عرض للطباعة
أعزائى الزملاء
بخصوص مشكلة المقصات فى النوبيرا انا غيرت الجلب وبعد شهرين الجلب باظت تانى قلت اشترى مقصات وخلاص
اشتريت مقصين والدنيا بقت تمام وبعد 6 شهور حسيت ان العفشة مش مظبوطة كشفت تانى على المقصات لقيت الجلب وسعت تانى
واضح ان المشكلة فى مقصات النوبيرا نفسها لأن الجلب عبارة عن جلد فأكيد مع حجم العربية لازم توسع فهل ياترى فيه حل بديل
أرجو المساعده لأنى بجد زهقت من المقصات دى ومش عارف اعمل ايه
فين الشباب الهمام
انا مستنى ردودكم يااخوانى
واضح ان الشباب حظر التجوال مأثر عليهم
ماحدش مهتم ليه ياشباب أنا بجد كده هازعل
النوبيرا ديما فيها عيب المقصات ومتغيرش جلب لانها هاترجع تبوظ تاني
من الاخر اشتري المقصات الاسباني وريح نفسك وانسي القصه ديه خالص
انا مركبها عندي من اكتر من سنه والحمدلله زي الفل سعرهم تقريبا 450 جنيه
طب دول أجيبهم منين وأقول له انا عايز ايه بالظبط يعنى اقول له انا عايز مقصات اسبانى وخلاص هو هايفهم؟
من ابو الحسن شارع المرور بين السرايات امام باب كليه تجارة جامعه القاهرة
اول لما تدخل شارع المرور 400 متر تقريبا وهتلاقيه علي شمالك قوله عايز مقصات النوبيرا الاسباني هى معروفه مش تقلق
شكرا ياأستاذ كيمو على اهتمامك
اقتباس:
المشاركة الأصلية كتبت بواسطة hangour
لا شكر علي واجب تحت امرك في وقت
معلش يا أستاذ كيمو المقصات دول جداد ولا استيراد؟
لا جداد مش استيراد ابو الحسن معندوش استيراد
طيب ممكن ياشباب حد يتكرم لو فيه صور للمقصات الأسبانى يبعتهالى علشان مايتضحكش على
ماتقلقش ابوالحسن او المنير حاجتهم مضمونة وعلى فكرة هما بيجوا فى كيس بلاستيك ومش مكتوب عليهم حاجة بس هما معروفين انهم اسبانى انا جبتهم من شهر من المنير اللى فى اول شارع فيصل 440 جوند وركبتهم والحمد لله تمام بجيب بالعربية 140 و 150 من غير عومان
شوف اللينك دهاقتباس:
المشاركة الأصلية كتبت بواسطة hangour
http://www.nilemotors.net/Nile/217101-a.html