حد جرب الصني المانيوال ؟

**khela** · 05-05-2012 10:06 AM

عربيتى مانيوال مو 2010 سحب ممتاز استهلاك بنزين ممتاز تحكم كامل فى العربية ...انا مسقتش الفرنا بس اسمع ان موتورها قوى عليها علشان كدة التسارع بتاعها احتمال يكون اجمد بس بعد سرعة 80 اعتقد متجبش الصنى

**kabara** · 05-05-2012 01:12 PM

عربيتي صني مانيوال 2010 بسم الله ما شاء اللع عليها سحبها جبار و بتوصل بيك لسرعة 120 في ثواني و أنا قبل كدة مشيت بيها علي سرعة 180 و الله ماكنتش حاسس إلا لما بصيت في عداد السرعة و كنت فاكر إني ماشي علي 90
إشتريها و لن تندم عربية فعلا محترمة و حمالة أسية و عالية عن الأرض مقارنة بمثيلاتها

**SonaSteel** · 05-05-2012 01:24 PM

تجميع الصني جميل ماشاء الله و طلعتها ممتازة ......وزنها حوالي 1100 كم
فمش تقيلة وطلعتها جميلة جدا ماشااء الله ...... و بعد ال3500 ر بي ام عربية تانية ماشاء الله
شوف يادكتور لو عايز تجربها انا تحت امرك عربيتك يعني
و مقارنة بالفيرنا علشان جورج Eng.Geo ......... كان معاه صني ومانيوال قالي ان الصني المانيوال مع الفيرنا تعديها والعهدة علي الراوي
ومتساش الاستخارة وربنا ييسرلك الخير :))

**Dr'AhmZZong** · 05-05-2012 07:11 PM

المشاركة الأصلية كتبت بواسطة adel1212

الفيرنا حالة منفردة ولا تقارن باي عربية من الفئة دي
الصني المنيوال سحبها قوى جدا عن تجارب كتييييييييير شخصية مع عربيات من نفس الفئة
والالنترا العربية الوحيدة اللى بتتعبنى علشان كدة كانت العربية اللى اشترها مع الصنى
اى استفسار انا تحت امرك
تحياتي

المشاركة الأصلية كتبت بواسطة Manchestrawy

سحب الصني في المانيوال ممتااز واكتر من ممتاز وبتتفوق على اي عربيه من فئتها ..
بس نصيحه وعشان خاطري هات اوتوماتيك وبلاش مانيوال عشان طرق مصر والزحمه
هتقرف من المانيوال .. ولو بتحب الجري الاوتوماتيك بردو مش وحش والله ..
ع العموم الاختيار الاول والاخير لحضرتك .. وفي الحالتين انت راكب عربيه محترمه مهما كانت

المشاركة الأصلية كتبت بواسطة SonaSteel

تجميع الصني جميل ماشاء الله و طلعتها ممتازة ......وزنها حوالي 1100 كم
فمش تقيلة وطلعتها جميلة جدا ماشااء الله ...... و بعد ال3500 ر بي ام عربية تانية ماشاء الله
شوف يادكتور لو عايز تجربها انا تحت امرك عربيتك يعني
و مقارنة بالفيرنا علشان جورج Eng.Geo ......... كان معاه صني ومانيوال قالي ان الصني المانيوال مع الفيرنا تعديها والعهدة علي الراوي
ومتساش الاستخارة وربنا ييسرلك الخير :))

**Sehsss** · 05-05-2012 08:16 PM

مين بيقول مانيوال تعالالي... بص يا باشا أنا اشتريت الصني مانيوال لأني لسببين، أولا إني مش بحب سواقة الأوتو (بحب ابقى متحكم في النقلات) والسبب التاني إني جربت الطلعة في العربيتين والتسارع ولقيت إن المانيوال بتختلف، الطلعة بسم الله ما شاء الله جبااااااارة، والتسارع رائع وأجمل ما في المانيوال (استهلاك البنزين) مختلف جدا بس ده مش معناه إن الصني الأوتو استهلاكها سيء، لا بس المانيوال أفضل، ولو مشغل التكييف ما بتحسش بأي مشكلة وحتى لو معاك وزن، بس طبعا الأوتو بيتفوق في راحة القيادة فقط (وفي فرق 20 كيلو في الوزن بين الاتنين) المانيوال 1100 والأوتو 1120 .. تحياتي