تجربتي مع النترا 2012 سيئه صوت الاطارات عالي جدا بتعوم من ورا قي مطبات و حفر بجد مضايق اوي خفيفه جدا
عرض للطباعة
تجربتي مع النترا 2012 سيئه صوت الاطارات عالي جدا بتعوم من ورا قي مطبات و حفر بجد مضايق اوي خفيفه جدا
وجهات نظر بتختلف من شخص لشخص
مجرد راي
صوت الاطارات مرتفع نظرا لأن معامل أحتكاكه بالارض عالي و لكن مقابل هذا العيب هناك ميزة و هي أن تماسكه مع الطريق مرتفع مما يكسب السيارة ميزة للثبات و عدم الزحف عند أستخدام الفرامل الي حد ما حسب طبيعة الارض
اما بالنسبة للحركة العرضية في الخلف و هي ليست بتعوييم فهي ناتجة من طبيعة التعليق الخلفي المعتمد علي نظام tprsion beam و هو يعطي أحساس بعدم الثبات أو التعوييم من الخلف لكنه في حقيقة الامر من عوامل ثبات تلك السيارة أيضا و هذا ما لاحظته بشكل شخصي و أختبرته بالفعل فثبات السيارة و قدرتها علي أخذ المنحنيات في السرعات العالية جيدة جدا
كنت راكب ايه قبلها؟
سبحان الله اجتمع كل من ركب العربية دى بثباتها لحد 180 كمان وانتا يا برنس اقول واحد اشوفه يقول الكلام ده ؟؟؟؟
إضبط الكاوتش غالبا منفوخ زياده
مع تحياتي العطرة لحضرتك وانا قريت مشاركات كتير لحضرتك قبل كده وانا مفكر اجيب العربية الالنترا بس مستني الموديل الجديد ومع كده انا مقدرتش افهم معنى الجملة دي بامانة ازاي نظام التعليق ده بيدي الاحساس ده وميكنش تعويم؟؟ وايه يخلي هيونداي مثلا تلغي نظام ملتي لنك اللي كان بالموديل السابق وتلجأ لنظام التعليق ده هو اي نظام افضل؟؟ وكان في مشاركة تانية كانت من احد الاخوة كمان كان بيسال الاخ هو نزل من عربية موديلها ايه وركب الالنترا فهل ده بيفرق ؟؟؟ واشكر حضرتك على سعة الصدر بانتظار الرد وشكرا
موضوع الحركة العرضية الناشئة من نظام التعليق الجديد تقدر تقارنه بعربيات الفورميلا وان
هتلاحظ أن عربيات السباق في الملفات و علي سرعات عالية جدا بتحصل فيها الحركة العرضية دي من الخلف مما يكسبها قدرة عالية علي المناورة و الثبات في الملفات و ده اللي جربته بالفعل أكثر من مرة و لكن أعتقد أن هذا الثبات مع نظام التعليق ده في ملفات بسرعات عالية له شروط يجب أن تتحقق و ليس مطلقا
أما سؤال أحد الاخوة عن نوع العربية التي كان يستخدمها الاخ صاحب الموضوع قبل الالنترا فهو مهم , لأن علي سبيل المثال لا الحصر
لو نظام التوجيه مثلا هيدروليك أو ميكانيكي في السيارة السابقة أكيد سيكون اشد من نظام التوجيه الكهربائي في الالنترا الذي يتميز بخفته و دقة أستجابته مما يعطي الاحساس بأن السيارة غير ثابتة لكن بعد فترة سيعتاد الامر و يدرك تلك الامكانية و يستطيع أن يتجاوب معها
قيس علي كده بقي الثبات و صوت الكاوتش و حاجات تانية كتير
و ده لأن فيه ناس بتركب عربيات و تسوق و خلاص لكن صاحب الموضوع واضح أنه من الناس اللي لما بيغير نوع العربية بيقارن و يميز الاختلافات فيما بينها علشان كده هو مخضوض من الفرق
انا كنت راكب هيونداي اكسنت 2000 انا كل مشكلتي بحس عربيه بتتحرك من ورا في حفر و النقر و مشكلتي تانيه صوت الاطار عالي
اشكرك على سرعة الرد وعلى المعلومات القيمة ولكن حضرتك مجاوبتنيش على اهم سؤال بالنسبة لي لو امكن الخاص بنظام التعليق في الموديل الحالي وتخلي هيونداي عن النظام السابق وايهما افضل ؟؟؟
ركبت عربيات كتير تانيه مش بحس بالحركه اللى وره ديه
طيب فب اي حل لتزويد stability ...وبعدين حركه ورا دي بتجيب توتر هل لو ركبت جنوط ده حل
انا أجبت بالفعل في مشاركتي الاولي و قولت أن أحتمال ده يكون علشان تحسين ثبات العربية
و هأقولك علي دليل تاني عملي :
أمبارح كنت راجع من أسكندرية بالليل و طبعا فيه كام تحويلة رخمة علي الطريق منهم تحديدا تحويلتين طوال جدا و الطريق فيهم واسع و لكن يعيبه الملفات الكتير و بدون اي علامات توضح الملفات دي
الحمد لله انا حافظ التحويلات دي و كمان الجي بي أس بيوضح لي مسار الطريق علشان كده كنت داخل التحويلة علي سرعة 140 كم/ساعة و صادقت أني تخطيت ألنترا الشكل القديم
بعد ماتخطيته أكتشفت أنه كان خايف من الملفات و عدم وضوح الطريق لنه علي طول جري ورايا و طفي الانوار بتاعته علشان أكون دليل له
لاحظت الاتي :
- في الملفات الحادة و المفاجئة أنا كان عندي الامكانية أني أخد الملف علي سرعة 140 كم/ساعة
بينما هو لأ كان بيتطر أنه يهدي و بالتالي المسافة بيننا كانت بتزيد جامد
- في أحد الملفات كان هو جنبي علي اليمين و الطريق كان بيلف لليمين انا اخدت الملف بنفس سرعتي 120 كم/ساعة في نفس الحارة بينما هو لما حاول يعمل كده العربية أنحرفت منه للحارة التانية جهة اليمين لأن الفرق بيننا زاد فاضطر أنه يهدي سرعته
ده الفرق علي ما اعتقد في نظام التعليق بين السيارتين مع الفرض بأن أنا و هو لنا نفس القدرة علي التحكم في سيارتينا يعني هأحاول أثبت عنصر قائد السيارة
ارجو اني أكون قدرت أوضح لك وجهة نظري أو استنتاجي عن سبب لجوء هيونداي لتغيير نظام التعليق الخلفي للألنترا
الجنوط مالهاش علاقة بالحركة دي
و ثبات العربية مش سئ بالعكس
أنت بس مش متعود عليها بالاضافة أن فيه فرق تاني مهم جدا هو نظام التوجيه في الالنترا كهرباء لذا فهو خفيف جدا
انت هاتتعود عليها بس نصيحتي بلاش جري و سرعات عالية قبل ماتتعود علي العربية و يكون عندك الثقة في قدرتك علي التحكم فيها
ما هما عشان أمامير أكيد مش هيظبطوا الكاوتش
وأنا حطيتها للإفاده عموما
ومجتش على الجنيه ويتأكد من الكاوتش
ياجماعه صاحب الموضوع عضو جديد وكتب كلام نقدى لتحقير العربيه وخلاص ده ضرب تحت الحزام فى اكبر منتدى مصرى للسيارات فاهمين طبعا هههههه
والله ابدن فعلن لسه جايبها و حاسس المشكله ديه
يجماعه لسه العربيه مالحقتش تتجرب اوي يعني!!!!!
بصوا يا جماعة ...
بلاش نظرية التخوين دي
العربية فعلا لسه جديدة و تعتبر في مرحلة الاختبارات و التقييم و طبيعي ممكن تظهر عيوب أو نكون أحنا مش واخدين عليها
بس هأقول لكوا الصراحة ..
في البداية أنا كنت زي الاخ صاحب الموضوع خايف من العربية و مقلق منها
لكن التجربة و السفر الكتير جعل ثقتي فيها تزداد يوم بعد يوم و أقدر اقول لكم بكل ثقة أن العربية دي فعلا جيدة جدا
أنا ان شاء الله ناوي أعمل موضوع شامل عن تقييم العربية بعد مرور اكثر من 8 شهور علي أمتلاكي لها و قطع مسافة تقارب ال 20000 كم و عايز مشاركاتكم جميعا بالرأي و التحليل علشان نقدر نقدم معلومات مفيدة لأي حد بيفكر يشتري العربية
بلاش نصدر أحكام متسرعة علي أي عربية و ننتظر فترة و نشوف النتائج
هوا ده الكلام المظبووووووووط!!!!
العربيه ظريفه اطلع بيها سفريتين وانتا تتعود عليها
eshta 3aleeeeeeeek!
فى الاول كنت مستغرب ليه الناس مش بتجرى بالعربيه دى --بس الان عرفت ليه علشان معظم العربيات كانت لسه مكملتش 5000 كيلو--الايام دى بلاقى ناس راكباها وطايرة على الدائرى وغرز وحركات--ولو العربيه فيها مشكله ثبات مكنتش الناس دى جرت بيها بجنون