ماهو لو متشابهة يبقي مفيش داعي للمتوسطات
بس عموما انا فعلا هستني لحد اربع او خمس تفويلات واعمل المتوسط عشان تبقي الحسبة تمام
لحد دلوقتي تقدر تقول
300 + 270 = 570
20 + 20 = 40
570 كم / 40 لتر
بمعدل 14.25 كم / لتر
والله المستعان
،
،
عرض للطباعة
ماهو لو متشابهة يبقي مفيش داعي للمتوسطات
بس عموما انا فعلا هستني لحد اربع او خمس تفويلات واعمل المتوسط عشان تبقي الحسبة تمام
لحد دلوقتي تقدر تقول
300 + 270 = 570
20 + 20 = 40
570 كم / 40 لتر
بمعدل 14.25 كم / لتر
والله المستعان
،
،
معاك ولكن عايز نصيحة مني خليك دايما مع علامة معينة لمؤشر البنزين و ليكن مثلا علامة أول ربع في التانك دايما لما توصلها تعمل حسابك تفول التانك كاملا و الاحتياطي كمان لضمان استخدام اكبر كمية بنزين في كل مرة معايا
انا مثلا كنت دايما اول ما لمبة البنزين تنور افول التانك كاملا و الاحتياطي و هكذا عشان اضمن ان حساباتي صح و كل مرة بحط كمية بنزين مناسبة لعدد الكيلومتر اللي قطعته و هكذا عشان اضمن متابعه جيدة للعربية لأن بالنسبالي اي تغير في استهلاك البنزين معناه ان المحرك فيه مشكلة و يحتاج صيانة حتي لو انا مش حاسس بشيء ولكن ده مؤشر اني لازم افحص الدنيا و اشوف فيه ايه ممكن يكون محتاج اغير فلتر هواء و لا بوجيهات ولا عندي تسريب .... اي حاجه المهم اكون دائما متابع و عارف ايه بيحصل عشان احافظ علي عربيتي زي الفل و متقفش مني ابدا او علي الأقل اعمل اللي عليا و ربك المستعان
طولت عليك يا هندسة معلش
طولت فأيه بس يا باشا ؟
انت معاك حق
وانا بعمل كدة
انا الحمد لله العوامة عندي نوعا ما مظبوطة
فأول لما بتيجي علي النص بالظبط بعرف اني كدة استهلكت 20 لتر
أقوم قالب العداد علي الtrip واشوف انا مشيت كام كيلو
وبناء عليه بحسب استهلاكي
وانا بردو بعمل زيك
فكل مرة بفول فيها بحسب استهلاكي لأنها فعلا احسن مؤشر لكل حاجة
بس طبعا مش من اول مرة
ولكن بتنور عندي الضوء الأحمر للخطر وببدأ اركز معاها
وببطل حرق وجري وبمشي بما يرضي الله لحد لما أتأكد من وجود المشكلة وبعدها اتخذ اللازم
كنت زمان عامل شيت اكسيل بحسب بيه بس لقيته مرهق وعايزله حسابات كتير
واسهل الحلول امشي العربية خمسات (كل 5 الاف) لحد لما بس انظم دنيتي وهعمل شيت محترم وهنزله هنا في القسم
وبالفعل كنت عملت منه نسخة تجريبية وحطيته علي المنتدي العام بس ماكملتوش لحد دلوقتي
كان شيت والله جامد جدا جدا
بيحسب كل فتفوتة وسهل الأستخدام وينفع تعدل فيه وهيظبطلك الدنيا
بس كان ناقصه كام معادلة علي كام كود vba ويبقي زي الفل
تحياتي يا بشمهندس
وانا بقي بجد الي معلش اني طولت عليك
والله المستعان
،
،
اولا هو اسمه تانك أضافي وليس احتياطي
ودة سعته 10 لتر تقريبا
وبيتعبي عن طريق زرار صغير جوة الزور بتاع تانك البنزين علي اليمين
لما بتفول وتدوس علي الزرار هتسمع صوت البنزين وهو بيتسحب من الأساسي للأضافي
وبيعتبر اضافي لأن العربية بتسحب منه هو الأول وبعد كدة تسحب من الأساسي
بينفع في يومين زي اللي احنا فيهم دوول
تحياتي
والله المستعان
،
،
لا يا باشا
الزرار دة علي سوستة
لما هتدوس عليه وتسيبه هيقفل التانك تاني
ينفع بردو يسيب باب التانك مفتوح ؟؟!!
انت بتخلي العامل في المحطة يدوس عليه بطرف المسدس ويمون
هيفضل يملي معاه في التانك الأضافي وبس علي كدة
بس طبعا بعد ما تكون مفول التانك الأساسي
والله المستعان
،
،
السلام عليكم
معلش يا هندسه انا برخم عليك كتير
بس ده من عشمي فيك
سؤال بس انا جبت المنظف ده من البنزينه
http://img62.imageshack.us/img62/3752/m4712ee6.jpg
في اي مشكله في استخدامه وياترا النوع ده كويس ؟؟؟
مشكووووووووووووووور
وعليكم السلام ورحمة الله وبركاته
يا راجل !!؟؟
لا طبعا مفيش اي حاجة وحضرتك منور الموضوع بمشاركاتك
انا شايف المنظف دو مكتوب عليه منظف انجيكشن
لو هتستخدمه عشان تنظف بيه الرشاشات بالطريقة الي كنت عامل بيها موضوع يبقي تمام اوي اوي
اكيد هيبقي احسن من الأسبراي الي مكتوب عليه كربراتير
جبته بكام ومنين ؟؟؟
والله المستعان
،
،
معدل الأستهلاك
90 كم ب 6 لتر
بمعدل 15 كم / لتر
معلش كنت متوقف اسبوعين عن حساب الأستهلاك لظروف منعتني من الحساب
طب دلوقتي انا شوفتك بتقول في موضوع اخر انك جبت stp وحطيته علي التفويلة
اصبر شوية علي موضوع تنظيف الرشاشات بالمنظف الأسبراي
يعني امشي قد اسبوع ولا 10 ايام وبعدها ابقي اعمل موضوع النظافة بألأسبراي
غير دلوقتي فلتر هواء وبنزين ونظف بوابة
وخلي الأسبراي بعد 1000 كم ولا حاجة
وشوف ايه النتايج
ولو احتاجت لأي مساعدة راجع الموضوع تاني او اتصل بيا او استني لحد المقابلة ونعملها سوا كلنا واهو الباقي يستفيد بالتجربة
والله المستعان
،
،
تمام يا هندسه اغير فلتر الهواء والبنزين وامشي شويه وبعدين انظف الرشاشات
هو فلتر البنزين يعمل كام واجيبه منين؟؟
عشان اللي جبته قبل كده كان استيراد!؟
ان شاء الله علي المقابله اللي جايه اكون موجود وخلصت كل حاجه
بتوجهاتك وتوجهات المهندس ايهاب
الله المستعان
والف شكر علي تعبك معي
:Bravo:
معدل استهلاك هذا الأسبوع
280 كم / صفيحة
بمعدل اللتر / 14 كم
معدل استهلاك هذا الأسبوع
560 كم - 37 لتر بنزين
بمعدل 15 كم / لتر
ملحوظة وتأكيد للمعلومة
فعلا يا جماعة اول 10 لتر استهلاكهم يختلف عن تاني 10 لتر عن ثالث 10 لتر عن ررابع 10 لتر
انا اقل معدل استهلام وهو الي ظبط المعادلة هما اول 10 لتر
انا عامل 175 كم بأول 10 لتر
بمعدل 17.5 كم / لتر
اومال انا ليه ال الليتر بيمشيني 8.5 كيلو بس ؟؟؟
موديل 94 هاف انجيكشن
حضرتك المكنة الأستوك بتاعتها ؟
1300 SPI
والله موضوع الأستهلاك دة كان شغلي الشاغل ويمكن اتناقشت فيه كتير هنا علي صفحات القسم
في tips كتير جدا للموضوع دة
اهمها
1- أختيار توقيت ومكان محطة البنزين (بمون تقريباً بنسبة 90% بعد الساعة 11 بليل ومن محطة موبيل اون ذا رن)
2- تنظيف الرشاشات والدورة كاملة (كما هو موضح في الموضوع وبأستخدام أضافات stp)
3- طرمبة البنزين وفلتر البنزين (دائماً بحاول انظفهم وبغير الفلتر بصفة مستمرة يمكن قبل ال6000 كم)
4- البوجيهات والأسبراتير (البوجيه الموصي به من الشركة والأسبراتير مظبوط)
5- فلتر الهواء والبوابة (الحرص الدائم علي نظافة البوابة وتغيير فلتر الهواء بصفة مستمرة علي فترات متقاربة)
6- أسلوب القيادة الرشيد (ودة يتلخص في الموضوع الأتي)
حاول تظبط النقط السابقة وان شاء الله الأستهلاك بتاعك يتظبط نوعاً ما
انت المفروض عربيتك تستهلك في الصفيحة حوالي من 280 - 300 كم كمتوسط
وعلي الطريق السريع من 320 - 360 كم
وداخل البلد طبعا صعب الحساب جداً
ياريت تعمل موضوع منفصل ونحاول نتناقش سوا كلنا فيه
ونتابع معاك وتقولنا الأخبار ايه واسلوب قيادتك
والله المستعان
،
،
هو فى حاجه اسمها ضبط الكاتينه ؟
ولا ده سير بيتركب وخلاص
كويس جدا ما شاء الله
ربنا يباركلك
للعلم فقط متشغلش دماغك بحركة المؤشر لأن استهلاك اول 10 زي تاني 10 زي ... الباقي
كيفية ضبط سير الكاتينة
1- تفك غطاء السير و قبليه طبعا سير الدينامو و التكييف
2- تدي العربية غيار و هي مبطلة و تبدأ تضبط وضع سير الكاتينة عن نقطة ال zero point و ده نقطة محددة بعلامات علي طمبورة عمود الصبابات (عبارة عن شطف لحرف سنه من احد سنون الطمبورة ) و علي ترس و طمبورة عمود الكرنك (برده شطف لحرف سنة من سنون الترس و نقطة علي الطمبورة اللي راكبه علي عمود الكرنك لادارة السير الأخر )
بتبدأ تضبط العلامات دي علي علامات مقابلة ليها في جسم المحرك بانك تحرك العربية بيدك و هي واخده غيار و ليكن الرابع هتلاقي السير بيتحرك قدامك لحد ما تخلي العلامات اللي علي الطنابير موازية للعلامات اللي علي المحرك
3- بتفك الطمبورة الكبيرة اللي علي عمود الكرنك و اللي بتشغل السير التاني بتاع التكييف و الدينامو (و دي هي المعضلة في الموضوع لأنها مربوطة بصامولة مقاس 24 مشنشر و مربوطة جامد جدا و فكها صعب شوية )
4-بتفك بقية غطاء السير اللي تحت الطمبورة و بيتبقي لك علي طرف عمود الكرنك الترس الصغير اللي بيدور عليه سير الكاتينة
5- هنا بتبدا في تهوية سوستة بلية الشداد بانك بتضغط علي دراع صغير خارج من جسم البلية ...طبعا بتفضل ضاغط عليه و بتلاقي السير بقي مهوي خالص و انت ضاغط بتشيله من علي الطنابير
بتبدأ في تركيب السير الجديد بتسقيطة علي الطمبورة المسننة اللي فوق بتاعت عمود الصبابات و الترس المسنن اللي تحت علي عمود الكرنك
بترجع تربط كل شيء بالعكس مع التأكد ان الطنابير و التروس مضبوطة تماما علي العلامات بعد التركيب حتي تتأكد ان السير راكب مضبوط
و ممكن خلال هذه العملية تفك بلية شداد الكاتينة و تشوفها كويسة ولا محتاجه تتغير
و ممكن تشوف طلمبة المياة و ترسها سليم ولا محتاجه تتغير عن طريق لفها بعد فك السير و تتأكد انها بتلف دون مشاكل و ترسها سليم
طبعا سير الكاتينة بيعمل تزامن للحركة بين عمود الكرنك و بين عمود الصبابات و في السكة بيدور طلمبة المياة و مشدود ببلية الشداد و بالتالي بينظم حركة البساتم مع الصبابات ليحافظ علي كل منهما لا يقترب من الأخر و بالتالي ضبط ال timing للمحرك
هو فيه مواضيع بالشكل ده ؟!!!!!!!!!!
شكراااااااااااااااااااااا ااااا ع الافادة الكبيرة دى كلها