مقارنة ناريه من حيث كل شىء ( تويوتا كورولا vs هوندا سيفكvs فورد فوكاس ) موديلات 2012

**dede_dodo88** · 05-05-2012 01:04 AM

في رأيي كورولا ملهاش مكان في المقارنة دي,
و أظن أن السيفيك الجديدة هتضيع سمعة الشكل اللي قبله, الشكل الجديد سيء بمعنى الكلمة, أنا بتكلم على الشكل الخارجي و الداخلي, و كده كده كماليات الهوندا في الضياع, لكن بالتأكيد طول عمر مواتير الهوندا ملهاش حل, فهي عبارة عن موتور كويس و بس.
فأعتقد أن الفوكاس تكسب في المنافسة دي, يعني من الأخر هي good value for money..

**mody3on** · 05-05-2012 01:08 AM

المشاركة الأصلية كتبت بواسطة mostafa53

السلام عليكم ورحمة الله وبركاته
كل سيارة من التلاتة لها مزايا عن الأخرى ولا أستطيع أن أقول أن واحدة منها تعتبر خسارة أو فشل. الموضوع يتوقف على احتياجك من السيارة وشخصيتك.
الكورولا سعر إعادة البيع لها أحسن كتير لأن قطع غيارها متوفرة وصيانتها أسهل وأعطالها قليلة وسمعتها معروفة. عربية سهلة وتكييفها هايل لكن أقل فى الثبات وإمكانيات الموتور والكماليات من الاتنين التانيين.
الفوكس أحلاهم فى الشكل الخارجى والإمكانيات والكماليات ولكن المعلومات الأولى بتقول إن الفتيس ممكن يعمل مشاكل وسعر إعادة البيع أقل واحد فيهم والتكييف طبعا أقلهم لأنه أوروبى. أما الإعتمادية فماحدش يعرف عنها حاجة.
السيفيك ناس كتيرة زعلانة من الشكل الجديد وإن التابلوه والخامات الداخلية أقل وأرخص. لكن دى هوندا !!!!!!!! وإسم الهوندا لوحده يضمن إعتمادية أعلى بكتير والسيفيك أوسع بكتير من الإتنين التانيين وأثبت على الطريق

السيفيك اثبت من الفوكاس !!! صعبة اوي دي

**merosss** · 05-05-2012 01:10 AM

طيب اية راى حضرتك فى الفانتزيا ممكن تبص عليها او المازدا 3 154 اعلى فئة جميع الكمليات

**mostafa basha** · 05-05-2012 01:27 AM

خليك فى التيوتا والسيفيك علشان اعادة البيع
ومن وجة نظرى هات السيفيك عربية قوية ومش تقليدية زى التويوتا اللى تعتبر عربية قوية بس مش بحب شكلها التقليدى وكمان كماليتها مش حلوة
اما لو بتدور على شكل جامد فانا شايف انك ممكن تفكر فى سبورتاج ودى عربية suv
ولو مش حتبيع العربية خالص فممكن بردة تفكر فى الفورد على اساس انها شيك

**Hosam_Optrawy** · 05-05-2012 02:01 AM

فوكس

لو قلقان من الانتشار واعادة البيع وقطع الغيار وغيره

هات النترا

لكن كورولا لا تعليق , والسيفيك الجديده عشاق الهوندا نفسهم مش عاجباهم دا غير سعرها الخرافى

**mody3on** · 05-05-2012 08:54 AM

المشاركة الأصلية كتبت بواسطة hosam_optrawy

فوكس

لو قلقان من الانتشار واعادة البيع وقطع الغيار وغيره

هات النترا

لكن كورولا لا تعليق , والسيفيك الجديده عشاق الهوندا نفسهم مش عاجباهم دا غير سعرها الخرافى

+1
بس النترا متتجابش غير فولي لودد

**solom_2010** · 05-05-2012 01:32 PM

يعنى كده نقدر نقول ان الاغلبية ينصحونى بالفورد الفوكاس . انا ان شاء الله لو جبت عربية من التلاته مش حفكر فى البيع الا بعد 6 سنين اقل حاجه ان شاء الله و ربنا يدينا طول العمر .
المشكلة انى خايف من قطع الغيار و التوكيل و عدم انتشار الفوكاس خاالص بس سمعت ان التوكيل بقى كويس جدا بعد التوكيل القديم و قطع الغيار قالولى انها فى رينج العربيات اليبانى يعنى مش غالية للدرجه
طب هل ممكن ندخل المازدا 3 فى المقارنة ولا التلاته دول احسن منها ؟؟؟؟؟؟؟
شكرااا جدا لكم جميعا على سرعة المشاركة

**AutoTycoon** · 05-05-2012 01:39 PM

الفوكاس معيار الفئة دي
توكل على الله عربية محترمة جداً و جربها برضه الأول

**Mahmode** · 05-05-2012 02:03 PM

فوكاس طبعا. بس عيبها سعر إعادة بيع سيء جدا ودا بالنسبالي سبب كافي إني ناجيبهاش عشان حاحس اني بارمي فلوس في الأرض. وبرضه قطع غيارها غالية وإن كان كله كدا. أنا أقترح تفكر في الفانتازيا, فيها كل حاجة وإن كان شكلها حيغير السنه الجاية.

-

الموضوع: مقارنة ناريه من حيث كل شىء ( تويوتا كورولا vs هوندا سيفكvs فورد فوكاس ) موديلات 2012

LinkBack

أدوات الموضوع

عرض

-

-

-

-

-

-

المواضيع المتشابهه

تقرير عن فورد فوكاس 2012

فورد فوكاس 2012 للبيع

بعض الاستفسارات عن فورد فوكاس 2012

مقارنة بين تويوتا كورولا و هوندا السيفيك -بالصور-

مقارنة بين فورد فوكاس وبيجو 307

الكلمات الدلالية لهذا الموضوع

المفضلات

المفضلات

ضوابط المشاركة