طبعا كلنا ركبنا عربيتا اصحبها مهملين فيها جدا
سوالى بقا ليك ايه اكتر عربيه مشنه ركبتها سوقتها فى حياتك سواء قديم او جديد
انا عن نفسى سوقت 3 عربيات مشنه على حق ربنا
اول عربيه كانت بيجو 504 عمله سكه 7 8 مليون كيلو
كانت عربيه فيها كل حاجه بيظه و من غير باب شنطه و روحت بيها الحرفين و افتكر انها اتباعت ب 5 الف جنيه
تانى عربيه كانت دايو جوليت و دى كانت مغيره نص و بتسخن و بتحدف يمين و مفيهاش بور و بتذحف مع الفرامل و مبتخبش اكتر من 80 و بحوط فيها بنزين 80 و كان بتزيق من كل نحيه و صالون ضايع
بس كان فيها ميزه تكيفها كان شغال كانت بتاعت واحد صحبى بس مش فاضى يصلحها
تالت عربيه بقا كانت عربيه افيو و دى من اكتر العربيات الكرهتنى فى حياتى لما ركبتها
كانت ضايعه و سافرت بيها الشرقيه فى 8 سعات
حدث و لا حرج على الحصلى و كانت 2008 و ماشيه 120 الف تقريبا بس كانت تقريبا مفيهاش عفشه
فى مشنه كمان بس رمبتها مع واحد صحبى عربيه لسمها 1300 و دى ولعت بينا فى اكتوبر و نزل طفها و كملنا عادى و بعها ب 900 جنيه لعربجى و دفع حقها اربع و شلنات و برايز و الله العظيم
يلا قولنا ركبت كام مشنه و انا لو افتكرت مشنات تانى هقول