السلام عليكم
كالعاده الصيف دخل وعاوز اشترى تكييف
هل فى حاجه جديده السنه ديه ؟؟؟ انا بقارن بين شارب - كارير - ال جى
حد ركب تكييف الصيف ده يقولنا اخباره ايه ؟؟
الف شكر
عرض للطباعة
السلام عليكم
كالعاده الصيف دخل وعاوز اشترى تكييف
هل فى حاجه جديده السنه ديه ؟؟؟ انا بقارن بين شارب - كارير - ال جى
حد ركب تكييف الصيف ده يقولنا اخباره ايه ؟؟
الف شكر
بالترتيب من الاحسن
١- توشيبا
٢- شارب
٣- كاريير
شارب
كاريير
ال جي
زي مانت كاتب بالترتيب
شارب فيه فئات كتير جدا...
فيه ستاندارد وده عادي خالص
فيه بريميام وده بيبقى بلازما (توجيه الريش لفوق وتحت فقط)
فيه بريميام بلاس وده بلازما وله شاشة (توجيه ريش لفوق وتحت + شمال ويمين)
انا عندي واحد 3 حصان بارد ساخن بريميام بلاس ونصيحة أخوية هاته بارد ساخن مش هتفرق في 300 جنيه لأنه نعمة عرفت قيمتها الشتا اللي فات
دي صورة لقايمة الاسعار من موقع الشركة وأي استفسار انا في الخدمة لأني الصراحة اتهرست من الفتاوي بتاع مكاتب التكييف وجمعت داتا حلوة عن الشارب
https://fbcdn-sphotos-a.akamaihd.net...58900575_n.jpg
متابع
شارب طبعا -- وبالتوفيق :36_2_55[1]:
شارب أو ما تجيبش
انا عندي بالبيت كارير ومبسوط منه جدا وعندي بالمكتب شارب ويعتبر الشارب شغال اكثر من الكارير عندي وهو بيتحمل شغل جامد على ما سمعت من اللي جم ركبوه انه بيتحمل عن الكارير بس الاتنين شغالين بكفائه الحمد لله
ال جي كويس سعودي بس الكمبريسور كوري
الشارب للاسف الكومبريسور بقا صيني
sharp
Samsung رائع عن تجربه
حاجه غريبه موضوع الكباس الصينى ده فى الشارب
كده حفكر فى ال جى
كاااااااريير ! ودااااخل على 7 سنوات وحمدلله مقلش لأ ..
شارب الافضل
عن تجربة الكاريير القديم كان ممتاز الكاريير الموجود دلوقتى مش قد كده خالص بس اللى عايز يجيب شارب يلحق يجيب لانه اكيد هيقل فى السوق بعد حريق مصنع التكييفات والثلاجات اللى فى قويسنا
لا اعتقد ان شارب تغير الكباسات لأن كل الشركات بتركب كباس توشيبا وهو بيمتاز بالهدوء الشديد والأهم انه مش بيسحب كهربا
كاريير لا خلاف عليه حمار شغل بس دوشجي شوية ونسبيا سحب الكهربا اعلى
بخصوص ال جي وسامسونج
انا كان معايا ال جي وكان مكيف كاسيت 4 حصان
كان ممتاز بس عاوز نضافه مستمرة عشان مروحته بتصوصو... بس هل ده اللي بييجي مصر وللا لأ
طب معلش سؤال
انا عاوز اجيب تكييف محمول اللي هو بيشتغل على الفيش العادية
الاقيه فين؟ وايه افضل ماركة؟
انا راكب عندى سامسونج وكارير الكفائة واحدة مفيش فرق الفرق الوحيد لصالح السامسونج التوكيل
لان وكيل كارير شمس وده اسوء توكيل ممكن تقبله
نصيحة هات التكيف الى انت عايزه بس ميكونش توكيله شمس لان لقدر الله حصل فى مشكلة وهو فى الضمان هيخلوك تولع فى التكيف
التكييف المحمول ابو فيشة كانت باور اللى نزلاها بس بصراحها شركة يغور منهم اى جهاز
أنا عندي تكييف فريش سمارت الصراحه الجهاز تبريده ممتاز بس عيبه الوحيد ان صوت المروحه بتاعته مسموع مش زي الشارب ملوش صوت
فريش سمارت من تصنيع شركة gree اكبر مصنع تكييفات في العالم بينتج تلت انتاج العالم من التكييفات وهي شركة صينيه
انا سألت على التكييف المحمول لاقيت سعره رفع جدا
1.75 حصان ب 4600 وفيه شركة عاملة عليه خصم 800 جنيه وبتبيعه ب 3800
الكباس باناسونيك صيني
هل السعر ده كويس؟
احنا جبنا شارب السنه اللي فاتت بناء على سمعته
و ماشاء شاء الله كويس جداااااا جدااااااااااا
احنا مجربناش غيره على فكره
يا جماعة انا اتصلت بشركة باور
التكييف الاسبليت 1.6 حصان سخن / بارد ضمان 5 سنين مجانا - كباس امريكي بسعر 3000 جنيه
كدة يبقى افضل من شارب ولا اشتري شارب افضل؟
أنا لازلت انصحك بشارب لأن كفاءته عاليه واهدى جدددددددددددددددا بالمقارنة بباور غير ان صيانته في كل مكان وعندك المشاركة 24 بيقول يغور من باور اي جهاز
الف شكر يا باشمهندس. انا بصراحة عندي باور بقاله حوالي 5 سنين وشغال ما شاء الله.
بس لما جه المهندس الفني امبارح بتاع باور علشان المعاينة قعد يعيب في شارب ويقولي الكباس بتاعهم كوري وتعبان واحنا الكباس بتاعنا امريكي وهم لو ركبوه الجهاز بتاعهم هيوصل 5000 جنيه. وكلام كدة كتير لم اقتنع بيه تماما.
واثناء المعاينة قاللي انهم بيصرفو فقط 3 متر مواسير ولو عاوز اكتر يبقى المتر ب 150 جنيه.
انا حسبت سعر التكييف الباور مع اضافة المواسير لاقيت ان سعره هيعدي الشارب بكتير. فا كدة يبقى اجرب الشارب افضل
المهندس كمان قاللي ان باور بتدي ضمان 5 سنين مجانا وشارب بتدي سنة واحدة وده طلع مش صحيح لأن شارب بتدي ضمان 5 سنين شامل قطع الغيار والصيانة الدورية
والله انا لسة مركب مكيفات فى الشقة عندى فى مصر والحقيقة انا عملت دراسة ميدانية عملية قبل الشراء على ارض الواقع لانه الجيران عندى فى البيت مركبين من انواع مختلفة ومساحة الشقق واحدة وتوصلت لعدة حقائق
شارب ممتاز وهادئ بس قوة تبريدة اقل من نفس القوة فى كارير ولذلك الغرفة 15 متر تحتاج لشارب 2.25 حصان بينما ممكن كارير يغطى المساحة نفسها ب 1.5 حصان
ضمان شارب طبعا ممتاز مع العربى
المكيفات من 3 حصان وطالع العربى شارب موش بيجمعها فى مصر وانما مستوردة من الصين
كارير اقوى مكيف فى التبريد على الاطلاق والضمان 5 سنين على الكمبريسور وسنة على الباقى
كارير الجديد الحائطى موديل 2011 فيه كل الامكانيات من شاشة ديجيتال لبلازما لتنقية الهواء ايونايزر وهادئ جدا
اليونيون اير الموديلات الجديدة موش بطالة لكن من سنتين كان سئ جدا جدا وفى المجمل هو اضعف واسوء تكييف والميزة الوحيدة انه رخيص شوية
الريش فى شارب بتعمل صوت بعد فترة مع الحركة المستمرة
فى النهاية استخرت ربنا واشتريت كارير حائطى لغرف النوم وارضى للصالة والمدام بتشكر فيه جدا وماشاء الله تلاجة
تقبل تحياتى
انا عندى شارب 2.25 حصان بارد بريموم بلس الجديد
وبقاله سنه وكويس معايا
واستهلاك كهرباء قليل
الأستاذ اللى مركب تكييف كاريير ارضى يا ترى ايه اخباره انا عاوز اشترى واحد 4 او 5 حصان علشاتن الريسبشن عندى
يا ترى الصوت عامل ايه و ؟؟ و بكام
هو ده النوع الهارمونى ؟؟
تقدر حضرتك تقوللى العرض بتاع الجهاز كام بألظبط علشان عاوز اركب واحد
عندى غرفه نوم مساحتها حوالى 16 متر والشمس ضاربه فيها طول النهار
راكب فيها يونيون اير 1.5 حصان سبليت وفى عز الحر مش بينزل الحراره عن 26
وعندى غرفه تانيه مساحتها اصغر شويه والشمس مش ضاربه فيها فعاوز انقل ال
يونيون اير فيها واشترى واحد جديد للاوضه ال 16 متر
السؤال بقى هل اجيب 1.5 حصان تانى (عشان يمكن يونيون اير ضعيف شويه) ولا
عامل الشمس ده لازم معاه 2.25 حصان ؟؟ الف شكر
أنا كمان عايز تكيف 1.5 حصان في اوضه 16 متر كان راكب قبله كارير 2.25 حصان ،سألت الراجل اللي بتعامل معاه في الصيانة قالي ان احسن ماركات هما شارب-توشيبا-lg
وقال ان كارير مبقتش كويسة زي زمان ،أنا عندي كارير قديم بسم الله ما شاء الله عمري ما عملتله حاجة غير تنضيف الفلاتر او تغييرها بس صوته عالي ومفيهوش اي تكنولوجيا لتنقية الهواء
انا مركب lg من 3 شهور وانا شايف انه كويس وفية امكانيات كتيرة واللى اشتريت منه قالى انه احسن من الشارب وكان عنده شارب بس قالى حد lg احسن
انا اسمع من زمان ان تكييف ترين اكتر من ممتاز