الحمد لله علي نعم الله وفضله علينا

بسم الله الرحمن الرحيم وبه نستعين

طبعا معظم الاعضاء متزوجون ولديهم اولاد ربنا يحفظهم من كل شر دي حكايتي مع مرض ابني محمد
في شهر 2 اللي فات وتقريبا بعد 10/2/2012 محمد جاله دور برد وسخانه عادي جدا اخد مضاد حقن واخد دواء شرب وخافض فضل عيان حركه اسبوع المهم انا اول يومين والتالت اخدت الدور ورقدت وامه اخدت الدور ورقدت وهي حامل طبعا قمت وديتهم عند امها علشان يلاقوا رعايه لاني مريض وملازم الفراش
المهم الواد خف الحمد لله ورجعنا البيت بس محمد مش مظبوط حركته اقل من الطبيعي قلنا عادي طالع من دور شديد وعدي يومين او تلاته ولقيت الواد بيتدهور وخصوصا رجليه يمشي زي السكران اتصلت بكام دكتور اصحابي وكله يقولي اكله كويس هو ضعيف ورفيع علشان كده خليه ياكل كويس وهو هيفوق
المهم الواد تعبان وبيصحي يقعد علي السرير وبطل جري خالص خالص
اخدته وطلعت علي دكتور شاطر في الاطفال كشف عليه وقاللي ده عنده اللتهاب في الاعصاب واداله كورتيزون لمده اسبوع وطلب تحليل دم وتحليل براز
بعد يومين قلقت ورحت بيه دكتور عظام طمني انه كويس ومفيش حاجه والدنيا تمام
وبعد يوم واحد قلقت اكتر وكلمت كام دكتور معرفه بس مش من زمايلنا ناس كبيره وليه خبره اكتر قالولي ده تروح بيه لدكتور اعصاب المهم شويه وانا في الشغل بالليل اتصلت بيا المدام من بيت امها بتقوللي الواد ضايع خالص ومش قادر يوقف (انا اتجنيت ودماغي طارت) لحسن الحظ كان معايا الدكتور اللي ماسك الصيدليه بتاعه المستشفي الدولي قاللي يلا ناخد محمد نطلع علي المستشفي
قلتله خلينا بره عند حد متخصص قاللي الدكتور فلان مش موجود مسافر والدكتورعلان مش موجود برضه قاللي الموجود في المستشفي هيكون افضل من اللي بره تعالي معايا رحنا وقابلنا دكتور شاب وفحص محمد وقاللي كويس بس اديله فتره وهو هيخف لوحده
في لبفتره دي محمد كان بقاله 5 ايام بياخد كرتيزون والتحاليل المطلوبه طلعت وانا مش قادر استني رحت حاجز تاني عند دكتور الاطفال المهم شرحناله رحنا فين وفين وعملنا ايه وشاف التحاليل
طلع فيها انيميا بسيطه وعنده اميبا متكيسه المهم بطلنا الكرتيزون وادالنا حديد وكالسيوم ودواء للاميبا
وبعد جدال شويه قاللي اديله 10 ايام وهتلاقيه بيتحسن وبعد شهر بالكتير هيخف ان شاء الله
وسط الكلام ده قابلت واحد صديقي عنده مشكله مع بنته وبيعالجها اعصاب في سوهاج المهم قاللي معلش تعالي نكلم الدكتور بتاع سوهاج اللي بيتابع بنتي قلتله مقدرش اسافر المدام خلاص داخله في التامن وندي الواد فرصه علشان الدواء يجيب مفعول وبعدها بيومين جاني تحت البيت ورن عليا ونزلتله قاللي خد الدكتور معاك كلمته وقعد يسألني شويه اسئله وفجأه وقعت في ودني كلمه (شلل رخوي) طيب يادكتور ايه العمل قاللي روح لدكتور الفلاني ده زميلي ولو فيه حاجه احجز وتعالالي ضروري
مطلعتش البيت ركبت مع صاحبي ورحنا للدكتور وحجزنا تاني يوم ورجعت البيت وانا بقول الواد كويس ان شاء الله وبطمن نفسي والدنيا عادي وخير ومفيش حاجه
كلمت المدام قلتلها بكره معانا كشف وبتاع معترضدش وتاني يوم بالليل رحنا برغم ان احنا حجزنا بالنهار وانا رايح رجل ورا ورجل قدام دخلنا وكشف الدكتور وبعد كده راح بصصلنا وقالنا ده اشتباه بحاله شلل رخو
طبعا المدام سمعت الكلمه ووشها مش قادر اوصف تعبيره ايه (المدام معاها اخ جاله شلل بسبب جرعه فاسده)
وبدانا نناقش الدكتور بهدوء وده راح مكشر فينا وانتوا فاكرين الشلل ده ايه واهو فيرس وبيعمل التهابات في الاعصاب بس الفكره انه مبيخفش والواد هيفضل كده
طبعا المدام انفجرت في البكاء وانا عنيا رغرغت (وبيني وبين نفسي عمال اقول الحمد لله لو ليه نصيب الحمد لله ولو خف الحمد لله ربنا اعلم بمصلحته فين ) المهم مسكت اعصابي بكل برود وسلمت علي الدكتور وشكرته ومشينا من عنده نزلنا في العربيه وانا اهدي فيها واقولها ده حمار مبيفهمش ثم هو قال احتمال مش اكيد واحتمال ضعيف كمان
المهم طبعا حياتنا اتغيرت 180 درجه بعد الكشف ده
اشترينا الدواء اللي كاتبه الدكتور الذكي وكان طالب اكتر من طلب اولا لازم نبلغ الصحه لان التحليل بتاع الشلل في الصحه فقط ورسم اعصاب ورسم عضلات
اتصلت بصديقي الدكتور الحسيني (علاج طبيعي) وحكيت معاه اللي حصل من طقطق الي سلاما عليكم المهم الراجل اتصل بمديره الصحه الوقائيه وبعدها كلمني قاللي تجيللي هنا حالا
................نتابع بالليل لاني بجد تعبت من الكتابه
(الحمد لله محمد بدأ يتحسن لاكن كان عنده ايه هنعرف كمان شويه)
احنا كده في شهر 3

السلام عليكم و رحمة الله و بركاته

أنا عمال أقرأ فى المشاركة بتاعتك و بعد ماعديت أول 4 سطور, قعدت أجرى فى السطور أدور على كلمة (شلل رخو) و -قدر الله و ما شاء فعل- و لقيتها.

ان شاء الله ابنك يكون بخير و الله مكتوب عالنت -لأنى مش طبيب أطفال- أن بالعلاج السليم, احتمال الشفاء 80%, علاجه حاجتين:
Plasmapharesis
Intravenous Immunoglobulin - IVIG

أنا زى ماقلتلك, أنا مش طبيب أطفال, بس أى طبيب أطفال تقوله أن الواد كان عنده برد أو نزلة معوية من 10 أيام و لا أسبوعين و دلوقتى مشيته مش أد كده, قبل مانت تكمل كلامك, لازم يخبط فى دماغه كلمة واحدة بس مالهاش تاااااااااااااااانى, Guillian Barre syndrome اللى هو الشلل الرخو, مش أكله كويس ؟؟؟؟؟!!!!

ان شاء الله, يطلع اللى كان عنده مش شلل رخو, أنا متابع معاك بحرقة شدشدة أوى.


زى طبيب جراحة الأطفال اللى أختى راحتله ببنتها اللى عندها 47 يوم و قالتله, البنت بقالها 5 أيام مابتعملش حمام كويس, قام عالطول قايلها, ده عيب خلقى فى المستقيم و بدأ بقى يتكلم معاهم فى أنها محتاجة عملية و أنها هيفضل عندها الامساك ده طول العمر !!!!!!!!!!!!!!!, و قضينا ليلة مايعلم بيها الا ربنا, و لما راحوا لدكتور جراحة أطفال تانى فى المنصورة, قام كاتبلها لاكتيلوز شراب و البت -بفضل الله تعالى و ما شاء الله- بأت زى الفل.

الف سلامه عليه وربنا يقومه بالسلامه وتكون حاجه بسيطه

ان شاء الله تكون حاجة بسيطة و ربنا يخلليهولك و يقومه بالسلامة

اسال الله العظيم رب العرش العظيم ان يشفي ابنك محمد
ان شاء الله خير خلي ثقتك في الله كبيره
الله كريم

الف سلامه عليه و ان شاء الله يبقا زي الفل و متابعين معاك

ربنا يشفيه و يقومه بالسلامه ان شاء الله

في انتظار سرد باقي الاحداث
بس اللى انت قولته لحد دلوقتي مشكله فعلا

مستوى الطب في مصر صعب صعب صعب !! الله المستعان

ربنا يشفي ابنك
ان شاء الله
انا عندي يقين
ان الاطباء في مصر الاقليلا ماعندهمش خلفيه عن اي حاجه
الاعراض عندهم متشابهه وعلاج واحد بتكتب لكل الحالات
لدرجه ان لما عيل منهم بيتعب علي طول اشخص الحاله
بنتي الصغيره عندها 3سنين
جا لها فيروس بيصيب الفم ويخليه ملتهب
الدكتور الحمار
كتب لها مضاد حيوي ابر سيفوزون
والعرض باين عليها وعرفت انه الفيروس لا يكتب معه مضاد حيوي وانما مكمل غذائي اسمه زافيركس
لان اختها الكبيره جالها نفس الدور ونفس الغلطه اتكررت مع دكتور اخر وكتب مضاد حيوي
ولما رحت لدكتوره في مصر الجديده
قالتلي حرام ده يكون دكتور
انا شايفه وهو بيكتب ابر سفوبيد
قالنله يادكتور اللي عندها فيروس والمفروض تاخد زافيركس
قالي وحضرتك عرفت منين
فولتله مرت عليا قبل كده من اختها الكبيره
وشه جاب 100 لون
وكلام من نوعيه انت هاتعرفني شغلني
قولتله ياباشا تشخيصك غلط
وانا كنت هاديها نفس العلاج لكن مامتها صممت اني اتاكد من ان اللي عنها فيروس مش التهاب بكتيري
وفي استاذه في كليه الطب فهمتني الفرق بين الفيروس والالتهاب البكتيري
وان كثير من الدكاتره مايعرفش يفرق بينهم
ماعرفش يتكلم

ده انا الي اعصابي تلفت و باظت وانا بقرا في اول الموضوع

والحمد لله الف حمد وشكر انه بدا يتحسن

مش مهم بقي باقي الحكايه

وربنا يتممله الشفا قادر يا كريم

A.Yakout

ربنا يشفيه ويعافيه

في انتظار باقي الموضوع ...

ربنا يطمنك عليه راى المتواضع انزل بيه مصر روح مستشفى ابو الريش للاطفال او اسال عن دكتور كبير ودهوله زى عماد سالم ودى عيادته فى باب اللوق و المهندسين

الاول احب اشكركم علي تعاطفكم الكريم ولو اني قصدت اني انوه ان محمد بالفعل بدأ يتحسن
ونحمد الله علي اللي حصل لان احنا شفنا قدره ربنا في محمد بجد الحمد لله
نرجع مع بعض للدكتور الحسيني ده صديقي من اولي ابتدائي واكتر من اخ وبسبب محمد الراجل ده شبع تريقه من المستشفي كلها

محمد لما كان عيان في اول اسبوع اخد مضاد حيوي حقن واللي ادهاله الحسيني طبعا هو لما سمع ان محمد مش بيمشي فكر العيب في الحقنه وقعد معايا لحظه بلحظه لغايه النهارده
المهم نرجع لغايه لما الحسيني اتصل بمديره الصحه الوقائيه د/رقيه ودي شخصيه لطيفه جدا وبشوشه للغايه

اتصل الحسيني بيا وقاللي تجيب الواد وتحضر فورا
اخدت محمد ابني والمدام وطلعت علي المستشفي العام وانا وداخل قابلت دكتور باطنه قاللي ايه اللي جابك شرحت له الحكايه قاللي الدكتور برنابا دكتور اطفال وممكن يساعدك ودخلنا مكتب الحسيني ولقينا هناك الدكتور ميشيل اعصاب والدكتوره رقيه واتنين دكاتره تاني معرفهمش ومعرفش تخصصاتهم والحسيني ورئيس قسم العلاج الطبيعي كل دول كانوا موجودين في الغرفه علشان خاطر محمد بيه بعد شويه فحوصات قالوا الولد كويس ومفيهوش حاجه طبعا اتطمنت دول 8 دكاتره مش اي حاجه وكلهم بيقولوا كويس

وكلهم بيقولوا احتمال كبير تكون حقنه غلط (طبعا كلهم شبعوا في المسكين الحسيني تريقه وانا اقول للدكتور لو من ايد الحسيني يبقي محمد ربنا بيحبه)

طبعا المدام اتطمنت ورحنا روحنا البيت واخدنا عينات من البراز طبعا علشان التحليل اللي بيبين الشلل عند الصحه الوقائيه فقط وبيتاخد علي مرحلتين بين كل عينه 24 ساعه المهم

ورحت الاداره الطبيه واعطيتهم العينات قالولي بعد شهر طبعا انا قلت شهر كتير بس طالما ان شاء الله كويس استني وكانت د/رقيه عايزه برضه رسم عضلات ورسم اعصاب رحنا للدكتوره اللي بتعمل دول مفيش غيرها في الاقصر د/عبير عبدالهادي التوني

رحنا سألنا عليها قالوا دي في مؤتمر المهم امتي تيجي بعد اسبوع تاني يوم الحسيني جابله ب12 وكمان مالتي فايتمن ده غير الكالسيم والحديد والابيكوزيم اللي بياخده المهم بعد اسبوع ومحمد مفيش اي تحسن من اي نوع الفرحه راحت والبيت سكت والغم ركبني والدنيا بقت غامقه وكل اللي في لساني ربنا عمره ماهيجيب حاجه وحشه ولو محمد فضل كده يبقي الحمد لله ولو خف يبقي الحمد لله

ورحنا تاني لعبير ولسه مجاتش وبعد اسبوع لسه مجاتش لغايه لما جات بعد 3 اسابيع كشفت علي محمد وقالتلنا بالحرف معرفش ايه اللي عنده لغايه ماتعملولي التحليل ده بيبين نسبه نمو العضلات (مع الاسف مركز التحاليل فوق العياده وانا كنت مشغول ولم اقرأ اسم التحليل)

قالوالي بعد 4 ايام طبعا اتدايقت لان الدتوره ماشيه يوم التلات واحنا الاحد يعني الاسبوع اللي جاي وبعد شد وجذب اتفقت مع الدتور وقاللي يوم التلات بالليل وبالفعل الراجل مكدبش اتصلت الساعه 6 مكانش عندهم خبر حتي وجات العينه الساعه 8

دخلت للدكتوره قالتلي الحمد لله الواد كويس وفيه امل يخف (في اللحظه دي كنت هموت من الفرح)طيب يادكتوره ممكن يتحسن في قد ايه قالتلي الله اعلي واعلم فيه حالات بتخف خلال 3 اشهر لغايه سنه واكتر
طيب محمد حالته ايه (ان شاء الله هيخف)

وصرفتله 17 حقنه في خلال 20 يوم ونقط للفم وطبعا مفيش حد يديله الحقن غير الحسيني (الطفل الصغير حتي 5 سنوات لا يأخذ الحقن في الظهر ولاكن يأخذ في الفخذ اعلي الركبه وذلك افضل)

طبعا الحسيني جه البيت 17 مره علشان الحقن ومسكين بعد ما محمد كانت عالاقته كويسه بيه العلاقه اتدهورت وبيقيوا اعداء ومحمد اول ما يشوف الحسيني يصرخ ويقول لا حقنه
المهم الواد بدأ يتحسن والحمد لله بعد الحقن بقي احسن بكتير ورجعت الفرحه البيت وبقي غلس وغتت وعايز الضرب بالجزمه

ولو حد يحب ابعتهوله يقعد عنده سنتين تلاته يقول ومصاريف السفر عليا
ورحنا الاعاده والدكتوره فرحت بيه وقالت احمدوا الله لان فيه زيه مبيخفش (وقالت علي طفل اتوفي بسبب قصه مماثله الحمد لله الحمد لله الحمد لله)

واديتله حقنه كل 10 ايام (بس لسه دي مااخدهاش) ودواء شرب
بس فين بقي كانت المدام خلاص تعبت واعصابها تعبت والحمل زود كل الكلام ده وجينا في يوم بتقولي تعبانه رحنا للدكتوره قالتلها اعمليلي تحليل زلال وبالفعل تاني يوم الصبح طلع النتيجه ++

يعني الزولال زياده ومينفعش نستني اكتر من كده خصوصا اننا في اخر التاسع وبلفعل رحنا للدكتوره وقالت لازم قيصريه لان احنا اهملنا الام خالص في الفتره اللي فاتت ورجعنا بعد العصر وعلي المغرب كده دخلت الاجتماعي وعملت موضوع ادعولي ربنا يعدي اليوم ده علي خير

والحمد لله رؤيا جات والدنيا نورت بس هما لسه عند جدتهم ومحمد كان معايا يوم الجمعه ووديته الملاهي بس هو غيران خالص ومبطل اكل وحركته مش زي الاول بس ده طبعا علشان مبيكلش والغيره

واخيرا احب اقولكم ان نعم الله لاتعد ولا تحصي والصحه تاج لايراه إلا المرضي
ولا اراكم الله مكروها في من تحبون

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

أنا عمال أقرأ فى المشاركة بتاعتك و بعد ماعديت أول 4 سطور, قعدت أجرى فى السطور أدور على كلمة (شلل رخو) و -قدر الله و ما شاء فعل- و لقيتها.

ان شاء الله ابنك يكون بخير و الله مكتوب عالنت -لأنى مش طبيب أطفال- أن بالعلاج السليم, احتمال الشفاء 80%, علاجه حاجتين:
plasmapharesis
intravenous immunoglobulin - ivig

أنا زى ماقلتلك, أنا مش طبيب أطفال, بس أى طبيب أطفال تقوله أن الواد كان عنده برد أو نزلة معوية من 10 أيام و لا أسبوعين و دلوقتى مشيته مش أد كده, قبل مانت تكمل كلامك, لازم يخبط فى دماغه كلمة واحدة بس مالهاش تاااااااااااااااانى, guillian barre syndrome اللى هو الشلل الرخو, مش أكله كويس ؟؟؟؟؟!!!!

ان شاء الله, يطلع اللى كان عنده مش شلل رخو, أنا متابع معاك بحرقة شدشدة أوى.


زى طبيب جراحة الأطفال اللى أختى راحتله ببنتها اللى عندها 47 يوم و قالتله, البنت بقالها 5 أيام مابتعملش حمام كويس, قام عالطول قايلها, ده عيب خلقى فى المستقيم و بدأ بقى يتكلم معاهم فى أنها محتاجة عملية و أنها هيفضل عندها الامساك ده طول العمر !!!!!!!!!!!!!!!, و قضينا ليلة مايعلم بيها الا ربنا, و لما راحوا لدكتور جراحة أطفال تانى فى المنصورة, قام كاتبلها لاكتيلوز شراب و البت -بفضل الله تعالى و ما شاء الله- بأت زى الفل.

---

بالفعل تشخيص الدكتوره جوليان باريي واكتشفت انه معروف بس الحالات دي نادره
علشان كده عندنا محدش يعرفه برغم ان الحسيني شخصه صح وقاللي ده جوليان باريي
بس مرضيش يفتي إلا لما جات الدكتوره عبير وقاللي علي الحقن والنقط قبل ماالدكتوره تكتبهم بس هو كان خايف لانه مش تخصصه وكمان ده طفل فمينفعش اي حد يكتبله دواء وخصوصا اننا مش هنعرف الجرعه

اقتباس:

---

المشاركة الأصلية كتبت بواسطة mazagngi2010

الف سلامه عليه وربنا يقومه بالسلامه وتكون حاجه بسيطه

---

اقتباس:

---

المشاركة الأصلية كتبت بواسطة cameeron

ان شاء الله تكون حاجة بسيطة و ربنا يخلليهولك و يقومه بالسلامة

---

الحمد لله هو خف كتير عن الاول يعني بنسبه90% كويس يعني دلوقتي بيمد مش بيجري قوي بس بيمد وبيشب عل اطرافه وبقي كويس وكل يوم بيتحسن اكتر الحمد لله

اقتباس:

---

المشاركة الأصلية كتبت بواسطة mazher_m

اسال الله العظيم رب العرش العظيم ان يشفي ابنك محمد
ان شاء الله خير خلي ثقتك في الله كبيره
الله كريم

---

جزاك الله خيرا

اقتباس:

---

المشاركة الأصلية كتبت بواسطة ابو سيف

الف سلامه عليه و ان شاء الله يبقا زي الفل و متابعين معاك

---

الله يبارك في عمرك

اقتباس:

---

المشاركة الأصلية كتبت بواسطة ahmedcar

ربنا يشفيه و يقومه بالسلامه ان شاء الله

---

الله يبارك لحضرتك

اقتباس:

---

المشاركة الأصلية كتبت بواسطة ابو سيف

في انتظار سرد باقي الاحداث
بس اللى انت قولته لحد دلوقتي مشكله فعلا

مستوى الطب في مصر صعب صعب صعب !! الله المستعان

---

بالفعل صعب جدا خصوصا في الصعيد

اقتباس:

---

المشاركة الأصلية كتبت بواسطة hugan

ربنا يشفي ابنك
ان شاء الله
انا عندي يقين
ان الاطباء في مصر الاقليلا ماعندهمش خلفيه عن اي حاجه
الاعراض عندهم متشابهه وعلاج واحد بتكتب لكل الحالات
لدرجه ان لما عيل منهم بيتعب علي طول اشخص الحاله
بنتي الصغيره عندها 3سنين
جا لها فيروس بيصيب الفم ويخليه ملتهب
الدكتور الحمار
كتب لها مضاد حيوي ابر سيفوزون
والعرض باين عليها وعرفت انه الفيروس لا يكتب معه مضاد حيوي وانما مكمل غذائي اسمه زافيركس
لان اختها الكبيره جالها نفس الدور ونفس الغلطه اتكررت مع دكتور اخر وكتب مضاد حيوي
ولما رحت لدكتوره في مصر الجديده
قالتلي حرام ده يكون دكتور
انا شايفه وهو بيكتب ابر سفوبيد
قالنله يادكتور اللي عندها فيروس والمفروض تاخد زافيركس
قالي وحضرتك عرفت منين
فولتله مرت عليا قبل كده من اختها الكبيره
وشه جاب 100 لون
وكلام من نوعيه انت هاتعرفني شغلني
قولتله ياباشا تشخيصك غلط
وانا كنت هاديها نفس العلاج لكن مامتها صممت اني اتاكد من ان اللي عنها فيروس مش التهاب بكتيري
وفي استاذه في كليه الطب فهمتني الفرق بين الفيروس والالتهاب البكتيري
وان كثير من الدكاتره مايعرفش يفرق بينهم
ماعرفش يتكلم

---

الله يباركلك ياحبيبي وان شاء الله يجي يوم ونتقابل وتشوف محمد ونقعد مع بعض

اقتباس:

---

المشاركة الأصلية كتبت بواسطة nabaster

ده انا الي اعصابي تلفت و باظت وانا بقرا في اول الموضوع

والحمد لله الف حمد وشكر انه بدا يتحسن

مش مهم بقي باقي الحكايه

وربنا يتممله الشفا قادر يا كريم

a.yakout

---

ياقوت حبي الابدي الف سلامه علي اصابك علشان كده انا قلت في الاخر انه بيتحسن علشان اعصابك يامعلم والله يباركلك ياحبيبي

اقتباس:

---

المشاركة الأصلية كتبت بواسطة pro_samir

ربنا يشفيه ويعافيه

في انتظار باقي الموضوع ...

---

الله يباركلك يابشمهندس وجزاك الله خيرا

اقتباس:

---

المشاركة الأصلية كتبت بواسطة magid1010

ربنا يطمنك عليه راى المتواضع انزل بيه مصر روح مستشفى ابو الريش للاطفال او اسال عن دكتور كبير ودهوله زى عماد سالم ودى عيادته فى باب اللوق و المهندسين

---

بالفعل لو كان هيحتاج سفر كنت سافرت انا بعد ماحجزت تذاكر السفر طيران رجعتهم لاني قالوالي كده كده العينات والتحليل في وزاره الصحه وطبعا المدام كانت تعبانه علشان كده اجلتها والحمد لله الواد اتحسن

الحمد لله يا كبير انه بخير ورجع يطلع عينك تاني :)

علي فكره في دكتور كبير جدا عندنا هنا في اسيوط واهوه اقربلك من القاهره لو حابب تطمن اكتر يعني

اسمه رشدي الخياط تخصص مخ واعصاب اكيد سمعت عنه

لان في ناس كتير من عندكم ومن قنا ومن المنيا والصعيد كله بيجوله يوميا و الشارع عندنا زحمة عربيات كل يوم بسببه

وهوا دكتور شاطر جدا وهوا صاحب مركز الخياط وعنده غالبا وحدة تحاليل كامله

اعمل سيرش عنه في جوجل هتلاقيله مؤتمرات عالميه كتير مشارك فيها لانه مشهور جدا

لو عايز اي خدمه انا تحت الامر لانه جار قدييييم وصاحب والدي ويتمني يخدم

A.Yakout

اقتباس:

---

المشاركة الأصلية كتبت بواسطة nabaster

الحمد لله يا كبير انه بخير ورجع يطلع عينك تاني :)

علي فكره في دكتور كبير جدا عندنا هنا في اسيوط واهوه اقربلك من القاهره لو حابب تطمن اكتر يعني

اسمه رشدي الخياط تخصص مخ واعصاب اكيد سمعت عنه

لان في ناس كتير من عندكم ومن قنا ومن المنيا والصعيد كله بيجوله يوميا و الشارع عندنا زحمة عربيات كل يوم بسببه

وهوا دكتور شاطر جدا وهوا صاحب مركز الخياط وعنده غالبا وحدة تحاليل كامله

اعمل سيرش عنه في جوجل هتلاقيله مؤتمرات عالميه كتير مشارك فيها لانه مشهور جدا

لو عايز اي خدمه انا تحت الامر لانه جار قدييييم وصاحب والدي ويتمني يخدم

a.yakout

---

الله يبارك لك ياابوحميد ان شاء الله المدام تقوم بالسلامه واكيد هتقول نصيف فممكن نعدي علي اسيوط لو مسافرناش طيران وممكن احنا وراجعين سيبها لظروفها وان شاء الله خير
كفايه عرضك الكريم :00020191:

الف سلامه على ابن حضرتك والحمد لله على كل حاجه

الف مليون مبروك شفاء محمد وقدوم المولود الجديد

ربنا يكون فى عونك ، اشد محنة هو مرض الابناء وخصوصا لما متعرفش هوا عنده ايه والحالة مش بتتحسن

بس فرج ربنا دايما قريب وكرمه واسع

السلام عليكم و رحمة الله و بركاته

ألف حمدالله على سلامة ابنك و ان شاء الله تكون آخر الأحزان و ربنا يباركلك فيه و عقبال مانشوفك واقف جمبه فى الكوشة و هو بيتجوز.

انا استشارى باطنة ومن اول المشاركة وعرفت طبعا انه جيليان باريه سيندروم guilian barre syndrome والعلاج فعلا زى ما الاخ الفاضل قال جلوبيولين وومكن بلازما فاريسز وده التهاب اعصاب بيحصل فى بعض المرضى بعد اى التهاب فيروسى ودى حالات بنشوفها كتير عندنا فى السعوددية بس ما اعرفش انه الطب تدهور فى مصر واصبح تشخيص حالة زى كدة عامل مشكلة مع الدكاترة--المهم اعتقد انه لم ياخذ العلاج المناسب لانه الجلوبيولين بنعطيه ثلاث ايام بس موش الفترة دى كلها والاهم متابعة عضلات التنفس لانها لو تاثرت ممكن يحتاج تنفس صناع لغاية لما تتعافى --الموضوع هيطول شوية لغاية الشفاء الكامل (4 اسابيع تقريبا)
تقبل تحياتى

الف حمدله على سلامة ابنك يانوبي و ان شاء الله يتم شفائه على خير و يارب يبقى صحته زي الحصان.

اقتباس:

---

المشاركة الأصلية كتبت بواسطة lonedoctor

انا استشارى باطنة ومن اول المشاركة وعرفت طبعا انه جيليان باريه سيندروم guilian barre syndrome والعلاج فعلا زى ما الاخ الفاضل قال جلوبيولين وومكن بلازما فاريسز وده التهاب اعصاب بيحصل فى بعض المرضى بعد اى التهاب فيروسى ودى حالات بنشوفها كتير عندنا فى السعوددية بس ما اعرفش انه الطب تدهور فى مصر واصبح تشخيص حالة زى كدة عامل مشكلة مع الدكاترة--المهم اعتقد انه لم ياخذ العلاج المناسب لانه الجلوبيولين بنعطيه ثلاث ايام بس موش الفترة دى كلها والاهم متابعة عضلات التنفس لانها لو تاثرت ممكن يحتاج تنفس صناع لغاية لما تتعافى --الموضوع هيطول شوية لغاية الشفاء الكامل (4 اسابيع تقريبا)
تقبل تحياتى

---

الف شكر يادكتور هو كان ياخد ابينوسين حقن وكان بياخد نوع تاني مش فاكره ونقط للاعصاب برضه مش فاكر اسمها لما اروح (انا عند الحاجه الايام دي) هشوف اسمهم ايه واقولك

اقتباس:

---

المشاركة الأصلية كتبت بواسطة r0xer

الف حمدله على سلامة ابنك يانوبي و ان شاء الله يتم شفائه على خير و يارب يبقى صحته زي الحصان.

---

الله يباركلك ويديم عليك نعمه وفضله

اقتباس:

---

المشاركة الأصلية كتبت بواسطة lonedoctor

انا استشارى باطنة ومن اول المشاركة وعرفت طبعا انه جيليان باريه سيندروم guilian barre syndrome والعلاج فعلا زى ما الاخ الفاضل قال جلوبيولين وومكن بلازما فاريسز وده التهاب اعصاب بيحصل فى بعض المرضى بعد اى التهاب فيروسى ودى حالات بنشوفها كتير عندنا فى السعوددية ...............

---

السلام عليكم و رحمة الله و بركاته

فعلا, لما كنت فى السعودية, كان فيه اعلان متعلق على باب قسم الباطنة و باب الطوارئ عن وصف الحالة دى و ضرورة سرعة الابلاغ عنها بسرعة فور الاشتباه بها.

ربنا يلطف بعباده و ييسر الأحوال و ان شاء الله تيجى العواقب سليمة.

اخي وصديقي
معلش مقدرتش اكمل قراية الا لما اطمن عليك وعلى محمد واباركلك على رؤيا
لكنك قفلت اكيد مش فاضي
حمد الله على السلامه محن ربنا بيحط فيها العبد عشان يسمع دعائه
اصل الدنيا بتلهينا قوي ونبطل نقول يا رب

فعلا صدق رب العالمين لما قال ﴿ إِنَّ مَعَ الْعُسْرِ يُسْراً ﴾

حمد لله على السلامة مرة تانية وفي انتظار اتصالك

اقتباس:

---

المشاركة الأصلية كتبت بواسطة lonedoctor

انا استشارى باطنة ومن اول المشاركة وعرفت طبعا انه جيليان باريه سيندروم guilian barre syndrome والعلاج فعلا زى ما الاخ الفاضل قال جلوبيولين وومكن بلازما فاريسز وده التهاب اعصاب بيحصل فى بعض المرضى بعد اى التهاب فيروسى ودى حالات بنشوفها كتير عندنا فى السعوددية بس ما اعرفش انه الطب تدهور فى مصر واصبح تشخيص حالة زى كدة عامل مشكلة مع الدكاترة--المهم اعتقد انه لم ياخذ العلاج المناسب لانه الجلوبيولين بنعطيه ثلاث ايام بس موش الفترة دى كلها والاهم متابعة عضلات التنفس لانها لو تاثرت ممكن يحتاج تنفس صناع لغاية لما تتعافى --الموضوع هيطول شوية لغاية الشفاء الكامل (4 اسابيع تقريبا)
تقبل تحياتى

---

اولا ألف الحمد لله على سلامة الطفل ويارب دايما في صحة وعافيه وربنا يشفي ويعافي كل مرضى هذه المتلازمه....

حبيت اعلق تعقيبا لكلام دكتورنا..
هو الطب تدهور في مصر جدا جدا جدا فعلا للاسف الشديد
انا لسا مخلص سنة الامتياز ولله الحمد قضيت جزء منها في السعودية واكتشفت ان اللي شفناه في مصر من الطب يعتبر جلدة كتاب قديمه ومهربده بالنسبه للطب اللي شفته في السعودية (بدون مبالغات!!)!!!!
لكن مع كل ده,, معتقدش ان اي حد مر على ابو الريش ولو لاسبوع واحد فقط مش هيعرف يقول ان دي جيليان باريه سندروم
يعني الحق يقال الحاله مش نادرة قوي كده بالعكس موجوده وياما شفناها واحنا فسنه خامسه
وفعلا في حالات (نادرة) مش بتخف منه وفي حالات اندر واندر بتتوفى منه (نتيجه شلل عضلات التنفس)
والحمد لله انها جت على قد كده
يمكن الحالات دي صعب تشخيصها في محافظات بعيده عن القاهره بسبب ان مصر مفيهاش رعاية طبية اوليه جيده...

وبالنسبالي مش هنا المأساة!!
يعني ممكن فعلا حد مشافش الحالة دي قبل كده فميعرفهاش..
المأساة الفعليه تكمن في حاجات ابسط من كده بكتير بتفوت وتعدي ومبتتشخصش خالص غير في مراحل متأخره وتكون علاجها اصعب بكتير من لو كانت اكتشفت فيما قبل...
في ناس هتلومني عالكلام ده ويقولولي احنا اجمد ناس (ركز على كلمة يقولولي) ولكن هو ده الواقع
العالم كله بيسبقنا واحنا لسا زي محنا مكاننا وربنا يسترها علينا مش عارف هتوصل لفين بعد كده...

هتحف سيادتك بقصة بسيطه بما ان حضرتك استشاري باطنه..
خالتي مريضة ازمه من وهي صغيره من عمر 4 سنين وحاليا عندها حاجه واربعين سنه
فيوم من ايام الشتاء البارده جدا جالها الازمة وتصاحب معاها التهاب شعبي رئوي والذي منه
واخذت العلاجات والذي منه واتحسنت لكن مرجعتش زي الاول
بقت حالتها تتحسن وتسوء وتتحسن وتسوء
للاسف كنت بره مصر في هذه الاوقات ومعرفتش بدري
راحت لاحد الزملاء طلب منها اشعه مقطعية للصدر (بدون ميطلب حتى اكس راي عادية الاول)
عملتها
وكما يعرف الاطباء مريض الازمة قد يكون عنده جزء او اجزاء من رئتيه متليف بحسب نوع الازمة وعمرها والعلاج متى بدأ وهل كان المريض ملتزم بعلاجه ... الخ
طبعا الزميل شاف التليف قالها عندك درن ومحتاجه استشاري صدرية
تصادف تواجدي بعد 5 ايام من الكلام ده
فقابلتها لقيتها حزينه ومهمومه جدا
خير؟؟ حكتلي الموضوع
فضحكت قلتلها هاتي الاشعه المقطعيه
بصيت ملقتش جديد في الاشعه التليف الموجود كسابق عهده من اكثر من 10 سنين ثابته
فضحكت وقلتلها انتي زي الفل ومفيش اي حاجه جديده في الاشعه دي عن الاشعات بتاعت زمان
تهللت اساريرها شويه وقالتلي معقول؟؟ امال ده طلب مقطعية ليه؟؟
قلتلها بيروش عادي مش هيخسر خليه عندك واهو base line ممكن نجعله فيما بعد لكن غير كده مفيكيش الا العافيه وانتي كويسه
وسبحان الله من تاني يم اتحسنت جدا وعلى 3 ايام كمان رجعت تمارس كل نشاطاتها وبلا ادنى مشكله بدون علاجات اللهم ان نفسيتها كانت مأثرة على الوضع ككل بسبب طلب زي ده....

فالشاهد ان الحاله واضحه وضوح الشمس بس الزميل بيطلب حاجات مش محتاجها وبيكلف العيانه ويتعب اعصابها عالفاضي كله والله والله المستعان
اكيد القصه دي مش معضله بالنسبه لاي حد مش محتاجه حد كبير اصلا والله المستعان

والطب ربنا ينتعه بالسلامه في مصر الحبيبه


تحياتي

اسال الله العظيم رب العرش العظيم ان يشفي ابنك محمد

الف حمدلله على سلامة محمد و ربنا يباركلك فى جنا و يحفظهالك بجد فرحت اوى لما عرفت انو خف :)

أسأل الله العظيم رب العرش العظيم أن يتم شفاء إبنك على خير

والله كنت أمسك قلبي ودموعي وأنا أقرأ كلامك وحمدت الله أن إبنك بدأ يتعافى ولله الحمد

والله الإبن أو الإبنة من أغلى الأشياء التي نملكها ويصعب علينا معاناتهم ونحن مكتوفي الأيدي لا نملك إلا الدعاء

اللهم بارك لك في أهلك

الف سلامة لاسرتك كلها
العيل لما يسخن شوية و لا ياخد برد بيخلي الاب عقله مش في راسه

الف سلامه على محمد يا نوبى .. والحمد لله على الى يجيبه ربنا

اقتباس:

---

المشاركة الأصلية كتبت بواسطة karim_monir

اخي وصديقي
معلش مقدرتش اكمل قراية الا لما اطمن عليك وعلى محمد واباركلك على رؤيا
لكنك قفلت اكيد مش فاضي
حمد الله على السلامه محن ربنا بيحط فيها العبد عشان يسمع دعائه
اصل الدنيا بتلهينا قوي ونبطل نقول يا رب

فعلا صدق رب العالمين لما قال ﴿ إِنَّ مَعَ الْعُسْرِ يُسْراً ﴾

حمد لله على السلامة مرة تانية وفي انتظار اتصالك

---

معلش والله ياكريم لما كلمتني مش هتتخيل كنت عامل ازاي قاعد في الشغل والناس قدامي ومحمد نايم علي دراعي والتليفون في ايدي
ان شاء الله اكلمك بكره قبل مااروح الشغل

اقتباس:

---

المشاركة الأصلية كتبت بواسطة hm414

اولا ألف الحمد لله على سلامة الطفل ويارب دايما في صحة وعافيه وربنا يشفي ويعافي كل مرضى هذه المتلازمه....

حبيت اعلق تعقيبا لكلام دكتورنا..
هو الطب تدهور في مصر جدا جدا جدا فعلا للاسف الشديد
انا لسا مخلص سنة الامتياز ولله الحمد قضيت جزء منها في السعودية واكتشفت ان اللي شفناه في مصر من الطب يعتبر جلدة كتاب قديمه ومهربده بالنسبه للطب اللي شفته في السعودية (بدون مبالغات!!)!!!!
لكن مع كل ده,, معتقدش ان اي حد مر على ابو الريش ولو لاسبوع واحد فقط مش هيعرف يقول ان دي جيليان باريه سندروم
يعني الحق يقال الحاله مش نادرة قوي كده بالعكس موجوده وياما شفناها واحنا فسنه خامسه
وفعلا في حالات (نادرة) مش بتخف منه وفي حالات اندر واندر بتتوفى منه (نتيجه شلل عضلات التنفس)
والحمد لله انها جت على قد كده
يمكن الحالات دي صعب تشخيصها في محافظات بعيده عن القاهره بسبب ان مصر مفيهاش رعاية طبية اوليه جيده...

وبالنسبالي مش هنا المأساة!!
يعني ممكن فعلا حد مشافش الحالة دي قبل كده فميعرفهاش..
المأساة الفعليه تكمن في حاجات ابسط من كده بكتير بتفوت وتعدي ومبتتشخصش خالص غير في مراحل متأخره وتكون علاجها اصعب بكتير من لو كانت اكتشفت فيما قبل...
في ناس هتلومني عالكلام ده ويقولولي احنا اجمد ناس (ركز على كلمة يقولولي) ولكن هو ده الواقع
العالم كله بيسبقنا واحنا لسا زي محنا مكاننا وربنا يسترها علينا مش عارف هتوصل لفين بعد كده...

هتحف سيادتك بقصة بسيطه بما ان حضرتك استشاري باطنه..
خالتي مريضة ازمه من وهي صغيره من عمر 4 سنين وحاليا عندها حاجه واربعين سنه
فيوم من ايام الشتاء البارده جدا جالها الازمة وتصاحب معاها التهاب شعبي رئوي والذي منه
واخذت العلاجات والذي منه واتحسنت لكن مرجعتش زي الاول
بقت حالتها تتحسن وتسوء وتتحسن وتسوء
للاسف كنت بره مصر في هذه الاوقات ومعرفتش بدري
راحت لاحد الزملاء طلب منها اشعه مقطعية للصدر (بدون ميطلب حتى اكس راي عادية الاول)
عملتها
وكما يعرف الاطباء مريض الازمة قد يكون عنده جزء او اجزاء من رئتيه متليف بحسب نوع الازمة وعمرها والعلاج متى بدأ وهل كان المريض ملتزم بعلاجه ... الخ
طبعا الزميل شاف التليف قالها عندك درن ومحتاجه استشاري صدرية
تصادف تواجدي بعد 5 ايام من الكلام ده
فقابلتها لقيتها حزينه ومهمومه جدا
خير؟؟ حكتلي الموضوع
فضحكت قلتلها هاتي الاشعه المقطعيه
بصيت ملقتش جديد في الاشعه التليف الموجود كسابق عهده من اكثر من 10 سنين ثابته
فضحكت وقلتلها انتي زي الفل ومفيش اي حاجه جديده في الاشعه دي عن الاشعات بتاعت زمان
تهللت اساريرها شويه وقالتلي معقول؟؟ امال ده طلب مقطعية ليه؟؟
قلتلها بيروش عادي مش هيخسر خليه عندك واهو base line ممكن نجعله فيما بعد لكن غير كده مفيكيش الا العافيه وانتي كويسه
وسبحان الله من تاني يم اتحسنت جدا وعلى 3 ايام كمان رجعت تمارس كل نشاطاتها وبلا ادنى مشكله بدون علاجات اللهم ان نفسيتها كانت مأثرة على الوضع ككل بسبب طلب زي ده....

فالشاهد ان الحاله واضحه وضوح الشمس بس الزميل بيطلب حاجات مش محتاجها وبيكلف العيانه ويتعب اعصابها عالفاضي كله والله والله المستعان
اكيد القصه دي مش معضله بالنسبه لاي حد مش محتاجه حد كبير اصلا والله المستعان

والطب ربنا ينتعه بالسلامه في مصر الحبيبه


تحياتي

---

تخيل ده دكتور واحد انا محمد كشف عليه نص البلد ومحدش عرف يشخصه وكله يقولي اكله كويس
وانا مش مقتنع بتاتا بالكلام الفارغ ده وهما يقولولي انت هتعرف اكتر مننا ياما شفنا اكتر من كده
الحمد لله

اقتباس:

---

المشاركة الأصلية كتبت بواسطة kefohonda

اسال الله العظيم رب العرش العظيم ان يشفي ابنك محمد

---

الله يحفظك

اقتباس:

---

المشاركة الأصلية كتبت بواسطة theking2690

الف حمدلله على سلامة محمد و ربنا يباركلك فى جنا و يحفظهالك بجد فرحت اوى لما عرفت انو خف :)

---

عقبالك ولو عندك اولاد يبقي عقبال ماتشوفهم عرايس وعرسان

اقتباس:

---

المشاركة الأصلية كتبت بواسطة عمرو عمارة

أسأل الله العظيم رب العرش العظيم أن يتم شفاء إبنك على خير

والله كنت أمسك قلبي ودموعي وأنا أقرأ كلامك وحمدت الله أن إبنك بدأ يتعافى ولله الحمد

والله الإبن أو الإبنة من أغلى الأشياء التي نملكها ويصعب علينا معاناتهم ونحن مكتوفي الأيدي لا نملك إلا الدعاء

اللهم بارك لك في أهلك

---

الله يباركلك ياحبيبي

اقتباس:

---

المشاركة الأصلية كتبت بواسطة mazagangee

الف سلامة لاسرتك كلها
العيل لما يسخن شوية و لا ياخد برد بيخلي الاب عقله مش في راسه

---

اه والله وانت طبعا ادري الناس بالكلام الفاضي اللي الواحد بيبقي فيه
اجري هنا واجري هنا وياريت حد يريحك بكلمه بس الحمد لله الواحد بالفعل بيتعلم وبيعرف نعم وفضل ربنا عليه

الف سلامة لمحمد ابن حضرتك ومليون مبروك لرؤيا

اقتباس:

---

المشاركة الأصلية كتبت بواسطة الغزالى

الف سلامه على محمد يا نوبى .. والحمد لله على الى يجيبه ربنا

---

غزالي حبيبي الله يسلمك يامعلم ونفرح فيك ونشوفك عريس قد الدنيا

الحمد لله رب العالمين

مش حرام عليك الخضه اللي خضتهالنا دي :fun_10_9_134[1]:

الف سلامة على محمد... والله انا اتخضيت لما قريت الموضوع من الآول
ربنا بياركلك فيه... وياريت لو تدبح حاجة لوجه الله

اقتباس:

---

المشاركة الأصلية كتبت بواسطة النوبي

غزالي حبيبي الله يسلمك يامعلم ونفرح فيك ونشوفك عريس قد الدنيا

---

يا نوبى نطمن على محمد الصغير الاول وبعدين .. ابئى ادور على نفسى انت عارف بحب اضحى من اجل الاخرين ... :36_2_55[1]:

اقتباس:

---

المشاركة الأصلية كتبت بواسطة pro_samir

الحمد لله رب العالمين

مش حرام عليك الخضه اللي خضتهالنا دي :fun_10_9_134[1]:

---

طيب ليه الضرب ده كله معلش والله مااقصد المشكله اني بعد مابدأت كتابه المغرب اذن وكمان النت فصل كام مره وكده كده ميعاد الشغل لان ميعادي بعد العشاء
معلش بقي سماح لمره دي والمره اللي جايه هكتبهام في نوت الاول

اقتباس:

---

المشاركة الأصلية كتبت بواسطة jam

الف سلامة على محمد... والله انا اتخضيت لما قريت الموضوع من الآول
ربنا بياركلك فيه... وياريت لو تدبح حاجة لوجه الله

---

الله يسلمك وان شاء الله هندبح خروفين علشان الهانم الصغيره وعلشان المزغود الكبير

اقتباس:

---

المشاركة الأصلية كتبت بواسطة الغزالى

يا نوبى نطمن على محمد الصغير الاول وبعدين .. ابئى ادور على نفسى انت عارف بحب اضحى من اجل الاخرين ... :36_2_55[1]:

---

ياواد يامضحي انت ياسلام عليك في التضحيه بتبقي ولا تامر حسني في مسلسل آدم
ههههههههههههههههه

اقتباس:

---

المشاركة الأصلية كتبت بواسطة النوبي

ياواد يامضحي انت ياسلام عليك في التضحيه بتبقي ولا تامر حسني في مسلسل آدم
ههههههههههههههههه

---

هههههههههههههههههه شمعه يا نوبى شمعه :Copy of m-s5::Copy of m-s5: