الموضوع: معلومة و نصيحة : الانترا 2012 لا يوج بيها immobilizer و المفتاح مش متشفر !

المشاركة الأصلية كتبت بواسطة abdulkhaleq

ههههههههههههههههه بجد ضحكتني :)
لا ياعم كده كفايه الطيب احسن
ولا اقوللك
فين مواصفات الموتور الرياضي والعفشه (المصممه خصيصا للطرق المصريه) هههههه

انا ملاحظ ان اغلب مشاركات حضرتك في المنتدى وفي منتدى تاني هي شتيمة وتريقة على الالنترا , حضرتك مكرس كل مشاركاتك فقط ضد الالنترا , ما علينا , مال الموتور يا فندم ؟ في عربية في مصر ب 130 الف وموتور 130 حصان ؟ ومالها العفشة ؟ وهي كلمة (المصممه خصيصا للطرق المصريه) دي مش بتتكتب في كل البروشورات المصرية ؟ اللي معظمها بيبقى مكتوب فيها موتور قوي وسريع وفرامل قوية من غير اي تفاصيل ؟

المشاركة الأصلية كتبت بواسطة abdulkhaleq

ما انا برضه ملاحظ كده :)
وملاحظ انك متابعني قوي ومتضايق جدا وملاحظ كمان انك بتتبنى رأي زي ان الكوري تفوق عالياباني وحاجات كده :) :)
وبصراحه مش عارف انت حارق دمك قوي كده ليه :) :)
عموما هريحك
سبب تريقتي على الكوري (اللي تقريبا معانا كللنا) هو نوع من السخريه من الحال اللي وصلنا اننا نعتبر دي عربيات, لأ وعندنا استعداد نركبها 20 سنه قدام ونقضيها عند الميكانيكيه

سبب تريقتي على الالانترا الجديده الخزعبليه بعد ماضيعت من وقتي وبصيت عليها عشان واحد صاحبي ولقيت فعلا ان رزق الهبل على المجانين زي مابيقولو واننا فعلا نستاهل وان مافيش امل في اصلاح اي حاجه في مصر لأن الناس عمرها ماهتنصلح ومش بتيجي غير بالاشتغالات :)

جزئية المحرك او العفشه قصدي عموما مش عالكلام الفاضي اللي بيتقال في الاعلان
(وعلى فكره التوكيلات المحترمه عندنا مش بتكتب مصمم خصيصا والكلام الفارغ ده)
قصدي ان اللي بيجيلنا بتكون عربيه يادوب فيها أساسيات الميكانيكا لدرجة ان التكييف بنعتبره كماليات هههههههه
والاشاعه العظيمه (كده انسب لبلدنا وعشان الميكانيكي يعرف يصلحها) وبرضه نجيبها
وتوصل 160 ونجري نجيبها ونقسط ويتخرب بيوتنا ونبوس ايد التوكيل عشان يشتغلنا كمان وكمان
ونكون احنا السبب في الغلاء في كل حاجه مش عربيات بس
وياريت الميكانيكيه بيفهموا فيها, انا شخصيا اعرف 2 مواتير عربياتهم الكوري باظت بسبب غلطات ميكانيكيه

عرفت السبب بقى ولا لسه في حاجه مش فاهمها ؟؟ :)

يا فندم انا حارق دمي لان كل واحد بيتكلم على اساس انه Jeremy Clarkson , لما حضرتك تقول ان دي مش عربيات والمش عربيات دي تاخد تقييمات في top gear ومعظم المواقع العالمية اعلى من بعض الماركات الاوروبي واعلى من الياباني , والناس برضه تقول لا دي كوري , حضرتك مبتقارنش بموضوعية , مفيش حاجة اسمها دي مش عربيات , الكوري ده سيادتك من اكتر العربيات مبيعا في العالم , يعني مش في مصر بس , بالنسبة للكماليات , حضرتك الفورد فوكس اول فئة بتنزل بازاز كهربا ادام بس , وفي بريطانيا التكييف وازاز الكهربا كماليات ( اه والله ) وفي فئات في الجولف وعربيات فولكس بتنزل من غيرهم , يعني مش في مصر بس , بالنسبة لكده انسب لبلدنا , دي مش اشاعة , داتشيا واخدة جايزة اعلى العربيات اعتمادية عشان بساطتها في التشغيل , وده اللي مخلي عربية زي الرينو والستروين اعتماديتها قليلة , بالنسبة للغلاء زي ما قلت لحضرتك هاتلي عربية كومباكت في مصر 130 حصان وشكل كويس واعادة بيع كويسة وبعد كده اقولك فعلا هيونداي اغلى من باقي العربيات في فئتها
تحياتي

المشاركة الأصلية كتبت بواسطة mody3on

يا فندم انا حارق دمي لان كل واحد بيتكلم على اساس انه Jeremy Clarkson , لما حضرتك تقول ان دي مش عربيات والمش عربيات دي تاخد تقييمات في top gear ومعظم المواقع العالمية اعلى من بعض الماركات الاوروبي واعلى من الياباني , والناس برضه تقول لا دي كوري , حضرتك مبتقارنش بموضوعية , مفيش حاجة اسمها دي مش عربيات , الكوري ده سيادتك من اكتر العربيات مبيعا في العالم , يعني مش في مصر بس , بالنسبة للكماليات , حضرتك الفورد فوكس اول فئة بتنزل بازاز كهربا ادام بس , وفي بريطانيا التكييف وازاز الكهربا كماليات ( اه والله ) وفي فئات في الجولف وعربيات فولكس بتنزل من غيرهم , يعني مش في مصر بس , بالنسبة لكده انسب لبلدنا , دي مش اشاعة , داتشيا واخدة جايزة اعلى العربيات اعتمادية عشان بساطتها في التشغيل , وده اللي مخلي عربية زي الرينو والستروين اعتماديتها قليلة , بالنسبة للغلاء زي ما قلت لحضرتك هاتلي عربية كومباكت في مصر 130 حصان وشكل كويس واعادة بيع كويسة وبعد كده اقولك فعلا هيونداي اغلى من باقي العربيات في فئتها
تحياتي

الله ينور عليك... انت استاذ بجد مش بترمى اى كلام و خلاص من بتاع دى كورى و متستهلش... على فكرة فى بعص التعليقات من الناس اللى بتهاجم الكورى بتخلينى اعد اضحك بجد...
يعنى كل مواقع تقييم العربيات مش بتفهم و هما اللى بيفهموا ... يقولك الالنترا كورى و تعبانة و هى واخدة جايزة سيارة العام من وسط 30 سيارة بتتنافس على اللقب دة!!! العربية متصنفة برة على انها التوب فى فئتها و class leader!!! و هنا يقولك كورى و تعبانة و عربية فاشلة و ثبات فى الضياع و و و ... و و ... هاهاها

طب بص شوف الالمانى اللى بيقلوا علية عفشة مالتى لينك و ثبات محصلش بيتقلب على سرعة كام؟؟؟




Octavia - YouTube

بيتقلب على سرعة 10 كم بجد مسخرة هاهاها... يا ترى لو كانت دى النترا كانوا قالوا ايه