مقارنة ناريه من حيث كل شىء ( تويوتا كورولا vs هوندا سيفكvs فورد فوكاس ) موديلات 2012

**ahmedaglan** · 05-05-2012 02:07 PM

طبعا انصحك بالهوندا
اقولك لية لانهم برة ف اوروبا عملو احصائية عن اقل العربيات عطل فهوندا حصلت علي المركز الاول بجدارة
فتوكل علي الله
ومتنساش صلاة الاستخارة
وبالتوفيق ف القرار السليم

**medododo** · 05-05-2012 02:15 PM

لو مش فارق معاك الوقت
استني كورولا الشكل الجديد 2013

**محمد بدر** · 05-05-2012 04:06 PM

متتتابع

**mody3on** · 05-05-2012 04:41 PM

المشاركة الأصلية كتبت بواسطة solom_2010

يعنى كده نقدر نقول ان الاغلبية ينصحونى بالفورد الفوكاس . انا ان شاء الله لو جبت عربية من التلاته مش حفكر فى البيع الا بعد 6 سنين اقل حاجه ان شاء الله و ربنا يدينا طول العمر .
المشكلة انى خايف من قطع الغيار و التوكيل و عدم انتشار الفوكاس خاالص بس سمعت ان التوكيل بقى كويس جدا بعد التوكيل القديم و قطع الغيار قالولى انها فى رينج العربيات اليبانى يعنى مش غالية للدرجه
طب هل ممكن ندخل المازدا 3 فى المقارنة ولا التلاته دول احسن منها ؟؟؟؟؟؟؟
شكرااا جدا لكم جميعا على سرعة المشاركة

التوكيل موفر قطع الغيار كلها باسعار كويسة , والمازدا اقل منهم في الاوبشن والموتور

**minicooper20** · 05-05-2012 04:49 PM

حضرتك حاطط معيار البنزين
الفوكاس 95 و متسمعش كلام الهيقولك تمشى ب 92
فا ده معيا يخليك تفكر كتييييييير قبل متقرر
التر ب 2.75 جنيه فا اعتقد
انتا محتاج تبص على الفنتازيا

**MIVEC.A92** · 05-05-2012 06:53 PM

أولا تطرد السيفيك الجديدة بالشالوت

الكورولا شايف انهم بيستعبطوا اوي في سعرها و مبقتش زي الكورولا بتاعت زمان

الفوكاس عربية جامدة جدا و انا شايف انها هتاكل الجو اليومين اللي جايين دول

و برضوا روح اتفرج علي اللانسر الشارك اعلي فئة و المازدا 3 اعلي فئة و الأوكتافيا و شوف لو حاجة عاجباك منهم

**Dr'AhmZZong** · 05-05-2012 07:20 PM

المشاركة الأصلية كتبت بواسطة mody3on

بلا نقاش الفوكاس , اولا هنستبعد الكورولا لان مفيهاش اي حاجة تستاهل 170 الف جنيه , لا ثبات ولا كماليات ولا راحة ولا اي حاجة
الفوكاس والسيفيك , بالنسبة للشكل وده راي شخصي , الفوكاس شكلها ممتاز وانسيابي ومميز خصوصا عالحقيقة ويا سلام لو جبت الهاتش باك , الهوندا شكلها تعبان جدا خصوصا من ورا وملامح السيفيك اختفت من الجيل ده
من جوا الفوكاس خاماتها ممتازة وتابلوه شيك جدا , السيفيك تابلوه مش قد كده بس اضاءة مبهرة خصوصا العدادات
السيفيك 125 حصان والعزم 151 نيوتن , الفوكاس 125 حصان والعزم 159 نيوتن وبتوصل 0-100 في 11.2 ثانية
ثبات الفوكاس ممتاز وال handling سلس
العربيتين واسعين من ورا ولكن خامات الفوكاس احسن والكراسي مريحة ومش متعبة , خامات السيفيك مش قد كده
ب 180 الف هتاخد كماليات كتير في الفوكاس بينما هتاخد عربية فاضية في السيفيك , لانها مبتنزلش بجنوط سبور ولا فوج لايت ولا مرايات ضم ولا usb ولا بلوتوث ولا سنسور بارك ولا كاميرا خلفية ولا فرش جلد ولا سمارت كي ولا طارة ملتي ولا حساسات مطر ولا تكييف دوال زون ولا كراسي كهربائية , معظم الحاجات دي موجودة في الفوكاس
الفوكاس الماني والسيفيك اوروبي , في فرق واضح طبعا
فتيس الفوكاس 6 سرعات dual clutch , بيدي اداء رياضي كويس بس مش قد كده في الزحمة وبيتردد كتير في النقلات
فتيس الهوندا اوتو عادي 5 سرعات مش 6
بس برضه الفوكاس : عفشة ممتازة , هاندلينج ممتاز وفخامة الالماني , عزل ممتاز ( برضه السيفيك عزلها ممتاز ) , خامات ممتازة مش بلاستيك زي السيفيك

المشاركة الأصلية كتبت بواسطة mody3on

الكورولا ركبتها كتير , مفيهاش اي ميزة غير اعادة البيع بس

المشاركة الأصلية كتبت بواسطة minicooper20

حضرتك حاطط معيار البنزين
الفوكاس 95 و متسمعش كلام الهيقولك تمشى ب 92
فا ده معيا يخليك تفكر كتييييييير قبل متقرر
التر ب 2.75 جنيه فا اعتقد
انتا محتاج تبص على الفنتازيا