وعليكم السلام,
بعد سرقة ثاني سيارة الانترا 2012 ل 2 زملاء معانا في المنتدى .. حبيت انوه على ان الناس فاكرة ان المفتاح الريموت كونترول بتاع الانترا (على الاقل الي مش SMART KEY) هو كدة متشفر !
الاجابة الفاجعة : انه مش متشفر ولا متنييل .. ولو اتعمل نسخة منه تحت بير السلم حيدور العربية عادي جدا !!!
ازاي يا عمنا بس الكلام ده ؟
اولا ماهو ال IMMOBILIZER , هي تقنية ابتركت ... بوضع شريحة الكترونية او TRANSMITTER الكتروني .. كل مفتاح بيبقى بكود معين مع العربية .. اول مابتحط المفتاح في الكونتاكت .. ال TRANSMITTER ده بيبعت اشارة للمحرك او للسيارة ياكد على الكود و على انه المفتاح الاصلي.
طب ازاي تعرف عربيتك فيها IMMOBILIZER او لأ .. ؟
في حاجة انا متاكد منها 100% و دي علشان في كتالوج السيارة ..
الا وهي علامة ال IMMOBILIZER تنور في التابلوه اول ماتحط المفتاح وتدور ..
العلامة دي شكلها كدة :
http://img535.imageshack.us/img535/2162/immobilizer.jpg
انا نزلت جربت في عربيتي .. و للاسف اللمبة دي لا وجود لها !!!
الحاجة الثانية هي شكل المفتاح ( ودي اجتهاد مني مش اكتر) عربيتي التانية الباليو .. شكل المفتاح زي شكل معظم السيارات الاوروبي , حتلاقي الحفر او شكل المفتاح نفسه عامل زي حارات كدة (بتاعة الفتيس مثلا)
http://static3.depositphotos.com/100...ilizer-and.jpg
وده فعلا لما بحطه في الباليو .. علامة ال IMMOBILIZER بتطلع و تطفي و معناها ان المفتاح ده اصلي.
انما مفتاح الانترا للاسف هو مفتاح عادي جدا زي ده :
http://www.hyundai.com.au/Images/Use...less-Entry.jpg
وبالتالي السرقة سهلة جدا !! بدون اي مجهود !
طب ايه الحل ؟
الحل برده في راي المتواضع (ياريت حد يشاركنا بحل افضل)
انك اولا تعمل LOCK بالدركسيون (بعد ماتركن) و تقفل العربية حرك الدركسوين سنة حتلاقيه اتسوجر لوحده .. الحل ده طبعا لو حد معاه المفتاح او نسخة منه .. حيعرف يفتحه .. بس ده حينفع بس لو حد كسر الزجاج مثلا و عايز يفك ضفيرة العربية علشان يدورها .
الحل الثاني و هو البدائي جدا .. وهو قفل الدركسيون ...
http://www.samitoelectronics.com/whe...WHEELLOCK1.jpg
---
ححاول انهاردة بتجربة عملية, اروح لبتاع مفااتيح و اقوله يعمل نسخة من مفتاحي ... و اجرب ادور العربية !
ربنا يستر علينا !
