امتحان مادة الميكانيكا-هندسة عين شمس-السنة الإعدادية 2008-.....مسخرة

**ooso28** · 13-12-2008 02:54 AM

علي فكرة مش لازم انو يكتب الكلام صح في الامتحان عادي بس طبعا مش معناها ان كل كلمة غلط بالاضافة ان الكلمة الكاميرون دي تحديدا كلمة اعجمية
وتحديدا لما يكون باللغة الانجليزية
المهم المادة العلمية
نرجع ونقول الناس اللي في اعدادي (هندسة) لسة متأثرين بفكر ثانوي عام

**A.Saad** · 13-12-2008 11:44 AM

المشاركة الأصلية كتبت بواسطة ooso28

علي فكرة مش لازم انو يكتب الكلام صح في الامتحان عادي بس طبعا مش معناها ان كل كلمة غلط بالاضافة ان الكلمة الكاميرون دي تحديدا كلمة اعجمية
وتحديدا لما يكون باللغة الانجليزية
المهم المادة العلمية
نرجع ونقول الناس اللي في اعدادي (هندسة) لسة متأثرين بفكر ثانوي عام

الدكتور مش مطالب انه يعلم لغة عربى وقواعدها ، اه
بس المفروض ان كتابته هوة تكون صح
لان ممكن الطلاب يتعلموا منه الغلط
انا فى الكلية كان عندنا دكتور تسويق
فى اخر محاضرة قلنا " بلاش حد يكتب لكن كدة ( لاكن )

**sab3aawy** · 13-12-2008 06:03 PM

المشاركة الأصلية كتبت بواسطة elbaz45

اللى يستحق الاستغراب فعلا

ازاى امتحان اعدادى هندسة عين شمس ويكون باللغة العربية ... ؟

اقول لك انا ازاى

فى هندسة عين شمس الادارة مش مفترضه ان الطلبة كلهم جايين من مدارس لغات ولذلك بياخدوهم واحدة واحدة،

ايام ما انا كنت فى اعدادى هندسة منذ حوالى 20 سنة كنا فى اعدادى هندسة بناخد ماده واحدة فقط بالانجليزى هى الفيزياء ، طبعا بالإضافة الى مادة اللغة الانجليزية المقررة فى السنة الاعدادية فقط، اما باقى المواد (رياضيات-ميكانيكا-كيمياء-رسم هندسى-وصفية-هندسة انتاج) فكلها كانت بالعربى

فى سنة اولى هندسة تنقلب الآية لتصبح معظم المواد باللغة الانجليزية ما عدا المواد اللى فيها رغى كتير، يعنى كانت مادة خواص المواد ومادة هندسة الانتاج بالعربى و،اما الرياضيات والميكانيكا والفيزياء ونظرية المنشآت والهندسة الكهربية والرسم الهندسى والديناميكا الحرارية كلها بالانجليزى
تانية وتالتة ورابعة كل المواد بالانجليزى ماعدا بعض المواد التى تستلزم اللغة العربية مثل مادة التنظيم الصناعى والتشريعات الصناعية والتى ترتبط بتعاملات المنهدس مع المجتمع وتتطلب اللغة العربية

سمعت انهم بعد كدة غيروا النظام واصبحت بعض المواد غير الفيزياء بالانجليزية، لكن ذلك لا يمنع ان معظم المواد فى اول سنة بالعربى

**itsonlyme** · 13-12-2008 09:28 PM

بالمناسبة، الامتحان ده وضعه الدكتور عبد الله المرحومي.
الدكتور المرحومي معروف عنه هذة الطريقة من الأسئلة.
في مرة من المرات، وضع سؤال مقذوفات عن "مجموعة من المقاومين على تل تقذف قذيفة على مجموعة من الجنود الصهاينة". طبعاً، ثارت الدنيا عليه بسبب الطبيعة السياسة للسؤال.

المهم في الموضوع أنه يضع سياق للسؤال وهو شيء غير مكروه بالمرة.
اللي بيقولوا "ده روقان" لا يجدون شيء موضوعي للنقد.
الطلبة خرجت من الامتحان تتضاحك وتتكلم عن طرافة الأسئلة وفي نفس الوقت السؤال أدى غرضه وربط الميكانيكا في ذهن الطلبة بامور حياتية واقعية باسلوب طريف خفف من جمود الامتحانات والمادة العلمية المجردة. ما العيب في ذلك؟

**eng.octooo** · 13-12-2008 09:30 PM

ههههههههههههههههههههههههه ه

**Samir Elshahawy** · 14-12-2008 01:24 AM

[grade="800080 800080 800080 800080"]علي فكرة ده أسلوب ناجح جدا , و هو ربط الواقع اللي بنعيشه و نفكر فيه بما ندرسه و ده نفس اللي حصل معايا أنا و زملائي أيام الدراسة عندما قررأستاذنا دكتور مادة عمارة السفن تخصيص 40 % من درجات المادة لمشروع استثنائي عن كيفية تلافي غرق السفن الكبيرة و خاصة العبارات بعد حادثة غرق العبارة "سالم أكسبريس"

و فعلا تنافسنا في هذا السياق و ابدعنا و توصلنا الي عدة افكار عملية و بسيطة لتقليل احتمالات غرق العبارات بعد حدوث فتحات بها تحت خط الماء نتيجة حادث أو أصطدام
و من يومها و هذه المادة حية في رأسي و أستفدت منها كثيرا في عملي [/grade]

**ahmed1981** · 14-12-2008 02:36 AM

فعلاً الأسئلة التي يكون بها إبتكار تكون جميلة وتعلق بالذاكرة

أتذكر هنا سؤال في مادة إنتقال الحرارة سنة ثالثة ميكانيكا تقريباً
وكان الدكتور إسمه سويدان
من أكبر دكاترة الهندسة في مصر الله يرحمه
كان السؤال عن برتقالة موضوعة في وسط ظروفه كذا أوجد درجة حرارتها في منتصفها من الداخل ؟؟
طبعا السؤال يخض لكن في النهاية بعد تحويله لرسم ومعادلة يصبح سهل جداً

**elbaz45** · 14-12-2008 12:57 PM

المشاركة الأصلية كتبت بواسطة sab3aawy

اقول لك انا ازاى

فى هندسة عين شمس الادارة مش مفترضه ان الطلبة كلهم جايين من مدارس لغات ولذلك بياخدوهم واحدة واحدة،

ايام ما انا كنت فى اعدادى هندسة منذ حوالى 20 سنة كنا فى اعدادى هندسة بناخد ماده واحدة فقط بالانجليزى هى الفيزياء ، طبعا بالإضافة الى مادة اللغة الانجليزية المقررة فى السنة الاعدادية فقط، اما باقى المواد (رياضيات-ميكانيكا-كيمياء-رسم هندسى-وصفية-هندسة انتاج) فكلها كانت بالعربى

فى سنة اولى هندسة تنقلب الآية لتصبح معظم المواد باللغة الانجليزية ما عدا المواد اللى فيها رغى كتير، يعنى كانت مادة خواص المواد ومادة هندسة الانتاج بالعربى و،اما الرياضيات والميكانيكا والفيزياء ونظرية المنشآت والهندسة الكهربية والرسم الهندسى والديناميكا الحرارية كلها بالانجليزى
تانية وتالتة ورابعة كل المواد بالانجليزى ماعدا بعض المواد التى تستلزم اللغة العربية مثل مادة التنظيم الصناعى والتشريعات الصناعية والتى ترتبط بتعاملات المنهدس مع المجتمع وتتطلب اللغة العربية

سمعت انهم بعد كدة غيروا النظام واصبحت بعض المواد غير الفيزياء بالانجليزية، لكن ذلك لا يمنع ان معظم المواد فى اول سنة بالعربى

انا متشكر على الايضاح

ولكن عندى احضرتك سؤال ؟

ايه سر شطبك على علم السعودية ولا انا فاهم غلط ولا ايه ؟