اشترى الصنى وانت مطمن ...... ملهاش حل

**Dr'AhmZZong** · 06-05-2012 12:13 AM

المشاركة الأصلية كتبت بواسطة Ahmed_selmy

والله انا اعتقد ان كل واحد بيبص للعربيه من وجهت نظر مختلفه عن التانى
يعنى واحد يبصلها من حيث السرعه والثبات
وواحد تانى يبصلها من حيث الوسع الداخلى وفخامة الفرش والتابلوه والقاعده الداخليه
واحد يبصلها من حيث الاستهلاك وقطع الغيار والمصاريف
وهكذا
اهم حاجه الواحد يكون مقتنع بالحاجه اللى معاه حتى لو توكتوك

المشاركة الأصلية كتبت بواسطة abdohero

بصراحة الصني ملهاش حل بالنسبة للفئة اللي هيا فيها

انك تجيب عربية ياباني بالمواصفات ديه والسعر ده وكمااااااان زيروووووو مستحيل تلاقي غير الصني

المشاركة الأصلية كتبت بواسطة mody3on

ياباني تقفيل مصري , على كده بقى الفيرنا كوري واللانوس كوري واللوجان فرنسي :)
بس بصراحة متلاقيش عربية في حدود 105 الف وفيها abs-ebd-airbags عشان كده بحترمها

المشاركة الأصلية كتبت بواسطة Land_Cruiser

عربيه عمليه و اللى بتدفعه بتاخد بيه حاجه كويسه فى المقابل و لا تعتمد على الابهار فى الشكل علشان تجذب بيها المستهلك عامله زى الإعلانات الاجنبيه اللى فيها واحد قاعد فى غرفه عاديه بيقنعك بالمزايا بطريقه عمليه مش الإعلانات اللى عندنا اللى بتعتمد على الابهار و ناس عماله ترقص و تغنى علشان تدبسك فى حاجه عاديه بسعر غالى بصرف النظر اذا كنت هتبقى محتاج لها و لا لأ

..

بصراحة عمرها ما قصرت معايا في حاجة ما شاء الله يعني ..

**masterzmind** · 06-05-2012 02:10 AM

الف الف الف مبروووووووووووووووووك

**assaf** · 06-05-2012 02:42 AM

ربنا يبارك ليك فيها . العربيه دي ممتازه و عمليه جدا وتستاهل فلوسها

**fady_anis** · 06-05-2012 09:50 AM

عند حضرتك حق فى كلامك

العربيه دى بالرغم انها موديل قديم لكن فعلاً عربيه تستاهل كل جنيه يدفع فيها متانه آداء قوة محرك عفشه محترمه وده عن تجربه كمان بالنسبه لى هي بقالها 4 سنين معايا عمرها ما كسفتنى

**Land_Cruiser** · 06-05-2012 10:02 AM

و حكايه قديمه دى خللت اى مشكله فيها معروفه و حلولها كمان معروفه ده من ناحيه و كمان التوكيل ممتاز من ناحيه تانيه

**night_whisper** · 06-05-2012 11:18 AM

الف مبروك العربية
ربنا يبارك لك فيها و يكفيك شرها
ما شاء الله الصنى صفقة رابحه
أفضل قيمة مقابل السعر

**SonaSteel** · 06-05-2012 01:03 PM

ماشاء الله
ربنا يبسطك بيها ويباركلك فيها ويرزقك خيرها ويكفيك شرها يارب

المشاركة الأصلية كتبت بواسطة mody3on

ياباني تقفيل مصري , على كده بقى الفيرنا كوري واللانوس كوري واللوجان فرنسي :)
بس بصراحة متلاقيش عربية في حدود 105 الف وفيها abs-ebd-airbags عشان كده بحترمها

لا فيه ......... الجين تو والبيرسونا وفيها اكتر من كده كمان
مثبت سرعه وتابلوه رياضي واشيك من الصني ........ بس التوكيل وقطع الغيار اللي بوظوها
غير كده كان ممكن تعمل شغل احلي من الصني
الصني ميزتها التوكيل وماشاء الله حمالة اسية ... تدب فيها متقولش لأ
ربنا يبارك للناس كلها فيها والله المستعان :))

**FBIAhmed** · 06-05-2012 02:54 PM

هي فعلا .... ملهاش حل

**Ahmed.TV** · 06-05-2012 03:48 PM

الصنى عربية اعتمادية من الدرجة الاولى .. ومعمرة وتتحمل الدب والهبد بصراحة .. ومفيش مقارنة بينها وبين حتى الماليزى فى الجين تو والببيرسونا .. حتى لو فيهم امكانيات كتير .. انا شايف بس فى البيرسونا والجين تو قوة ماتور .. لكن المشكلة الاساسية اللى فيها .. التوكيل وخدمة ما بعد البيع .. والتقفيل زيها زى الصنى انت وحظك .. والاهم بقا الخامات .. لان خامات الصالون فيها مش قد كدا .. او يمكن هى العادى فيها .. فى بلدها .. لكن هنا فى مصر صعب .. صعب ابقا دافع ملبغ اكتر من 90 الف .. والاقى العلامات والكتابة فى اللى فى الطابوه والفتيس بتتمحى .. وتروح .. غير ان طبعا زى ما قولت خدمة ما بعد البيع مش بالمستوى الجيد

لكن فى نيسان .. خدمة ما بعد البيع مستواها جيد جدا .. ومنتشرة ايضا .. وقطع غيارها متوافرة وفى منها الاصلى والبديل .. وغير كدا ماتور يابانى محترم ومعمر جدااااا

بصراحة عربية ممتازة جدا