فوانيس التيدا الرياضية

**tata12001** · 06-05-2012 06:16 PM

المشاركة الأصلية كتبت بواسطة Ahmed.TV

المحل اللى ورا زجاج الثلاثى اللى على ناصية الشارع اللى فيه تى بى اس .. انا روحت سالت عنده من سنة او اكتر قالى انه مش موجود وتابعنى .. وكل ما اروح اسال يقولى مفيش

اما شارع دمشق انا سالت فى كتير ومالقتش .. لو المحل اللى حضرتك قولت عنده وشوفتهم عنده واسعاره معقولى قولى فين فى دمشق عشان اروحله

واخيرا .. سمعت من المواقع اللى بره ان الفوانيس دى مش بتحتاج الى كتاوت .. لانها نفس واط الاصلى بالظبط
فمش عارف كدا الكلام صح ولالا .. ولو حضرتك بتقول يتركب كتاوت .. ممكن اعرف ليه .. هل شوفتهم ولقيت الواط بتعهم عالى .. ولا ايه .. عشان نعرف

تحياتى ليك

المحل إلي في شارع دمشق اسمه (high line ) ده بعد ما تعدي التقاطع الكبير إلي على ناصيته مكتبة ابراهيم ، هتلاقي على يمينك قهوة وجانبها ممر ، هو جوه ، ودي نمرة واحد اسمو مصطفى شغل هناك 01110028858 .

بالنسبة للكتاوت فدي علشان الفنوس الأصلي لمبة H4 يعني لمبة وحدة للعالي والواطي ، وعلشان تشغل العالي لزم الواطي هيفصل ، فبتحط كتاوت وبتعمل ضفيرة كهربة صغيرة كدة لها علشان لما تفتح العالي ، النور الواطي برده يشتغل ميفصلش ، علشان لو معملتهاش لما تفتح العالي الواطي هيفصل

**Omar_4ever** · 06-05-2012 07:37 PM

المشاركة الأصلية كتبت بواسطة ahmazong

أيوه يا سيييييدي هتبقى جمدة

احنا جامدين اوي d:

**Omar_4ever** · 06-05-2012 07:40 PM

المشاركة الأصلية كتبت بواسطة ahmed.tv

دول انا لفيت عليهم مصر .. وبسبب ان التيدا حاجتها قليلة .. نادرا ما حتلقيهم
مرة لقيتهم فى محلين فى الحرفين .. وواحد قالى ب1650 ومحل تانى قالى ب1800 وخلصوا
وعشان يجيبوا تانى .. اصبر بقا وتابع معاهم .. فضلت اتابع سنة ومفيش

اخر مرة لما روح جو اكسسورز لما كنا بنجيب فانوس معدل لحسين جمال .. سالت بالمرة على فوانيس التيدا .. وفوجئت انه صاحب المحل قالى عندى .. قولتله فين .. قالى مش موجودين هنا بس حجبهوملك .. وقالى فى الاسود من الداخل وفيه السلفر .. والسعر ب2200 جنيه .. وقولتله فى كلام تانى .. قالى انوى .. وبصراحة كنت مزنوق ومش تابعت معاه .. بس ممكن يخلصوا على 2000 بالكتير على ما اظن

بس بتخلى العربية شكلها رائع بصراحة .. وعبارة عن عدسة ورينج .. ولما بيتركب عليهم زينون بيكونوا رائعيين

ولو كدا شوف ونقوله عاوزين ناخد اتنين .. وممكن نخليه يعمل خصم محترم

على فكرة الفوانيس دى شرائها من بره مصر حيتكلف .. سعر الفوانيس بتبدى بالمصرى فى حدود من 1800 وانت طالع لغاية 3000 جنيه كمان .. وكل ده لسه كمان ومحولتش فلوس .. لان لو حتحول فلوس بيكون فى عمولة تحويل اموال .. او لو اتفقت مع اى شركة تجبهولك بياخدوا كمان فلوس ..

فا اللافضل لو يتجاب من مصر فى حالة وجوده

فشوف لو كدا .. حضرتك معاك رقمى .. كلمنى ونظبط مع بعض نروح نكبس عليه فى مرة ونشوف حيوفرلنا الفوانيس لينا بكام

تحياتى

ازيك يا احمد باشا
معلش موبايلي كان اتفرمط واتمسح من عليه كل الأرقام
انا مش عارف ليه التيدا حاجتها ما متوافرة كده، عموما انا هفضل ورا الموضوع ده واول ما اوصل لحاجة هقولك وفي فكرة كده في دماغي بفكر اعملها

**Ahmed.TV** · 07-05-2012 06:07 PM

انا اتصلت بيه وقالى انه خلص .. ومش جبنا منه تانى .. وكان تمنه من 1400 الى 1500 .. قولتله هات اتنين
لان قالى انا جبت 3 منهم واتباع بالعافية لانهم مش مطلوبين .. فعشان كدا قولتله عايز اتنين وقتى واحد ليه وواحد لعمر
لان السعر ده لقطة لو عرف يجيب زيه تانى بنفس السعر والمواصفات
وحتى لو وصل الى 1600 او 1700 حيكون كويس

فقالى حسال صاحب المحل يوم الثلاثاء بكرة

ويارب ينفع