طلب توضيح من اعضاء قسم اللانسر

**me_medoo** · 04-05-2012 01:15 AM

اعزائي احبابي. فلذات اكبادي تحية طيبة اما بعد
اخوكم مي ميدو من قسم تويوتا كنت معدي جمبيكم هنا قلت اعدي عليكم ارمي السلام والتحية واجي اشرب معاكم كوبايت شاي واوعه حد يقلي مفيش بووون عندنا

المهم استفسار صغير لملوووك اللانسر. ....
دلوقيتي الانسر الجديدة اسمها شارك يعني سمكة القرش
والانسر الي قبل منها اسمها بومة.
وفي لانسر كريستالة
وفي لانسر عيون صفية العمري
طيب الانسر موديل ٢٠٠٣ اسمها ايه ؟؟؟؟

الي هيا الموديل الي بين الكريستالة وبين البومة .... وتحياتي ليكم. يا غالين

**FunnyMickey** · 04-05-2012 01:26 AM

يااهلا بيك ياباشا في قسم اللانسر
وتحياتنا لقسم تويوتا

اولا طبعا اتفضل اشرب حاجه بسيطه كده

وشويه اكل كده علي ما قسم

اما بخصوص سؤالك فناكل الاول وواحنا بنحلي ان شاء الله اجاوبك عليه

العربيه موديل 2003 اسمها مكواه ياباشا

**me_medoo** · 04-05-2012 01:38 AM

يباشا. لساني عاجز عن الشكر. الله الله. كل ده. .... ايه ياباشا كرم الضيافة ده. ربنا يكرمك يارب انا لو اعرف ان العشا جهاز كنت جبت العيال من عندنا من قسم تويوتا معايا اهووو ياعيني على لحم بطنهم من الصبح .... هههههههه. حبايب قلبي. تسلمولي على التوضيح والف شكر يا جماعه على الاستقبال الحافل الجميل ده ... والغدى بكره عندنا بقه في قسم تويوتا بعد صلاة الجمعة مباشرةً اوووعو تنسو حبايب قلبي والله ِ اشكركم. جزيل الشكر

**port_smoker** · 04-05-2012 01:55 AM

نيابة عن قسم لانسر
انتا شرفتناااااااااااااااااااا كتير جدا

**me_medoo** · 04-05-2012 02:20 AM

حبايب قلبي جميعاً

تسلمولي ... الله الله كمان بتدوني درع الصداقة اليابانية شعار ميستوبيشي هدية ... طيب بالنيابة عني واعن اخواتكم في تويوتا بهديكم شعار تويوتا الذهبي تذكــــــــار ... بس أوعة حد ياخدو يسيحو ويبيعو هههههههه اوحد يرميه في الزباله بعد ما اطلع من هنا من عندكو ،وتقولوا ارمي ياعم ارمي بلا قرف ههههه ده بلاستيك .

بالأضافة لكاب هدية لكل أعضاء العملاق اليابني شركة ميستوبيشي ... من اخواتهم في قسم تويوتا .

حبايب قلبي بجد بجد أخجلتم تواضعونا ... وطول عمر أصحاب المستوبيشي ناس راقية جداً ومتحضرة وأهل كرم .

وبالذات أصحاب اللانسـر ناس نزيهة بجد بيحبو يدلعو عربياتهم حتى بالاسامي ... اللزيزة ... لدرجة اننا في قسم تويوتا بنفكر نقلدكم وندلع عربيتنا يعني اليارس بنفكر نسميها سوسو ... والكرولا القديمة نسميها الدبدوبة ... وكرولا الشكل الجديد نسميها مثلاً ايه نسميها ايه ... يالله نسميها تايتنك .. حبايب قلبي واللهِ معلش تقبلو مني هدية صغيرة باقة ورد ... من اخواتكم في قسم تويوتا ..

بالاضافة لصنية بسبوسة جيبها من لابوم
باللفستوق واللوز والمكسرات

وأشكركم جزيل الشكر ... لاستقبالكم الجميل ده
وحـــــــــــــسن ضيافتكم ..
أخوكم مي ميدوو .

**port_smoker** · 04-05-2012 02:30 AM

بالنيابة عن جميع اعضاء متسويشى بقولك
انك راجل محترم
[

**me_medoo** · 04-05-2012 02:37 AM

الله يكرمك يارب ... تسلم يا غالي ده بس من زوقك يا حبيب قلبي ...

طيب معليش سؤال كمان ربنا يخليكم ... بما أني موجود هنا مع ملوك اللانسـر ... ووحوش المستوبيشي ... انا لمن جيت أجيب عربية للمدام نزلت السوق قلت اجبلها حته بومة كده مستعملة ... بس أتفاجئة تفاوووووت كبير جداً جداً في اسعارها ... والموضوع مش موضوع حالة ... ده في حاجة اسمها :
لانسر اكشن
ولانسر كلاسيك
ولانسر فاكشن
ولانسر هاف
ولانسر خليجي
ولانسر مصري
ولانسر اردني
وفي لانسر كمان بتاعت الرالي مش فاكر اسمها ايه هوليود او رفليوشن كده .
وفي 1600 وفي 1300 وفي 1500 من كل نوع .
فحسيت ان الانسـر دي بحر ومحتاجة مذكرة فصرفت نظر ... بس الحقيقه اني جربت عربيات كتيرة ونفسي بجد اجرب الانسـر بس نفسي افهم ايه كل ده !!! وتحياتي ليكم يا أعزائي ..

**M.Elgergawy** · 04-05-2012 07:05 AM

بص يا باشا
اللانسر لغاية 2004 كله كان 1300
وابتداء من 2005 بدأ ينزل ال 1600
البومة في منها من اول 2004 لغاية دلوقتي
1300 دي في منها مانيوال واوتو وفي كلاسيك وكاملة سبورت
1600 في البومة كلاسيك يعني كاملة اوتو
1600 في البومة هاف سبورت تزيد على الكلاسيك جنوط سبور وعتب واسبويلر
سبورت تزيد عليها فتحة سقف
سوبر اكشن تزيد عليها ايرباج وطارة جلد وفتيس جلد
دا تقريبا اللى فاكره ولو في حاجة ناسيها رجالة البومة يكملوا
معلش عشان انا كريستالاوي :)
ال 1500 دا في الشارك بس