأرضية و الشنطة و سنسور بارك .
الفرش 2000
السنسور 500 أحمد مرعي لاني جايب السيارة من أحمد مرعي اسكندرية
يا ريت تبعتلي اللنك لاني مش عارف اشوف الفيديو
اعمل بحث غلى اليوتيوب Nissan CVT explained
انا لصقت شفاف على جسم العربية و بصراحة مش عارف مدى فاعلية سينسور البارك و محتار اركبه و لا لا بس اللىبفكر فيه بشدة هو جهاز التتبع و مش عارف بيركبوه في مودرن و لا لا
انت ايه رأيك في موضوع السينسور ده ؟
و مفكرتش تركب جهاز تتبع ؟
و مقولتليش ايه تعليقك علي السيارة ؟
و شكرا مسبقا على الرد
السنسور مهم جدا لان مبتشوفش ورا العربية اية موضوع الشفاف الي علي جسم العربية دة و بتعمل فين و بكام ولو اتشال ميبوظش العربية
السيارة جيدة جدا و فيها ميزة أن هية واسعة الكنبة الي الخلفية و مريحة في السفر جدا
بسمع عن لزق شفاف بيتلزق ع كل قزاز العربية من جميع الجهات و انه بيمنع دخول حرارة الشمس حتى و هي بدون غطا ، هل الكلام ده صحيح و فعال لدرجة ايه و بيكلف كام و ممكن ألاقيه فين ؟؟
و شكراً .
يا ريت يا جماعه المساعده انا خلاص قررت اشترى قشقاى 2015 والتنفيذ خلال الاسبوع دا
كنت سامع عيب من الجنط ال19 فى الsport
هل فعلا الكلام دا حقيقه عشان شوارع مصر والبروفايل اقل من 55
يا ريت الرد لو امكن ممكن لو حد اشترى الفئه التانيه او التالته اخد رقمه عشان استفسر منه عنها اتمنى الرد
هل ينفع اشترى كاوتش بروفايله اكبر من 45 لجنط 19 ؟؟
ممكن يا جماعة حد يفيدنى عن اسعار قطع غيار العربية عاملة ايه
انا عايزة اشتريها وسامعة ان قطع الغيار غالية اوى
عملة معاك اية مع بنزين 92
ظهر معاك صوت التربو
صوت التربو صوت بيجي و انت طالع مطلع انا قلقت منة اول ماجبت العربية بس بتوع التوكيل قالولي دة صوت طبيعي و متخفش من حاجة
بيبقي صوت بكبكة يجي و يروح لوحدة
هل سمعت الصوت دة؟
اخواني الاعزاء ..
ممكن نعمل استفتاء لمرفة عدد اللي اشتروا القشقاي الجديده ومنين وباوفر ولا لأ.
مع خالص الشكر
الصوت الي انا بكلم علية بيجي أوقات مش علي طول لو انت طالع مطلع وكمان مش في موقف معين بيجي الصوت أربع مرات بق بق بق في خلال ثنيتين و بيختفي
قالولي دة صوت التربو و دة طبيعي
دة الصوت الي انت بتسمعة؟
يا ريت تليفونك اذا سمحت
الصوت مبيجيش ابدا من الثبات
المهندس في أوتو ايجبت قلي دة صوت التربو و شرح أن دة بالبلدي صوت فتح بوابة التربو من غرفة الضغط
و قلي متخفش من أي حاجة
وبتهيئلي دة لو تسقيف كانت حركة السيارة اتاثرت بس دة صوت و بس و مبيجيش إلا كل 200 الي 300 كيلو بيجي لية و بيروح لية معرفش
الحمد لله كدة هوة موجود عندي و عندك يبقي شئ طبيعي
علي فكرة انا بقالي شهر بنزين 95 علي سبيل التجربة أن الصوت يكون مش طبيعي و يروح و مرحش
انسي الصوت مش هتسمعة
تقرير مختصر عن IX 35 Full Loaded الفئة الاعلى ..
املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..
1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- كاميرا خلفية .. ممتازة
12- مثبت سرعة
13- مرايات كهربائية خارجية قابلة للطي
14- مراية كهربائية داخلية للتعتيم
15- جنوط سبور 17
16- التشغيل باللمس
17- المفتاح الذكي
18- استهلاك البنزين .. جيد جدا
19- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
20- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
21- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟
هذه وجهة نظري الشخصية .. اما بالنسبة للسيارات الأخرى .. الله اعلم
مع تحياتي ..
يا ملاك القاشكاي ( الجديدة ) الأعزاء ،
هل حد منكم واجه مشاكل من اللي بيتكلموا عليها ف البوست ده ؟
http://www.nilemotors.net/Nile/454679-2014.html
لو تكرمتوا يا ملاك القاشكاي الجديدة الأعزاء منين نجيب الأوبشنز الصح المحترم المظبوط ع مقاساتها ( فرش - دواسات - غطا كلي قماش ولا جلد - و كمان الدفندرات بالذااااات )
تلاقيهم فى الحرفيين او فى العتبه كمان بيبيعو