عرض للطباعة
سلام عليكم، عندى مشكلة فى عربيتى البونتو 2003، العربية وهى دايرة وفى نص مشوار فى الزحمة تبقى ماشية عادى وفجأة اجى انقل الار بى ام يعلى اوى لفوق ال3 وينزل بعد ما انقل، الغريب بقى ابقى واقف فى اشارة الاقى الار بى ام بيطلع لحد 3 وساعات اعلى من 3 وشوية وينزل يثبت عند 2 وصوت العربية بيفضل عالى، اول ما ادى العربية غيار واطلع الار بى ام ينزل تانى، حد عنده فكرة ده عيب ايه مع العلم انه مش بيحصل دايما وانا مغير من شهر طقم دبرياج وماستر
انا عندى نفس الحوار ده بالظبط و كمان لو فضلت دايس دبرياج وانا بنقل و مشلتش رجلى من عليه الار بى ام بيعلى لحد 5 بس لو دوست سنه بنزين(وانا لسه مشلتش رجلى من على الدبرياج) بيعلى سيكا وينزل تانى لطبيعته
غالبا الحوار ده من البوابة
عايزة تتنضف مثلا؟ انا جبت المنظف بتاعها ونضفتها عند ميكانيكى بس لسة الموضوع ده بيحصلاقتباس:
المشاركة الأصلية كتبت بواسطة torky85
بص انا فى الاول كنت بس لما بدوس على الدبرياج الار بى ام كان بيعلى لحد ما اشيل رجلى و انقل
بعد ما جبت المنظف الار بى ام بقى بيعلى و يوطى لوحده زي عندك كده بالظبط :)
حطها علي كمبيوتر كشف احتمال يكون حساس البوابة وربنا يسترها معاك ميكونش منه لانه لو هو هتغير البوابة بالكامل لان الحساس بلت ان جوة البوابة علي ما اعتقد
في الغالب كونترول البوابة لو العندك بتاع الموتور 1242cc-16 valve ان عندى واحد جيبة احتياطي لو تحب تجرب اذا كان المشكلة منة مفيش مشكلة
شوف لو هوة دة ال عندك[shr71=http://img839.imageshack.us/img839/3812/idela.jpg]���� : ��� ������ ����� �� ��� ���� ����� ����� ��� ���� ���[/shr71]
دا حساس الايدل مش البوابة
شيل فيشة البطارية واستني ساعة وبعد كدا حطها وسيب العربية دايرة 5 دقائق بدون ما تدوس بنزين
لو فضل العيب يبقي تغير حساس الايدل
ده مش اللى عنده هوه عنده الموتور ال 8vاقتباس:
المشاركة الأصلية كتبت بواسطة elnager
ده زى اللى عندى وعايز اشترية بس بالبوابة عايز تبيعة ؟؟
انا الا عندى هم دول بالضبط http://img221.imageshack.us/img221/3...to0172wxse.jpg
بس البوابة بتاعتك مالها
البوابة عندى مهيسة برده ارى بى ام بيخرف كتير الحوار بقى ان الايدل بيركب ب3 مسامير اتنين اتفكوا وواحد فوت مش عارف افكة فمطضر اجيب البوابة بالايدلاقتباس:
المشاركة الأصلية كتبت بواسطة elnager
الل الايدل اللى عندك ده ليه خارج من سلوك كده المفروض ده بيركب بفيشة هوه كان راكب على عربية ايه ؟؟
انها البوابة ,,,, انا برضوا عندي المشكلة دي ,,, عربيتي بيترا
جبت المنظف ,,, و نضفت البوابة ,,, فضلت مهيسة يومين و بعد كده ضبطت ,,, يا رب تكمل و تفضل مضبوطة
اهم حاجة تبقى تنضفها ب IDLE INTAKE Cleaner مش كاربراتير كلينر
اة رايك كدة ذي عندكhttp://img820.imageshack.us/img820/773/photo0171zh.jpg
المشكلة دى كانت عندىبلزبط انا موديل95 تحت الكربراتير حساس بيكون علية وساخة او البنزين علية مية بعد ما اتنضف صوت العربية هد ى جدا واستهلاك البنزين قلشويا وبقيت اعمل الموضوع دا كل شهرين
[justify]يا جماعة أنا معايا بونتو 2001 وأتخنقت خلاص من العيب ده ... العربية أوقات تبقى كويسة جدااا طول المشوار وأوقات يركبها عفريت طول المشوار - أنا الأر بي أم بتاعي بيفضل عالى على 1.5 و 2 ... وساعات بقى لما أشد بالعربية وأسيب دواسة البنزين ألاقي الأر بي أم هيفرقع وبيوصل لحد 4 و 4.5 وببقى خايف ع الموتور جدااااااا...
المشكلة إنى برضو كنت لسه مغير الإسطوانة ومظبط العربية زي الفل والعيب ده بدأ يظهر لحد ما بقى شىء مزمن ... وللأسف بعد ما نضفت البوابة الموضوع زاد بالصورة اللى شرحتها بعد ما كان الموضوع أقل من كده..
الميكانيكي بيقول إن سلك الأكسراتير بتاع البنزين عندي مقطع وبيتحشر وهو السبب ف الموضوع ... بس ازاي هو السبب لما الأر بي أم بيرقص مع نفسه وأنا سايب دواسة البنزين اساسا ؟؟؟؟؟
أنا خايف بجد تكون المشكلة ف الحساسات وأغير البوابة ( البوابة ب 1500 جنيه) ومش عارف أتصرف ازاي بجد ولا أعمل ايه ؟؟؟
[/justify]
سيبك من موضوع الواير ده الميكانيككى بيهيس لو فعلا هوه العيب لازم تغير البوابة بس كده كتير قوى 1500اقتباس:
المشاركة الأصلية كتبت بواسطة mous6fa
شوفها استيراد بس الاول اعمل ريست للايدل
افصل البطارية ساعة وبعدين ركبها وافتح كونتاكت من غير ماتدور 3 دقائق واقفل وبعدين دور وسيبها دايرة 3 دقايق من غير ماتزود بنزين وبعدين بطل ودور تانى واتحرك بالعربية بس من غير شد المشى الطبيعى مشوار وبعد كده اكشى براحتك جرب الايدل ليرن كده لو مظبطش يبقى لازم تغيرها بس هيه اكيد استيراد ارخص من كده