سلام عليكم
نسخة من مفاتيح العربية اتسرقت يا جماعة ومش عارف اعمل ايه
العربية كيا ريو 2012 (مفتاح بريموت)
دلوقتي انا ماشي بالنسخة التانية
يا ترى في اي طريقة تلغي النسخة الي اتسرقت
يا ريت تفيدوني ضروري
قلقان علشان ممكن الي اخدها يكون ناوي يسرقها.
عرض للطباعة
سلام عليكم
نسخة من مفاتيح العربية اتسرقت يا جماعة ومش عارف اعمل ايه
العربية كيا ريو 2012 (مفتاح بريموت)
دلوقتي انا ماشي بالنسخة التانية
يا ترى في اي طريقة تلغي النسخة الي اتسرقت
يا ريت تفيدوني ضروري
قلقان علشان ممكن الي اخدها يكون ناوي يسرقها.
روح على التوكيل فورا و خلليهم يغيرولك الكوالين و مهما اتكلفت اكيد هيبقى ارخص من ان العربيه لاقدر الله تتسرق بمفتاحها الاصلى. اللى اتسرقت نسخه من اللى معاك بالضبط ازاى هيلغيها يعنى؟ اكيد ما ينفعش طبعا
اه يقدر طبعا. انا ما خدتش بالى ان المفتاح فيه الريموت بتاع الانذار كمان يعنى هو كده معاه كل حاجه و علشان كده ياريت تغير الانذار كمان و ده احسن حل او على الاقل تفصله من العربيه علشان ما يفتحش الابواب بس حلول تتصرف بسرعه لان انت مش ضامن هي حاول يسرقها امتى و حاول تركنها قدام البواب و لا حاجه و تنبه عليه يخللى باله او تركنها فى مكان مختلف علشان ما يعرفش يلاقيها بسهوله
غيرهم
وان شاء الله خير
وربنا يستر عليها
و هاتلك عصاية دريكسيون اقفل بيها العربية زيادة في الاحتياط
روح على التوكيل ابو رواش او السبع او القطاميه .و قولهم و هما هيعملوا الازم .
هيغيرو كوالين و شفرات المفاتيح.
و هيدوك نسخه جديده احتياطى .
و خليهم يركبولك انزار و فيه زرار فصل طرمبة البنزين كمان .او تركب بعد التوكيل ما يفير الكوالين و الشفرات و المفاتيح .تركب انزار تتبع زى اللى بيعملوا عنه اعلانات فى المنتدى
غير الكوالين وجهاز الانزار
روح للتوكيل خاليهم يغيرولك نردد الانذار ( المستقبل ) و تردد المرسل ( الريموت ) عن طريق برمجه الشيبايه اللى فى الانذار . و ركب عصايه الدركسيون و عصايه الدبرياج كمان و لو فى جراج لحد ماتسأل و تروح
و السلام عليكم . سبحان الله و بحمده سبحان الله العظيم
بص يا باشا لو المفتاح مشفر غير الانذار و اعمل الانذار الجديد على المكنه يعنى العربيه ما تدورش الا لو فتحت دايره العربيه بمفتاح الانذار الجديد
وبالتالى لو الى سرق المفتاح وصل للعربيه هيفتح الباب اه بس العربيه هتقعد تزمر و عمرها ما هتدور بمفتاح العربيه الى معاه حتى الا لما تفك الدايره بريموت الانذار الجديد
ولو المفتاح غير مشفر تغير الانذار برضه وممكن تغير الكوالين
مشكله المفتاح المشفر انه مش هتعرف تغير الكوالين وخصوصا كالون المكنه عشان تغير الشفره وكده هتتكلف جامد جداا