الأستاذ محمد حازم صلاح أبو اسماعيل الليلة بإذن الله على اون تى فى الساعة 11 مساءا مع يسرى فودة
أرجو من الله عز وجل أن ينصر المظلوم عاجلا وليس آجلا
الأستاذ محمد حازم صلاح أبو اسماعيل الليلة بإذن الله على اون تى فى الساعة 11 مساءا مع يسرى فودة
أرجو من الله عز وجل أن ينصر المظلوم عاجلا وليس آجلا
هو الراجل دا لسه عنده دم بعد كل الفضايح بتاعته وتسببه فى قتل الناس الابرياء المغرر بيهم فى العباسية
حسبنا الله ونعم الوكيل فيه وفي اللي بيدافع عن مجرم زيه
some nerve
بجد الراجل ده استاذ قدر انه يعمل غسيل مخ للناس بشكل غريب وللاسف بقوا يصدوقه ويدافعوا عنه وكانه نبى من الانبياء وهما بس اللى عارفين بجد استاذ استاذ يا سمعه
المعاتيه الى مشيين وراه اخرتهم سودا ان شاء الله
والله الواحد قرف من كل الاشكال دى اللى للاسف محسوبه على الدين و هى بتسيى ليه الله ينتقم منهم جميعا و ينضف البلد منهم
حد شاف اللقاء بتاعه مع يسري فوده , الراجل مستمر فى الكذب واسلوب الكذب بتاعه اقسم بالله العظيم زي الاطفال الصغيرة , يعني ياريتوا كمان عارف يكذب .
الحمد لله ان ربنا رحم مصر من الاشكال المتخلفة دي
نفسى مرة واحدة فى حياتى اشوف حد من الشعب المصرى بيختلف مع اى حد اخر من غير مايجرح اويغلط فيه يا جماعة بجد مستوى اخلاقنا و اسلوبنا كلوا غلط.
ياريت نختلف من غير غلط.
احب اعرف الناس بس ان المسؤل الاول والاخير عن كل الاحداث هو نظام مبارك يا ريت كلنا نتفق على كده
المشكلة مش فى 6 ابريل ولا البرادعى ولا وائل غنيم ولا الاخوان ولا ابو اسماعيل ولا السلفين ولا اليبرالين كل واحد بيحب مصر بطريقته المشكلة كلها فى مجلس مبارك.
اختلف معى و اختلف معك ولى ولك كل الاحترام ياريت يكون ده شعارنا.
كفاية نخون بعض بجد عرفوا يفرقونا ركزوا بس فى الاعلام كل لما يظهر حد يخونوه وبعدين يتجر الشعب وراهم عد معايا:
1-البرادعى رشح نفسه عميل امريكا
6-2 ابريل عاملة مظاهرات يقولوا فى اعلامهم ممولين من الخارج
3-وائل غنيم الناس بدات تتعاطف معاه طلعوا عليه ماسونى
4-الاخوان الناس انتخبتهم (بس دول صيدة سهلة) غباء سياستهم + حبة تحابيش تهديدات المجلس
6-ابو اسماعيل شريحة كبيرة من الناس ايدته امه مرة واحدة اصبحت امريكية رغم الحكم القضائى على العموم الراجل قال انه برة الانتخابات ولكن موضوع الجنسية لم ينتهى
7-الليبرالين عايزين يلغوا المادة الثانيةايه السطحية دى؟
بجد لازم نغير من نفسنا كفانا تخوين على راى الكتاتنى لست اكثر منا وطنية وسمعنى سلام مبروك علينا الاعدام يارجالة:brn:
بعد أكتر من تلات ساعات بتفرج على يسري فوده و هو بيحاور الشيخ حازم
بقيت عامل زي عبد الفتاح القصري في الفيلم مع إسماعيل ياسين
بشد في شعري و عمال أقول كتاكيييت كتاكيييييت
الراجل عامل زي يونس شلبي فالعيال كبرت .. مبيجمعش
كلامه كله متناقض
منقول
يا باشا حكم المحكم دا ملزم لوزارة الداخلية مش للخارجية وهو بيضحك علي اتباعه بالجملة دي انه معاه حكم محكمة انما لو اتباعه قروا الحكم الصادر من المحكمة حيعرفوا انه حكم ضد وزارة الداخلية مش الخارجية واوراق جنسية امه صادرة من الخارجية المصرية لما راسلت الخارجية الامريكية يعني حكم المحكمة بتاعه دا يضحك بيه علي العيال الصغيرة مش علينا .
وتقدر ترجع للحكم بنفسك وتشوف بنفسك اذا كان كلامي كذب ولا ابو اسماعيل اللي كذاب ومراوغ
فى حياتى التى تجاوزت الخمسين لم ولن ارى كذابا بشكل ابو سماعين بالله تعالى لم استطع صبرا على تحمل كذبه امام يسرى فوده انه يكذب بدم بارد جدا وكيف فاته وهو المحامى انه بتكرار السؤال بيكرر نفس الاجابه بلا حذف ولا إضافه وهو اكبر دليل على كذبه وكيف يرد بكل برود على الناس جميعا بأن أمه ليست امريكيه وبأنه لم يحرض اتباعه المغفلين يعنى نذاله منقطعه النظير يعنى الكفار الملحدين لايمكن يعملوا اللى بيعمله وبيعترفوا بخطأهم لكن ده انسان أنوى نادر الوجود !!!!
منقول
بص يا باشا ربنا يعزك انا ساءلت كذا واحد ليه فى القضايا القانونية من كذا تيار سياسى والكلام اللى استنتجته ان الحكم ليه اكتر من تفسير منها ان اول الحكم الدعوى مرفوعة على ثلاث جهات وهى الداخلية والخارجية و لجنة الانتخابات لكن فى نطق الحكم المحكمة الزمت الجهة المختصة وهى وزارة الداخلية بتقديم الشهادة. طيب انا عملت كده ليه اكيد يعنى مافيش مصلحة بينى وبين الشيخ لكن عشان انا كنت مهتم انى اعرف هختار مين واديله صوتى والشيخ حازم كان من المرشحين اللى كنت بفاضل بينهم لكن دلوقتى هو بره السباق وحاليا لسه مستقريتش
المهم مش ده موضوعنا موضوعى اننا لازم نختلف باحترام بدون تجريح كلنا مصريين
استاذى انا هسال حضرتك سؤال انت شايف الشيخ حازم استغل مادة فى القانون واستند عليها وهو يعلم ان امه الله يرحمها معاها الجنسية؟
ام ترى ان الورق الذى قدمته لجنة الانتخابات كافى لاثبات موضوع الجنسية؟
ارجو الرد وارجو مرة اخرى عدم التجريح سواء لشخص غير موجود انت ترى انه مخطئ او لاى شخص انت تختلف معه.
تقبل تحياتى
صدقنى ده اكتر واحد مظلوم فى الانتخابات هو وخالد على للاسف المرحلة اللى جاية محتاجة حد منهم او بمفهوم صباحى حد منا يعنى يعرف ياخد قرارات حاسمة لكن للاسف فرصهم مش كبيرة بس جديا حمدين صباحى رقم واحد مناصفة مع ابو الفتوح كل واحد ليه امتيازات يارب متخرجش منهم وان شاء الله يكون حد فيهم رئيس والتانى نائب.
على فكرة انا مش مختلف مع حضرتك فى حاجة واحدة انا مختلف معك فى اكثر من حاجة على العموم على راى هنيدى ديه اراااء (-:
ما شاء الله على الحجج والبراهين التى تم بها دحض كل الإفتراءات التى وجهت اليه وعلى الردود الثابتة الواثقة وبإذن الله ستكون الدائرة على من أراد به كيدا وهى سنة من سنن الله لمن يظلم من عباده كما جاء فى قصة سيدنا ابراهيم
{وَأَرَادُوا بِهِ كَيْداً فَجَعَلْنَاهُمُ الْأَخْسَرِينَ }
ياعمنا خليك محضر خير يعنى حتى لو انت حضرتك شايفه غلطان ادعيله بالهداية مش تدعى عاليه ده برضو ولو كان مخطئ فهو اخوك فى الدين ويجب عليك نصرته(انصر اخاك ظالما او مظلوما).سيبك انت غيرت صورتك الشخصية ليه انت مش كنت حاطط صورة الممثل الفاجر القادر الذنديق جون ترافولتا صح؟
الفيلم بتاع الصورة ده كان جامد جدا اسمحلى انا اخذت الصورة من ملفك ايه رايك فى اسمحلى بعد منا اخدتها منك زى ماكون بقولك سامح فيها (-:
حبييب قلبى فى حد لسة مايد الشيخ حازم؟
انت فين ياراجل سايبنى ادافع عن الراجل لوحدى كده؟
ويارب الناس تكون فاهمة قصدى ايه انا بدافع عنه لانى لسة مش مقتنع بالورق اللى صدر ضده لكن لو اثبت قطعيا موضوع الجنسية الشيخ حازم ذات نفسه اعلن انه سيتقبل الحكم وقطعيا يعنى قضائيا اذا لحد ما الموضوع يتحكم فيه ياريت محدش يغلط فى الراجل يعنى انا مش بطلب حاجة مش مفهوة الرافض لفكر الشيخ يظل رافض له بدون تجريح والمؤيد لفكرة يظل على حاله ويختار حد محترم تانى يديله صوته لحد الحكم مايطلع مش عايز اسمع حد فيكم يتكلم على الشيخ بصورة كدة ولا كدة يحسن يمين عظيم اوريكم سنة اسود من ارن الخروب انتو متعرفوش مين هوه الاستاذ رمضان مبروك ابو العلمين حموده (-:
انا غيرت الصوره عشان مش واضحه بس حلوه الفاجر القادر الزنديق دي ههههههههههههه و يا سيدي الصوره و صاحب الصوره تحت امرك اي وقت
ما هو لو قبضوا عليه بتهمه التزوير او بتهمه اثاره الشغب ... المغييبن من انصاره و ليس العقلاء هيسنوا سيوفهم و حي علي الجهاد و يقتحموا المحكمه و طبعا الجيش و الشرطه هيضطروا يردوا بالرصاص الحي ساعتها و هتبقي مجزره ... eventually هيطلع الجيش و الشرطه همجيين و يستاهلو يتعدموا علي الخازوق ... سيبه حسابه علي الله و دم انصاره في رقبته و علي الله لما يجي رئيس يحاسبه ساعتها بالقانون
حجج وبراهين يا راجل انت مشفتش لما كان قاعد بيعلق علي الفيديو بتاع الشيخ وقال ان الفيديو دا كان علشان انا نزلت بعد حادثة البنت اللي اتعرت ومسانده لقضيتها والشيخ كان بيتكلم علي كدا راح يسري فوده احرجه وقاله الفيديو دا كان قبل حادثة تعري الفتاة .
يعني كذب علني واضح وتقلي حجج وبراهين
سبحان الله هو اللي اسمه حازم ساحرلكم ولا ايه يا جماعه
[QUOTE=Screenplays;3874292011]انا غيرت الصوره عشان مش واضحه بس حلوه الفاجر القادر الزنديق دي ههههههههههههه و يا سيدي الصوره و صاحب الصوره تحت امرك اي وقت
تسلم يا معلم بس بجد ياريت ترافولتا يركز على الكراكتر اللى عمله فى الفيلم ده بجد كان رهيب ماتكلمهلنا يا معلم قولو يركز شوية الامتحانات قربت(بايخة طبعا) انا هاروح اصلى
هاى انت قووووم صلىىىىى ونرررجع تتااااااااانى
تهديدات مين يا ريس , انا ملقتش واحد سلفي بيتكلم سواء كان حازم ابو اسماعيل ولا ممدوح اسماعيل ولا من شيوخ السلفية الا لو انتقدته لازم يتهجم عليك وتحس انه حيقوم يضربك فى القاعده ولو طال يقتلك ودا اللي حصل بالظبط فى العباسية لما جتلهم الفرصة .
جماعة طالبان كانت نفس التوجه دا بالظبط ونفس الفكر ولما جتلهم الفرصة بقوا يقتلوا فى الناس باسم الشريعة الاسلامية ودمروا افغانستان
هذا الموضوع قمت بفتحه فى المنتدى ليشاهد الناس البرنامج ليتعرفوا على الحقائق من وجهة نظر الأستاذ حازم
ففيه ناس حتقتنع بكلامه وفيه ناس حتؤيده بعد ما كانت ترفضه وتتهمه وفيه ناس ستظل غير مقتنعة
وقمت برفع الجزء الأول من البرنامج وسأحاول رفع باقى البرنامج لكل أعضاء المنتدى المحترمين بإذن الله ليحكموا بعد أن يسمعوا منه بدلا من سماعهم من وجهة نظر واحدة وهى الوجهة الإعلامية
لا و ايه ؟ المجلس العسكري سايب بتوع القاعده كده عادي زي اي بقيه المواطنين و الحياه حلوه ... ربنا يستر
بما ان حضرتك شفت البرنامج زيي ومقتنع بكلام حازم ابو اسماعيل
يا تري شفت كذبه فى النقطة دي وياريت ترد عليا
مشفتش لما كان قاعد بيعلق علي الفيديو بتاع الشيخ وقال ان الفيديو دا كان علشان انا نزلت بعد حادثة البنت اللي اتعرت ومسانده لقضيتها والشيخ كان بيتكلم علي كدا راح يسري فوده احرجه وقاله الفيديو دا كان قبل حادثة تعري الفتاة .
يعني كذب علني واضح