اوكتافيا a5 خليجي 2007

**RedBull_30** · 14-08-2012 05:20 PM

عندي مشكلة في الاوكتافيا a5 خليجي وهي ان بشكل ما اتقطعت جلدة الكوبلن وبدأ يسرب الشحم او الزيت اللي جواه ولما اخويا وداها للوهدان في 6 اكتوبر قاله انها محتاجه رأس كوبلن كمان مركز الوهدان هيغير {اس الكوبلن من الجنبين يمين و شمال لانه مبتنزلوش قطعه غيار منفصلة .. يعني لو واحد عنده كوبلن شمال عطلان لازم يغير اليمين و الشمال .. عموما التكلفة 5000 جنيه .. طبعا احنا مستغربين من المبلغ
و في مشكلة تانية وهي ان العربية وهي عاملة 15 الف كيلو وانا نفسي بسوقها و ببدأ احرك الفتيس ل ال d كنت بحس برزعة او حركة فيها هبدة في الجير بوكس .. هي دلوقت العربية عاملة 40 الف كيلو وقولنا نغيرلها زيت فتيس وكان رد مركز الوهدان : زيت الفتيس مش بيتغير في العربية دي الا في حالة انه ينقص وقال تكلفته كالآتي 4 لتر زيت + جيوان + فلتر = 1950 جنيه
ارجو الافادة في المشكلتين واذا كان فيه مكان بيبيع قطع غيار للعربية دي مضمون و بسعر احسن من الوهدان يا ريت اعرفه
العربية اوكتافيا a5 خليجي

**cvt2008** · 14-08-2012 09:41 PM

الكوبلن الداخلى بيتباع كل ناحية لوحدها عادى يعنى
بالنسبة للفتيس روح التوكيل وخلية يكشفلك على البودى فالف وزيت الفتيس والفلتر

وممكن تشترية ( الكوبلن الداخلى ) من عند ابو الحسن
عندة اصلى والمانى وصينى زى ما انت عايز

**RedBull_30** · 15-08-2012 02:31 AM

شكرا يا فندم لاهتمامك بالرد ويا ريت تكمل جميلك وتشرحلي فين ابو الحسن ده ؟؟

**samoreception** · 15-08-2012 05:30 AM

هوه حضرتك ممكن تجبلها من الهاشمية فى غمرة كوبلن داخلى
الاصلى ب1800 جنية
الالمانى ب900 جنية
الصينى ب500 جنية
والاستيراد اسعاره بتتراوح من 650 ل850 ومش متاكد كده اذا كان سعره غالى فى الاستيراد ولا لاء وفى ناس كتيره نصحتنى اجيبه استيراد علشان بيقى زى الاصلى بالظبط لانى اغلبيه اللى موجود فى السوق مش كويس
وبالنسبة للفتيس اكشف على الفالف بودى وممكن تروح لبشمهندس خالد اسماعيل فى الحى العاشر فى مدينة نصر وقولى ايه الجديد وان شاء الله خير

**cvt2008** · 15-08-2012 11:33 PM

انا اعرف ان الهاشمية فالعباسية عند تقاطع احمد سعيد
لكن ابوالحسن معرفش عنوانة تفصيليا بس هو تقريبا عند جامعة القاهرة

**cvt2008** · 15-08-2012 11:34 PM

وعلى فكرة موضوع الاستيراد دة لازم تاخد الميكانيكى معاك عشان يشوف الكوبلن ويختبرة
عشان الكوبلن دة مش هتقدر تعرف كفائتة لوحدك

**samoreception** · 16-08-2012 12:33 AM

عموما هوه لو هتغير بمستعمل استيراد خالى البشمهندس خالد هوه اللى يجبهولك افضل لانه راجل محترم وبعدين لو لا قدر الله فى حاجة طلعت فى الكوبلن هيغيرهولك
وبالنسبة لموضوع الفتيس نصيحة حاول متعملش اى حاجة فيه الا فى التوكيل

**RedBull_30** · 16-08-2012 10:29 PM

بجد احب أشكركم على اهتمامكم بالموضوع و كمان حابب اطمنكم بان الكوبلن الحمد لله طلع مفهوش اي اضرار غير ان الغطاء الرابر او قطعة الكاوتش اللي بتحمي الكوبلن هي بس اللي مقطوعه .. اخويا بيحاول يجيبها و يركبها .. لكن بالنسبة لموضوع الفتيس أنا عرفته بانه ميغيرش الزيت الا بعد ما نتأكد من عطل الفتيس فين بالضبط .. شكرا لاهتمامكم

**samoreception** · 16-08-2012 11:48 PM

المشاركة الأصلية كتبت بواسطة redbull_30

بجد احب أشكركم على اهتمامكم بالموضوع و كمان حابب اطمنكم بان الكوبلن الحمد لله طلع مفهوش اي اضرار غير ان الغطاء الرابر او قطعة الكاوتش اللي بتحمي الكوبلن هي بس اللي مقطوعه .. اخويا بيحاول يجيبها و يركبها .. لكن بالنسبة لموضوع الفتيس أنا عرفته بانه ميغيرش الزيت الا بعد ما نتأكد من عطل الفتيس فين بالضبط .. شكرا لاهتمامكم

تمام الحمد لله وان شاء الله خير