صني خليجي 2007؟؟!!

**Bishoy.Girgis** · 05-05-2012 10:16 PM

العربية ديه مقلقة جدا علي فكرة و اعتقد و بنسبة كبيرة مغيرة نص و صاحبها عمل افتكاسات عشان يدخل موديلين في بعض بس التهجينة ديه مش حلوة خالص

**ManUnited10** · 05-05-2012 10:44 PM

فعلا انا سألت كذا حد لحد دلوقتي والكل بيقول ان العربية مشكوك في امرها بنسبة كبيرة جداً
الحمد لله انا بقالي فترة طويلة جداً بدور على عربية ولحد دلوقتي ملقيتش الحاجة المناسبة
ان شاء الله اخر الصبر حاجة جميلة كدة يارب

**Land_Cruiser** · 06-05-2012 01:15 PM

كويس ان النصين صنى معملش نص صنى و التانى كورولا مثلا

**ManUnited10** · 06-05-2012 08:59 PM

هي انا مش عارف شكلها غريب اي حد بيشوف الصور من قدام شكلها عادي اوي بس من الخلف تختلف تماما عن العربيات الي نزلت مصر في 2007 والحمد لله اني ملبستش فيها
ده السوق في حاجات ياساتر محدش يقول الحق ناس متعرفش الحرام

**حماده المصري** · 06-05-2012 09:37 PM

العربيه دي شكلها غريب اوي فيها حاجه غلط وسعرها اغرب كمان

متزعلش مني شكلها مغيره ربع او واخده حادثه والشنطه والفوانيس الي وره متغيرين
عموما لو من جوه طبلوهها هوه هوه المصري يبقى الشنطه متغيره والفوانيس متغيره وده شيء اكيد

ال 2005 و 2006 سعرهم رنج ال 65 الف انا شاري ب 64 2006 اوتوماتك اي كس عاديه فبريكه دواخل ورشه اجزاء برا

ومعظم العربيات الي في السوق لو اوتوماتك الموديلات المذكره مش هتقل عن 63 الف ولو قلت اعرف انها معيوبه

والمانويال ب 60 الف وتبقى نضيفه جدا

واتكل على الله واشتري مستعمل بس اصبر شويه لحد ما تلاقي حاله حلوه وخليك في كونتكت كارز
واسمع مني الفيرنا مش عربيه حرام تدفع فيها فلوس ا

**حماده المصري** · 06-05-2012 09:41 PM

الصني كلها في العالم زي مانزلت مصر وزي ما نزلت في كل حته الا اليومين دول عدلوا فيها في الامارات عملولها عدادات مختلفه وطاره مختلفه ولكن نفس الطبلوه

الرينو سكالا والصني الكوري هما الي نفس الفوانيس الخلفيه بتاعه العربيه دي وفوانيس قدام برضو مختلفه وطبلوه العربيه مختلف

من الاخر صاحب العربيه دي عمل حادثه وقالك اغير بقى انا زهقت من فوانيس الصني العاديه وراح مفتكس الحمد لله انك بعدت عنها لانه مادام غير الشنطه اكيد الحادثه كانت كبيره

**ManUnited10** · 08-05-2012 03:11 PM

الحمد لله ربنا سترها معانا ولله علشان نيتي صافية وعملت استخارة وسلمت الامر بيد ربنا سبحانه وتعالى
الواحد بجد مبقاش يصدق الناس اليومين دول معندهاش ضمير ممكن يقولك حاجة ولما تيجي تكشف عليها تلاقي حاجة تانية خالص
انا حبيت العربية دي الصني فعلا الكل بيشكر فيها ومتوفرة وحاجاتها نوعا ما متوفرة في السوق وبأسعار جيدة
بس يارب الاقي العربية الي تستاهل ان يدفع فيها فلوس وشكرا لحضرتك على المشاركة الرائعة
تحياتي

**kabara** · 09-05-2012 06:54 PM

أخي الفاضل
نصيحة أخوية إبعد عن هذه السيارة
أنا ليا صديق يعمل بالخليج ويمتلك سيارة صني 2007 و السيارة الصني بداية من موديل 2007 تغير شكلها بالخليج ( مثل الاسكالا تماما ) عن شكلها بمصر الذي ما زالت تنتج نفس الشكل
و العربية إللي إنت عايز تشتريها ليست موديل 2007 خليجي
و الله الموفق