الموضوع: اكتر عربيه مشنه ركبتها فى حياتك قديم و جديد

المشاركة الأصلية كتبت بواسطة ahmedkhairy

لانسر كريستالة 99 كانت سيئة جدا

ليا تجربه مع نفس العربيه كان فيها كل حاجه بايظه و كانت ماشيه برضو

المشاركة الأصلية كتبت بواسطة semsem kane

واحد صاحبى كان معاة عربية 132 بتاعة والدة ومرة واحدة والدة قفش علية وخد منة العربية , صاحبى دة قفشت فى دماغة ينزل يجيب عربية تقريبا فى يوم المهم كلمنى وقالى انا هعدى عليك بالعربية قولت بس هيعدى عليا بال132 لانى ماعرفش القصة اصلا

فكلمنى نزلتلة مش لاقية او بمعنى اصح مش لاقى العربية , فكلمتة يابنى انت فين قالى انا واقف اهو قدام شوية يابنى مافيش اى عربية 132 واقفة لقيتة بيقولى ونزلت عليا المفأجاة كالصاعقة صاحبى اشترى عربية

زاستافا 2 باب اللى هية اصغر من السيات وحالتها فى التراوة وصاحبى دة اصلا وزنة حوالى 150 كجم او 140 كم وطولة 188 سم تقريبا يعنى اتقل من العربية نفسها

المهم جيب اركب ولا فية عداد ولا فية اوكر لبابين ولا فية زجاج والكنبة واقعة والكاوتش مقاسة 12 حاسس انى راكب فسبة , والعربية مفتوحة من الارضية يعنى والله كنت ماشى شايف الشارع من الارضية بتاعة السيارة لدرجة انا احنا مشينا على مية فى الشارع دخلت للعربية من جوة

والمصيبة الكبرى ان ماتورها كان مفوت اول مرة فى حياتى اشوف دخان ماتور مفوت يسبق العربية يعنى والله كان الشكمان بيطلع دخان ورا كنت بشوفة قدامى لدرجة انى اتخنقئت منة جدا وانا بقولة هو زيت الماتور دة مش عايز يخلص قبل مايخلص علينا

ومش عايز بقى اقولكوا على كمية الضحك اللى كنا بناخدها واحنا ماشيين فى الشارع من الناس وخصوصا البنات كأننا مثلا ماشيين بعربية لعبة او مخرجينها من الملاهى , وصاحبى خد شتيمة بعمرة كلة بسبب الدخان لانة تقريبا عمل تلوث فى المنطقة وغيامة وشبورة والناس بقت ماشية جنبينا بتكح من كتر الدخان

والله العظيم كان يوم مايعلم بية اللى ربنا , وانا اصلا كنت مخرج راسى شوية من العربية عشان سقف العربية لان الدخان غطى العربية من جوة , وماكنش فيها تانى ولا تالث كنا بنمشى على الاول بس وفى الاخر العربية عطلت بينا واضطرينا ناخدها زق لحد الميكانيكى , واصلا الناس عمالة تضحك على ضحكنا على العربية وانا طول الطريق الله يخربيتك ويخربيت اليوم اللى عرفتك فية انا كان اية الى خلانى انزل من بيتى بس واقابلك

بجد عمرى ماهركب عربية بدرجة السوء دية

ههههههههههههههههههههههههه هههههههههههههههههههههه
هههههههههههههههههههههه
دى تبقا اكبر مشنا شوفهنا لحد دلوقتى
تحصل على المركز الاول

المشاركة الأصلية كتبت بواسطة aboharb

كانت هيونداى اكسنت بتاعة المركزاللى اتعلمت فيه السواقه كان الموتور مفوت والعربيه مفهاش عفشه والعربيه بتسخن جامد وحوض الموتور بالماتور غرقانين زيت

كل العربيتا الناس بتتعلم عليها كده حاجه تزعل و الله