مفتاح العربية اتسرق

**noureymo** · 07-05-2012 10:10 AM

سلام عليكم
نسخة من مفاتيح العربية اتسرقت يا جماعة ومش عارف اعمل ايه
العربية كيا ريو 2012 (مفتاح بريموت)
دلوقتي انا ماشي بالنسخة التانية
يا ترى في اي طريقة تلغي النسخة الي اتسرقت
يا ريت تفيدوني ضروري
قلقان علشان ممكن الي اخدها يكون ناوي يسرقها.

**Land_Cruiser** · 07-05-2012 10:51 AM

روح على التوكيل فورا و خلليهم يغيرولك الكوالين و مهما اتكلفت اكيد هيبقى ارخص من ان العربيه لاقدر الله تتسرق بمفتاحها الاصلى. اللى اتسرقت نسخه من اللى معاك بالضبط ازاى هيلغيها يعنى؟ اكيد ما ينفعش طبعا

**noureymo** · 07-05-2012 12:17 PM

المشاركة الأصلية كتبت بواسطة land_cruiser

روح على التوكيل فورا و خلليهم يغيرولك الكوالين و مهما اتكلفت اكيد هيبقى ارخص من ان العربيه لاقدر الله تتسرق بمفتاحها الاصلى. اللى اتسرقت نسخه من اللى معاك بالضبط ازاى هيلغيها يعنى؟ اكيد ما ينفعش طبعا

شكرا لاهتمام حضرتك بالرد
لكن السؤال دلوقتي
لو غيرت الكوالين هل الي سرق المفتاح ممكن يفتح بالريموت ولا ايه؟

**Land_Cruiser** · 07-05-2012 03:29 PM

اه يقدر طبعا. انا ما خدتش بالى ان المفتاح فيه الريموت بتاع الانذار كمان يعنى هو كده معاه كل حاجه و علشان كده ياريت تغير الانذار كمان و ده احسن حل او على الاقل تفصله من العربيه علشان ما يفتحش الابواب بس حلول تتصرف بسرعه لان انت مش ضامن هي حاول يسرقها امتى و حاول تركنها قدام البواب و لا حاجه و تنبه عليه يخللى باله او تركنها فى مكان مختلف علشان ما يعرفش يلاقيها بسهوله

**S O P H O S** · 07-05-2012 03:56 PM

غيرهم
وان شاء الله خير
وربنا يستر عليها

**sanhory** · 07-05-2012 04:17 PM

و هاتلك عصاية دريكسيون اقفل بيها العربية زيادة في الاحتياط

**moha4tec** · 07-05-2012 04:44 PM

روح على التوكيل ابو رواش او السبع او القطاميه .و قولهم و هما هيعملوا الازم .
هيغيرو كوالين و شفرات المفاتيح.
و هيدوك نسخه جديده احتياطى .
و خليهم يركبولك انزار و فيه زرار فصل طرمبة البنزين كمان .او تركب بعد التوكيل ما يفير الكوالين و الشفرات و المفاتيح .تركب انزار تتبع زى اللى بيعملوا عنه اعلانات فى المنتدى

**memofree** · 07-05-2012 05:06 PM

روح للتوكيل خاليهم يغيرولك نردد الانذار ( المستقبل ) و تردد المرسل ( الريموت ) عن طريق برمجه الشيبايه اللى فى الانذار . و ركب عصايه الدركسيون و عصايه الدبرياج كمان و لو فى جراج لحد ماتسأل و تروح
و السلام عليكم . سبحان الله و بحمده سبحان الله العظيم

**Medicalist** · 07-05-2012 05:11 PM

بص يا باشا لو المفتاح مشفر غير الانذار و اعمل الانذار الجديد على المكنه يعنى العربيه ما تدورش الا لو فتحت دايره العربيه بمفتاح الانذار الجديد
وبالتالى لو الى سرق المفتاح وصل للعربيه هيفتح الباب اه بس العربيه هتقعد تزمر و عمرها ما هتدور بمفتاح العربيه الى معاه حتى الا لما تفك الدايره بريموت الانذار الجديد
ولو المفتاح غير مشفر تغير الانذار برضه وممكن تغير الكوالين
مشكله المفتاح المشفر انه مش هتعرف تغير الكوالين وخصوصا كالون المكنه عشان تغير الشفره وكده هتتكلف جامد جداا