يا جماعه انا نويت اجيب كيا ريو 2012 من عند سمير ريان الفئه اللي هي ب 125 الف هي تقريبا خليجي و ديه اول مره اجيب خليحي فكنت عاوز اعرف ايه نظاموا و صيانة بتتعمل فين و تنصحوني بيه و لا ايه ؟؟؟؟؟ و شكراا
عرض للطباعة
يا جماعه انا نويت اجيب كيا ريو 2012 من عند سمير ريان الفئه اللي هي ب 125 الف هي تقريبا خليجي و ديه اول مره اجيب خليحي فكنت عاوز اعرف ايه نظاموا و صيانة بتتعمل فين و تنصحوني بيه و لا ايه ؟؟؟؟؟ و شكراا
انصحك تجيب توكيل افضل من الخليجى
الخليجى بيبقى أنضف من التوكيل من حيث الحراره و التكيف و بتجبلها ضمان من شركه aaa و بتعمل الصيانه عادى فى الوكيل...
بس لو الاتنين سعر واحد..... هات الوكيل و خلاص
ما التوكيل مافيهوش الفئه ديه :(
يبقى تصلى استخاره و تروح تجيب الخليجى :)
نفس مشكلتى بالظبط بالملى و انا طبعا مش حجيب خليجى واوجع دماغى
بقى فى واحد يجيب زيرو من غير ضمان ازاااااااااى !!!
وحتى لو بشترى ضمان لية يعنى وجع الدماغ مش كفاية السعر بتاعها
والوكيل بينزل فئة بـ 115000 جنية من غير abs ebd airbags والجنط 15 مش 17 العدادات مختلفة عن صور موقع كيا خااااااااالص التكييف شكلة وحش ومش تاتش يعنى شبة الـ 128 لو كنت شوفتها هههههههههه بس الشكل من برة هو هو
والواحد ميدفعش دا كلة علشان شكل العربية هى اة شكلها جامد جدا بس المهم الامان اللى فيها يعنى الوكيل بيضحك علينا بطارة مالتى وبلوتوث وشكل من برة ودة مش كفاية
ومتقوليش هات الاكسنت rb علشان مش بحبها وكمان منتشرة جدا ومش شايف انها شبابية لو عاوز اركب الالنترا وزود شوية صغيرين على تمن الاكسنت
اما الحل اللى فى ايدى دلوقت انى اجيب الجين 2 واوفر على نفسى فلوس كمان على الرغم من ان بعض الناس بتشتكى من تقفيلها وقطع الغيار والوكيل وفية ناس لأ ... واللة الواحد محتار جدا ولسة بردة ماستقرش على حاجة !!
انا بصراحه الفلوس مش مشكله معايا اهم حاجه العربيه تكون عاجباني :) انا الريو من جمالها بنام احلم بيها :) و بصراحه التوكيل بيستهبل فهيا متتركبش غير خليجي بس المشكله ان انا خايف من الخليجي فياريت اللي عندو خليجي يفهمنا ايه الحواررر :)
نفس المشكلة كانت عندي بس بصراحة توكلت على الله و أخدت الوكيل لأني مش مستعد ادوخ بيها كل شوية عند مراكز الصيانة دة غير ان في مهندس ميكانيكا قاللي ان الخليجي بيكون مش مؤهل للمشي في الطرق بتاعتنا.
بصراحه انا احترت مع العربيه ديه قوي ي ي
انا كنت بفكر فالخليجي عشان التكييف التاتش والعدادات والجنط ال17 بس رحت اتفرجت عليها لقيت التكييف بكر عادي والعداد هو هو والجنط ال15 افضل لظروف بلدنا, اتكل عل الله وهات الوكيل... مش مستهلة المخاطرة
يعنى كلامى طلع صح واللة الكيا ريو اللى فى مصر مختلفة عن اللى شوفتها فى الصور
وبالنسبة للوكيل حتدفع 115000 علشان شكل العربية من برة وبلوتوث يعنى الوكيل بيضحك علينا هنا
من غير abs ebd airbags تكييف تاتش فرش جلد العدادات مختلفة عن الصور التابلوة متغير
حرام تدفع دة كلة فى العربية دى
انا كنت الاول حموت واجيبها بس خلاص صرفت نظرى
مبروك عليك.... بس خد انهى فئه من التوكيل و سعرها و مواصفتها لو سمحت
انا دوخت قوى فى الحوار دة
انا لسه مشترتش :)
والله غريب ازاي والـ Ex Highline موجود فيها ABS و EBD وحجزتها من التوكيل ؟ شوفوا الرابط ده التوكيل فتحه لي وقال لي هي دي الهاي لاين اللي هتوصلك : Specifications : Kia Rio, a talented compact: Models l KIA Motors
قال اذا لاقيت فيها اي حاجة مش زي ما مكتوبة هاتها لي تاني
العربية هتوصلني خلال اسبوعين او ثلاث اسابيع بالكثير
انا عن نفسي موضوع السحب والـ1400 CC مش هاممني لان اولاً شوارعنا في مصر مش اللي تديك فرصة تسحب بالعربية لو جديده او قديمة فيبقي التوفير افضل في البنزين وده رأيي الشخصي ان الكيا ريو 2012 افضل من الاكسنت RB بكتير لان مفيهاش EBD وانت بتشتري عربية في 2012 ازاي مش هيكون فيها ABS و EBD ؟
ده رأيي الشخصي
انا احترت زياده و اخرتها بقي :s
هو التوكيل قالك المواصفات اللي في اللينك هي ديه اللي هتستلمها طب سعره كام ؟
اة ما هو اتقالى انى ممكن احجز الهاى لاين وكيل واستلم بعد 3 شهور بـ 128000 جنية
بس بردة الشكل بتاع العربية من جوة مش حيبقى زى الصور اللى فى الموقع
عموما قولى انت حجزتها فين وبكام ولو فعلا طلعت من جوة زى الصور بتاعت الموقع حجبها
ودى صورة الصالون من الموقع: Interior : Gallery : Kia Rio, a talented compact: Models l KIA Motors
طيب اذا نازل فى العربيه abs لازم يكون موجود فيها ebd ولا لأ ؟؟؟؟؟؟؟
الهاي لاين موجوده وكيل وفيها ABS , Ebd والهاتشباك سعرها 127000 والسيدان سعرها 124000 ولو عايزها اجيبهالك
Ex Highline بـ122.000
الاسعار دي حجز واستلام بعد شهرين انما السعر اللي انا بكلمك فيه ده سعر الاستلام الفوري
الكلام اللي اتقال لي يا استاذ مصطفي ان الخليجي من غير ebd يعني فيها abs بس من غير ebd وان التكيف فيها افضل وهي نفسها بتتحمل السخونة
انما المصري من التوكيل فيها abs و ebd بالاضافة طبعاً الي 2 ايرباج وتقدر تسأل اي واحد مشتري الخليجي هيقول لك عندي abs بس معنديش ebd انما التوكيل abs و ebd
مالو الخليجي يعني مهو لما بتعمل ضمان مع شركات اللي بتضمن الخليجي بيبقي زي التوكيل بل الخليجي مواصفاته افضل ..
الخليجي ملوش ضمان لا تريبل ايه ولا الكلام ده ولو عندك حاله واحده جابت فتيس وتريبل ايه اداها تعويض ياريت تقول عليها عشان الفائده تعم
شوف انا لايمكن اشترى خليجي علشان معنديش استعداد ببساطة اخد عربية على الزيرو موديل 2012 من غير ضمان ودافع فيها الشئ الفلاني دا يبقى حرام لو حد اشترى عربية خليجي وبعد كده اذا حصلت ليها حاجة تعمل فيها ايه ؟ توديها عن اي واحد عادي والله يسرق لك قلبها
انما التوكيل حصل فيها حاجة اروح ارميها لهم وهم يتصرفوا معاها
انا مبقتش عارف حاجه خالص ... :s
يا جماعه الخليجى مش وحش قوى كده..... الخليجى موجود فى مصر من زمان و سمعته حلوه يعنى.... زغير كده ما انا ايه الى مودينى للخليجى! ماهو جنان الوكيل بأسعاره
والصراحه انا مسمعتش مشاكل من aaa الله اعلم
فا النهايه انا شايف ان فرق السعر كبير الصراحه. فا انا بالنسبالى الخليجى افضل فى كل حاجه
بس كان فيه اكتر من عضو هنا حصل معاهم مشاكل فى aaa وفى مراكز الخدمه بتاعتهم وهتلاقى المواضيع موجوده
انا راى اشترى ضمان من aman al sharq دى محدش سمع منهم اى مشكله ابدا وكانوا عاملين اعلان فى المنتدى واستاذ كريم عرفهم كويس
قول لي ايه الكماليات اللي زيادة في الخليجي عن الهاي لاين في الرابط ده : Specifications : Kia Rio, a talented compact: Models l KIA Motors
التابلوه بتاعها ٢ لون بني مع اسود ، تشغيل بدون مفتاح (بصمه) ، درج تبريد ، سنسر خلفي ، بلوتوث ، طاره فل ملتي فنكشنز .
كمان بيجي معاها ٢ airbag و ABS و EBD
خللى بالك حضرتك علشان شويه كماليات بعضها ينفع يتركب هتغامر بتمن العربيه كله لو حصلك حاجه لاقدر الله فى الموتور او الفتيس هتقع تحت رحمه الشركات اللى بتبيع ضمان و انت و حظك بقى و بعدين عمر الشركات دى ما هتبقى فى حجم الوكيل يعنى وارد انها تتعثر و لا تقفل حتى و ساعتها الضمان مش هيبقى ليه اى لازمه. و نقطه تانيه ده حتى فى اغلب التوكيلات بتطلع عين الناس علشان ترضى تغيرهلم حاجه بايظه نتيجه عيب صناعه و ده التوكيل بجلاله قدره فما بالك بشركه تانيه ؟ ده غير بقى ان لو تصليح التوكيل ما عجبكش تقدر ترفع عليه قضيه او تبلغ حقوق المستهلك يتصرفوا معاه لكن فى حاله الخليجى هتعمل ايه؟ هتقدر تكلم الشركه الام تشتكيلها من الوكيل التعبان؟ لا طبعا و لو كانت الشركه الام محترمه جداً هتقولك هاتلى ضمان العربيه من البلد اللى كانت متصدره منها و ده هيدخلك فى متاهات تانيه هى كانت جايه من اى بلد و حوارات ملهاش لازمه. طبعا مش كل العربيات الخليجى بيحصل فيها مشاكل لكن نسبه الخطأ وارده طبعا و بتحصل مع اغلى الماركات و علشان كده الامر فى الاخر يرجعلك هل انت على استعداد للمخاطرة فى مقابل كماليات زياده و لا لأ و حسب النتيجه تقدر تختار الوكيل و لا الخليجى و بالتوفيق