التكلفة ستختلف حسب نوع الزيت المستخدم اللي حضرتك ستختاريه هل ( 5000 ام 10000 )
يتبقي ثمن المصنعيات و هي تكلفة بسيطة جدا
علي ما اتذكر الموضوع لن يزيد عن 300 جنية
عرض للطباعة
السلام عليكم نسور القشقاي
انا قرأت حاجه غريبه و اتئكدت منها من الكتلوجات و هيه ان موتور القشقاي هوه نفس موتور التيدا و الاثنين فئه HR16DE و السعة اللتريه لهما 1598 و نوع المحركcylinder 4, in-line , DOHC و نفس الهورس بوار 118
ممكن حد من نسور نيسان يشرح لينه او يوضح ازاي همه نفس المحرك طبعا مع اختلاف حجم العربيتين و ده ممكن اكيد يفرق في سحب العربييتين و خاصه في القشقاي هيكون بالسلب عشان جسمها اكبر
و بجد اشكركم علي المجهود الرائع ف الصفحه ديه .
الاخ الكريم الاستاذ miko-tiko
من قال لا اعلم فقد افتي و انا ( لا اعلم )
انا حاولت ان اجيبك عن استفسارك الا اني بكل اسف لم اتوصل لنتيجة مرضية
و لكن ما استطيع ان اؤكد عليه ان هناك اختلاف في تقنية ال cvt التي تتمتع بها القشقاي عن التيدا علي حد معلوماتي المتواضعة و هذه التقنية تعلي من اداء السيارة بوجة عام في الحركة
و اتوقع ان يفتينا خبراء القسم مثل الدكتور يوسف او احد خبراء المنتدي الافاضل
باشمهندس حاتم ازي حضرتك
الف شكر على اهتمامك بالرد و يا رب حد من النسور يوضح لنه اكتر عشان انا كنت سمعت الموضوع ده و انا بحجز بس نسيت اسأل عليه و من كام يوم لقيت حد كتبه فدورت و لقيت ان فعلن المتورين واحد
باشمهندس حاتم ازي حضرتك
الف شكر على اهتمامك بالرد و يا رب حد من النسور يوضح لنه اكتر عشان انا كنت سمعت الموضوع ده و انا بحجز بس نسيت اسأل عليه و من كام يوم لقيت حد كتبه فدورت و لقيت ان فعلن المتورين واحد
يا بشمهندس حاتم ازي حضرتك يارب تكون بخيرد
كنت عاوز اوضح نقطه اني لما روحت احجز وضحلي ان الشراء بسعر السوق يوم الاستلام وليس بيوم الحجز ولما اعترضت قالي افترض ان وقت الشراء تم الغاء الجمارك ع السيارات هتوافق انك تدفع حاه زيادة عن تمن العربيه ...وشكرا
بارك الله في حضرتك اخي الكريم الاستاذ bahgat
ممكن يكون حصل تعديل علي النظام المعمول بها
لانه في وقت من الاوقات كان الحجز بيكون بقيمة معينة لكي يحدد ثمن السيارة ( دون زيادة او نقصان )
و كان دائما بيكون بمبلغ كبير شوية
و في نفس الوقت بيكون هناك وكلاء اخرين او مراكز معتمدة اخري بتحجز بمبلغ صغير لتكون غير ملتزمة وقت التسليم بسعر معين و تبيع بالسعر الرسمي وقتها
بسم الله الرحمن الرحيم
وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ.... (آل عمران/103)
صدق الله العظيم
اللهم جنبنا وبلدنا هذا شر الفتن ما ظهر منها وما بطن .
سلام عليكم بشمهندس حاتم،كنت وعدتني من كام شهر تبعتلي صور للشنطة و عرض لسعتها و حجم الشنط التي ممكن تدخل فيها. مسافر تش من الصيف ولا ايه. :-)
السلام عليكم ورحمة الله
العربية( قشقاى ) اتخبطت ووش الفانوس الامامى اتكسر وكل حاجة بيه سليمة
هل ممكن اشترى الفانوس فاضى من التوكيل ولا بيتباع كامل
فانوس امامى كامل = 5500
فانوس خلفى = 1100
يمكن تصنيعه في ورش متخصصة .. او اسأل عليه في شارع صلاح الدين ( المنشية )
السلام عليكم ورحمة الله وبركاته
الأفضل تجيب فانوس كامل عشان ميعملش تكسيف من الداخل لو جبت فبر ليه بس و ربنه يعوضك انشاء الله
السلام عليكم ورحمة الله وبركاته
نسور القشقاي في مفيش اي صور و له اي تقارير جديده أو عيوب حته (الحمد لله ده اكيد مش عيزينوه)
هو الافضل طبعا .. الجديد .. لكن ثمنه .. :U_thin1[1]:
والله يا جماعة انا زعلان جداً انا اغيت حجز القشقاي اللي كان نفسي فيها جداً ، بس للأسف أوتو إيجيبت مش صادقين في مواعيدهم وده نتيجة الضغط اللي عليهم من الحجوزات وفي نفس الوقت طمعهم الغير محدود ، يعني العربية ب 175 بس ياخد منك ال50 الف ويخزنهم عندهم يشتغلوا وبعد كده يفضل يديك مواعيد في مواعيد وبعدين متستلمش ، انا لغيت لأن ناس كتير اشتكن ممواعيد التسليم في حين أن العربية مرطرطة عند المعارض بس ب 195 يا باشا وادفع لو عايز ماشين بمبدأ الغاوي ينقط بطاقيته ، يعني اوفر برايس 20 الف جنيه ، زائد ان البيت عندي كانوا عايزين عربية أوسع عشان شايفين ان القاشقاي ضيقة حبتين وفارقة حاجة بسيطة عن الجيتز كمساحة داخلية ، وربنا أكرمني واستلمت كارنز ورخصت كمان والحمد لله ، فعلاً المساحة بجد حاجة رهيبة سواء في الصالون أو الشنطة وسحبها مش سيء زي مالناس خوفتني ، هي طلعته بس اللي تقيلة سنة صغيرة وأعتقد ان ده كمان موجود في القشقاي السحبة البطيئة في الطلعة ، بس ده ميمنعش ان لسه معجب بالقشقاي وهموت عليها، وربنا يوفق اللي حاجزين ويستلموا على خير بدون أي تأخير.
الاخوة الافاضل ملاك القشقاي
من فترة طويلة و انا نفسي تجمعنا مقابلة للتعارف خارج حدود الشاشة و يكون لنا لقاءات دورية لكي
و للاسف كانت ظروف العمل تمنعني من ترتيب هذه المقابلة او من الحالة النفسية التي نمر بها جميعا بسبب الظروف التي تمر بها بلدنا الحبيب هذه الفترة
و وجدتها فرصة مناسبة ان نتجمع في مقابلة القسم التي دعا لها الاستاذ الفاضل احمد مصطفي و يشرفني ان تنورونا بتواجدكم معنا
مكان المقابلة في مطعم اخ لنا هنا في المنتدي في السادس من اكتوبر
و هذا الرابط العام للمقابلة
http://www.nilemotors.net/Nile/328261-11-11-6-a.html
و هذا هو رقمي للتواصل و يسعدني جدا تلبيتكم للدعوة
بسم الله الرحمن الرحيم
الاخوة اعضاء الرابطة .. تحياتي اليكم
عند متابعتي اليوم والتأكيد على موعد تسليم القشقاي الشهر القادم من خلال التوكيل ( مودورن موتورز ) .. افادوا بأن المواعيد كما هى .. ولكن هناك اختلاف في السعر .. حيث اصبح 180 الف جنيها بدلا من 175 الف نظرا لارتفاع الدولار .. وربنا يستر
السلام عليكم ورحمة الله
الاخوةالكرام مالكى قشقاى لى ملحوظة على السيارة ان طبقة البويه الى عليها ضعيفة جدا وانها بتتخربش من اقل احتكاك لدرجة ان الفوطة بتعلم عليها .............هل الملحوظة ده عند انا بس ولا اى حد من الاعضاء حث بيها
على فكرة ان بقارن بينها وبين السيارة الى قبلها
الاخ الكريم الفاضل الاستاذ محي
الخربشة حدثت عندي في المراية الجانبية اليمين فقط نتيجة الاحتكاك بسيارات و بحائط و اراها مثلها مثل غيرها من السيارات
و لكن حكاية ان الفوطة تعلم دي اراها غريبة جدا
هل الفوطة كانت بها مواد كيماوية ( كاتنر مثلا اوي شئ مثل هذا و حضرتك لم تأخذ بالك ) فيكون ادي لمثل هذا الامر
لان تعليم الفوطة علي البوية لا يحدث الا حين تكون الفوطة عليها شئ
او ان المنطقة اللي علمت عليها الفوطة في الصاج بتاع السيارة كان اترش عليها مادة ادت لاسالة البوية او شئ من هذا القبيل
فأرجو ان حضرتك توضح لنا الامر قليلا و حتي لو استدعي الامر ان نتقابل فهذا من دواعي سروري و نري ايه الحكاية لان العربية معايا من 9 شهور و ما شاء الله مفيش حاجة من دي بتحصل
تحياتي لحضرتك
صديقى العزيز
تحية طيبة
موضوع البوية له عوامل كثيرةالألوان الداكنة مثل الأسود مثلا المفروض ليه معاملات خاصة ولازم تتعامل معاه بفوطة ناعمة
ومن المهم كما نصح الزملاء الأبتعاد عن الفوطة الزفرة تمام (انا أحضرت للبواب فرشة أو شرشوبة مش عارف بيسموها إيه وكمان النوع الكورى بـ75 جنيه علشان احاول الحفاظ على البوية بقدر المستطاع )
بالرغم من ان سيارتى لونها فيرانى .
وكمان سايس الجراج أو البواب بيعملوا عملة انا أسف زى الزفت بتبهدل العربية طبعا البيه وهو بيمسح العربية تلاقيه نايم على العربية بجسمه كله يعنى لابس قميص بزراير أو توكة الحزام طبعا كل الكلام ده بيجرح العربية بشكل سئ جدا
الموضوع الثانى ان السيارى الجديده عليها طبقة شمع وبتكون شديده اللمعة ومش باين فيها دواير ولا أى حاجة من إللى بالك فيها واحنا بيبقى نفسنا نحافظ عليها كده بس برضو الموضوع صعب
الحاجة الأخيرة ان السيارة القديمة الواحد فينا لا يدقق فى الخرابيش الموجوده فيها بالمقارنة بالسيارة الجديدة رايح جاى تركز وتبص على الدهان والتجاريح والدواير بشكل أكثر تركيزا وبعد فترة موضوع التركيز يقل وتلاقى الأمور ماشية بعد فوطة البواب الزفرة وخربشة وتجاريح العيال ودلوقتى الكبار كمان فى الشارع
حفظ الله سيارتك
نيسان موتور ايجيبت تستعرض عضلاتها داخل معرض اوتوماك-فورميلا
نيسان قشقاي
يضم جناح نيسان موتور ايجيبت ابرز الطرازات التي حققت نجاحا متميزا في السوق المصري للسيارات ومنها نيسان قشقاي التي تعد انجح سيارة من فئة الكروس اوفر في مصر والعالم .. وتمثل قشقاي تطورا نوعيا في فئة السيارات الكروس اوفر حيث تجمع بين مزايا سيارات الدفع الرباعي من حيث ارتفاع السيارة من الارض بمسافة 20 سم ووضعية القيادة المرتفعة والتي تعطي احساسا بالريادة وبين مزايا سيارات الركوب المتطورة من حيث الفخامة وسلاسة القيادة .. نيسان قشقاي يتم تصنيعها بالكامل بمصانع نيسان موتور بانجلترا ويتم تصديرها الى 97 دولة من ضمنها مصر لنيسان موتور ايجيبت والممثل الياباني الرسمي لشركة نيسان موتور العالمية بمصر .
2014 Nissan Qashqai - YouTube
Nissan Qashqai نيسان قشقاي 2014 - YouTube
يا جماعة دى لينكات القشقاى 2014 - هاتنزل بموتور 1200cc بقوة 113 حصان و عزم 198 نيوتن على المتر - طبعا بشاحن توربينى - يعنى بنزين 95 - ودى ثورة شركات السيارات كلها - مواتير صغيرة بشاحن توربينى - والموتور ده بيستهلك 5.6 l/km
لوسمحت يا جماعه يا ريت تقيم عن مميزات و عيوب العربيه و استهلاك البنزين و ثباتها و معامله التوكيل وكدا :) و يا ريت لو حد عنده الكتالوج :
السلام عليكم ورحمة الله وبركاته
ألف مبروك لكل من اقتنى هذه السياة - باسم الله ما شاء الله رزقم الله خيرها وكفاكم شرها - وادعوا لنا إن شاء الله ننضم ليكم عن قريب .......
أنا كان ليا استفسار لمالكي السيارة بس اللي اشتروها من معارض مش من الموزعين المعتمدين ....
هل كتيب ضمان السيارة منفصل عن ضمان الكاسيت الاصلي بتاعها وضمان البطارية ؟ ولا هما حاجة واحدة مشمولة في كتيب الضمان ....
وكمان نقطة مهمة ... هل يتم استلام كتيب الضمان مع السيارة وباقي أوراق الافراج الجمركي وخلافه (يعني قبل الترخيص ) ولا يتم استلام الضمان بعد الترخيص ؟ وسؤالي طبعا للقشقاي تحديدا ومن المعارض وليس الموزعين المعتمدين ......
أرجو التكرم بالافادة ........
و عليكم السلام ورحمة الله و بركاته
اهلا بحضرتك معنا اخي الكريم الاستاذ يحيي
انا اشتريت السيارة من معرض
كتيب الضمان هو كتيب واحد فقط يشمل ضمان الكاسيت الاصلي الخاص بها و لا اظن به ضمان للبطارية ( مش متأكد ) و يتم استلامه مع السيارة او بعد استلام السيارة بكام يوم بعد الترخيص و انا عن نفسي حدث معي مشكلة مع المعرض بسبب هذا الكتيب لانهم ماطلو في تسليمي له بعد ان سلمت لهم صورة من الرخصة فاكر انهم علقوني لمدة شهر و استلمته منهم بعد فترة
و لذلك الفت نظر حضرتك انك لو لم تستلمه مع السيارة ان تبقي مبلغ لحين استلامه و لو 300 جنيه مثلا او 200 جنيه و عموما ممكن تقوم بشرائه من اي وكيل معتمد لو لم يسلمه لك المعرض و هو يتراوح بين 200 الي 300 جنية و انا ذهبت للسبع لكي اشتريه منهم و حين ذهبت اعطوه لي هدية و لم يأخذو مني اي رسوم
تحياتي لحضرتك و تحت امرك في اي سؤال
يا ريت بس يا باشمهندس تقولى اخبار سحب و ثبات العربيه ايه ؟؟ و استهلاك البنزين و نوع البنزين :) و يا ريت لو عند حضرتك كتالوج او بروشور ترفعه معلش انا تاعبك معايا :)
السلام عليكم
ان شاء الله سوف استلم القشقاي قريبا و محتار هل اعمل جلد للكراسي عند الوكيل ام جينز كار؟
الرجاء النصيحة
الاخ الكريم استاذ اسلام
بالنسبة للسحب بتاعها فهو سحب له مواصفات خاصة يعني ليس بالسريع مثل سيارات السيدان الخفيفة ( كالبومة و الشارك و الجولف و ما الي ذلك ) و ليس بالبطئ مثل ( الكارينز و التريوس مثلا )
يعني نقدر نقول متوازن نوعا ما
و يحتاج لتجهيز معين عن طريق دواسة البنزين بطريقة معينة تحتاج للتدريب حوالي مرتين تلاتة سواقة علي القشقاي هتبقي زي الفل ان شاء الله لان السيارة بها تكنولوجيا cvt و هي سهلة و بسيطة و تحتاج لرجل حساسة علي دواسة البنزين مش ضغط مباشر بل نوع من انواع ( التكريك مثلا او الزغزغة )
و طبعا انصح حضرتك لو حضرتك من محبي السحب السريع و الحرق و الغرز و ما الي ذلك فلا افضل السيارة لك و لا افضل اصلا اي سيارة مرتفعة عن الارض لحضرتك و يكون السيدان مناسبة اكثر
بالنسبة لاستهلاك البنزين فهي بكل صراحة عربية مدهشة اخر مشوار عامله في سفر للمرة الرابعة او الخامسة علي التوالي من يوم ما اقتنيتها ما شاء الله و لا قوة الا بالله بتعمل حوالي ( 285 كم في الصفيحة ) اشي خيال يا ناس
و مع التكييف في الصيف كانت من 250 : 260 كم في الصفيحة
اظن المعدل ده لم تصل اليه اي عربية في فئتها
و بالنسبة للبرشور فهذا رابط للبرشور من موقع نيسان نفسها حضرتك تأمر يا فندم
http://www.nissan.com.eg/ar/web/nscu...SHQAIplus2.pdf
تحياتي لحضرتك
ان شاء الله تستلم علي خير بأذن الله
و تم الرد علي الخاصة
و لا تنسي اول ما تستلم تشرفنا بالانضمام للرابطة فهذا شرف لنا
بصراحة يا باشمهندس حاتم كل مرة اقرأ ليك تعليق علي العربية وأدائها بتزيد تعلقي بيها ورغبة اشد في اقتنائها وانا صراحة من عشاق القشقاي بس مشاركاتك ححبتني فيها اكتر واكتر ..
وانا لولا الظروف لكنت من مشترين السياردة دي بس قدر الله وما شاء فعل وربنا ييسر الي فية الخير
الف شكر يا باشمهندس ...هو عامه انا ناوى على المانيوال ان شاء الله ...هو انا محتاج عربيه عاليه علشان انا معايا جيتا و لك ان تتخيل مدى انخفاض الجيتا :)) ان بس عايز اعرف اخبار الثبات و العفشه ايه ؟
الله يبارك في حضرتك يا استاذ محمد
و ان شاء الله ربنا يوفق حضرتك و ييسر لك كل خير
و عموما العربية تحت امر حضرتك
بصراحة انا نفسي تكون الاوتو افضل
و انا كنت النهاردة في معرض اوتو مالك و مشفتش منها المانيوال فمش عارف بينزل منها مانيوال ام لا
انا كنت في معرض اوتو ماك النهاردة و مشفتش منها مانيوال
تحياتي لحضرتك
انا متشكر جدا علي ردك وذوقك العالي يا باشمهندس .. وبإذن الله في القريب العاجل نتعرف ونتقابلاقتباس:
الله يبارك في حضرتك يا استاذ محمد
و ان شاء الله ربنا يوفق حضرتك و ييسر لك كل خير
و عموما العربية تحت امر حضرتك
ليا بقى كام سؤال ( استغل حضرتك )
- في بعض الصور الي شوفتها للعربية علي النت المريات من تحت كدا فيها زي كميرا هل دا صحيح زي ما فهمت ؟ ولو صحيح هل هي عند حضرتك ولا دي فئة تانية ولا دا اوبشن بيضاف للعربية ؟
- حضرتك كنت ذكرت في تقريرك أن العربية مرايتها كويسين جدا ويساعدوا في الركن وذكرت ان ممكن تنزل بيها لاقصى درجة علشان تشوف انت بتركن فين
أفهم من كلام حضرتك ان المرايات كهرباء ؟ ولا انا فهمي خطأ !! أرجو التوضيح
- ايه بقى العيوب الي لمستها في العربية لحد دلوقتي وظهرت بشكل ملفت _ لو في يعني : ) _
- ايه رأيك في مقارنة العربية بـ ( الأوكتافيا ) وخصوصاً انهم في سعر واحد تقريبا ، هل المقارنة دي صحيحة وإن كانت خطأ أيه الاسباب ؟
وهل لو كانت صحيحة لية نفضل القشقاي علي الاوكتافيا وايه بيميز دي عن دي وايه الكماليات الي في الاكوتافيا وناقصة في القشقاي مثلا ؟
معلش طولت علي حضرتك بس ادينا بنستغل حضرتك شوية لحد ما ربنا ييسر نجيب العربية لو فيها خير لي .. ومعلش علي الاطال وربنا يبارك فيك ويرزقك يرها ويكفيك شرها
متابع