ما شاء الله ربنا يباركلك فيها
عرض للطباعة
ما شاء الله ربنا يباركلك فيها
بالكمبيوتر
يا ريت صور للصالون لو في وياتري انهي احسن بالنسبالك صالون ال2006 ولا صالون الجديده بتاعت حضرتك يا ريت صور للصالون
يا باشا تؤمرني انا ناوي اصلا انزل صور للصالون وبالنسبالي انا ماشفتش صالون 2006 عشان اقارن بس لو لقيت واحده 2006 هاقولك علي العموم انا غير راضي عن خامات التابلوه وفرش الباب
بريليانس أقوى عربية صينى فى مصر
قولي بترفع الصور ازاي وانا ارفعلك صور صالون ال2006
افتح الصفحه الشخصيه بتاعتك خش علي البومات وظبط حجم الصورة اقل من 100 كيلو بايت وارفعها وبعدين افتح الصوره وخد اللينك اللي في البراوزر كوبي وبيست في الموضوع
تقرير رائع وجميل والف الف مبروك على السيارة وربنا يباركلك فيها ومنتظرين صور الصالون من الداخل
والله لو ببلاش
ال2006 فيها تكييف في الخلف وصالونها مختلف تماما
يا ريت الصور تعجبكو وادوني الردود
ماشاء الله صالونها احلي كتير والتابلوه اجمل بصراحه ربنا يباركلك فيها
ارفعلنا بقي صور للصالون بتاعك عايزين نتفرج عليه
السؤال الان ماهى كفاءه الجالينا بعد التعديل اى موديلات مابعد 2008 مقارنه بالماركات الاخرى المكافئه لها يعنى الكل يقارن بين الجالينا موديلات 2006 و 2007 وبين الجالينا من 2008 الى 2012 صحيح الفرق واضح خاصه فى الصالون الداخلى انا شخصيا بعد ماشفت الفرق بين العربيتين ابحث عن جالينا 2007 بحاله الزيرو بدون اى خدوش بس العداد ميزدش عن 40 الف كيلو لكن السؤال الان ايهما افضل الجالينا بعد التعديل ام مثلا النيسان صنى سوبر صالون او الاوبترا او الهيونداى الار بى
الجالينا لا تقارن بالنيسان ولا اللانترا ولا العربيات دي لان دي فئه ودي فئه دي 2000 سي سي ودي 1600
دي عفشه الماني مكونه من 16 مقص ودي كوري مكونه من 4 مقصات بس بصراحه انا الجالينا معايا مريحاني اوي وبالذات علي الطريق بحس بالفرق ولما بركب العربيات التانيه بحس ان انا راكب لعبه ولما بجري بالعربيات التانيه بحص انها هتطير من علي الارض ومش ثابته انا عن نفسي بحب الجالينا وببيع بتاعتي وبجيب جالينا تااااااااااني
ثانيا الفرق بين الجديد والقديم هو ان ال2006 تقيل شويه ومن اول ال2008 وانت طالع كلهم واااااااحد لا يختلف فيهم شئ
وشكراااااا
نايس جدا بس حاسس ان اضائتهم مش قويه اوي
كده انا مشغل الرينجات بس يعني ولا مشغل العالي ولا الواطي فلازم يبقو ضعاااااف لان دووول مع نور الطابلوه
طيب ماتورينا الواطي والعالي يا برنس
استاذ اسلام سيبك من ال2006 او 2007 انا بتكلم على الموديلات من اول 2008 وطالع ثانيا بدون وضع سعه المحرك فى الاعتبار ده بالنسبه لشخص لايهمه استهلاك البنزين او الضريبه انا بتكلم عن مجموعه العربيات من اول 100 الف الى 110 الف ممكن تجيب غير الجالينا اوبترا او نيسان صنى اعلى فئه سوبرصالون او هيونداى اكسينت كل العربيات دى صالون عادى وخامات عاديه والتابلوه وتقفيل الابواب بلاستيك فهل الجالينا مثلا من جوه من ناحيه جوده الخامات والتقفيل زى النيسان صنى الايه اكس العاديه والفرش هل الفرش جلد طبيعى وبيستحمل الشغل الشاق بصراحه انا شفت ان فرش الاسبيرانزا الايه 620 اللى زيها 2000 سى سى اى كلام وبيتبهدل بسرعه فهل الجالينا 2008 او اعلى لها نفس الفرش وبالنسبه للثبات هل الجالينا الجديده اثبت واتقل من العربيات دى ( النيسان صنى خصوصا) انا بتكلم عن موديلات مابعد 2008 ليس 2006 او 2007 وشكرا
اولا فرش الكراسي من الجلد الطبيعي وصعب يتبهدل لانه جلد محمل وتخيين وبالنسبه للطابلوه وفرش الباب فهو مثلا زي الانوس والاوبترا والحاجات دي يعني بالنسبه للعربيات الشعبيه فهو زيها لكن انا كنت بتكلم علي ان العربيه دي من العربيات العاليه فلازم مكانوش يعملو الطابلوه وفرش البيبان كده كانو عملوه كويس لكن الي حد ما فهو كويس جداااااا
يا جماعه انا تعبت والله من جمع الاراء بس فعلا انا لسا متردد ... انا لسا بايع opel vectra 2000 CC و عمري مركبت كوري ... نفسي اجيب العربيه دي بس عقلى مش مقتنع بفكرت الصيني ... و الله ما تناكه .. بس طول عمري بركب امريكاني و الماني و طبعاً بعد ما اجوزت الوضع اختلف و اللى فاتح بيت فهمني طبعاً .... و العربيه عجباني جداً بس ... لسا و مش لاقي التكه النهائيه اللي تخليني انزل بكره بعد الشغل اسيب دفعة مقدمه و احجزها ...!! و طبعاً في ناس عملالي فيها مهندسين ميكاكنيكا و هما اصلا راكبين كوري ... المهم مطولش عليكوا ... يا ريت لواحمد نور او الاخ اسطوره يقولوا نبذه عن قطع الغيار الاساسيه.. واظن ان دا هوا الفيصل في الاختيار ... و شكراً و طولت عليكو يا شباب
قصدي طبعاً اسعار قطع الغيار الاساسيه ... خاصه ان وكيلها البافاريه ... يعنى bmw و اسألوني عنها لما بتزعل و تفتح بقها ممكن تعمل في صاحبها ايه ...!!
يعني مثلا : تيل امايى - تيل خلفى - فلاتر هوا - زيت - بنزين - سير كاتينه " لو فيها" - سير دينامو - طنابير امامى / خلفى .
الحجات دي بتتغير مع الاستعمال و لازم تكون مناسبه ....
بوص يا باشااااا
التيل الامامي بيعمل 250 ده الاصلي بره التوكيل وجوه التوكيل بيعمل 350
الماعدين مفيش بره نوع كويس بجيب دايما المساعدين بالذات من التوكيل بيعملو 260 الواحد في التوكيل
تيل خلفي ب 90 جنيه
فلتر الهوا ب45 بره التوكيل وجوه بيعمل 60
والبنزين ب45 وجوه بيعمل 60
فلتر الزيت ب35 ميتسوبيشي
الكاتيه فيها سير كاوتش وبليتين بيعملو 850 جنيه وبيتغيرو علي 80 الف كيلو
سير دينامو وسير تكييف
كل واحد بيعمل 75 جنيه
انا والتوكيل وهواك
عملت الفين كيلو ورحت التوكيل الي البافاريه
باختصار هاحكيلكو علي التجربه
اتصلت وحجزت وادوني ميعاد الساعه 10 رحت عشره الا ربع
استقبلني فني واستلم مني العربيه ودخلت استراحة العملاء
ظريفه وقعدتها حلوه والمشروبات السخنه مجانا لكن مش فخمه اوي زي ما كنت بسمع
استراحة منصور شيفروليه زيها وممكن افضل
المهم قعدت شويه في الاستراحه وبعدين ندهو علي اسمي رحت قابلت المهندس اللي هايشرف ع العربيه وقلتله عايز
اعمل الصيانه وكان في صوت في الموتور زي صوت صفاره وقلتله ان المساحه اليمين فكت شويه وعايز اظبط الزوايا
وحاسس ان الطاره مش مظبوطه في مكانها والفانوس الخلفي مكانه مش محبوك
المهم قالي هاتستلم الساعة اربعه طبعا ملل ممل جدا لدرجة الاملال المهم
الساعه اربعه ونص ندهو تاني علي اسمي ولقيت الحساب 470 جنيه منهم 315 زيت و 65 فلتر وصلحولي الصوت اللي
كان في الموتور قالي انها بلية سير وغيروها في الضمان وكمان غيرولي طقم المساحات كله ضمان وادوني المساحه
السليمه وظبطو الزوايا بس ضايقني حاجتين مغسلوش العربيه ولسه حاسس ان الطاره مش مظبوطه
لكن بامانه التعامل كويس والشغل مش بطال خالص والضمان مافيهوش كلام
وانا فاضي طبعا ست ساعات فراغ قلت اسال علي الكماليات في التوكيل سالت علي جهاز الانذار قالي سعره 250 جنيه
قلت يا بلاش دول ناس طيبين اوي ...... الراجل قالي بس خد بالك بالتركيب يبقي الحساب 750 جنيه طبعا ظهرت علي
وشي علامات الاذبهلال قلت اسال علي حاجه تانيه سالت علي مثبت السرعه قالي بيركب ومعاه المالتي فانكشن 2500
جندي ايييييييييييييييه طيب الانتنه بتاعة التليفزيون قالي 550 جنيه بالتركيب والكاميرا الخلفيه شرحه المهم فكرت اركب
الانتنه قلت لا اصبر شويه
ماخبيش عليكو انا قافله معايا حكاية انتنة التي في دية بس 550 جندي ابدا المهم فكرت وقلت طيب الدي في دي ده اصلا
بتاع فيديو باص طيب ما اشوف الشركه نفسها ممكن تكون ارخص وفي نفس الوقت ده شغلهم اصلا
خدوا بقي المفاجأه دي
الانتنه 250 جنيه بالتركيب
الكاميرا 225 بالتركيب
يعني نص السعر ولاد اللذينه واتعرفت علي مدير المبيعات راجل محترو جدا جدا وان شاء الله هاحاول اتفق معاه علي نظام
خاص بينا يفيد الاعضاء كلهم
باردو كلمة حق تتقال علي البافاريه وانا بتكلم مع مدير المبيعات قلتله ممكن اديكم الدي في دي اللي عندي واخد واحد
في التي في انتنه واليو اس بي والجي بي اس وادفع الفرق بدل ما اركب وازود الراجل قالي عربيتك ايه قلتله جالينا
قالي نصيحه بجد اوعي تسيب الجهاز اللي فيها لانه معظم مكوناته كوري مش صيني وقالي ان الشغل اللي بيتعمل
للبافاريه بيكون متراجع عليه اكتر من مرة ويستخدموا في احسن خامات ...
بوص يا باشا الانتنه بتاعه التليفزيون و ركبتها يا ريت تقولنا النتيجه لان انا عندي ركبت اريال راايق ب20 جنيه وبيجيب الصوره رايقه بس بصراحه مش ثابته بتقعد ساعات تبقي رايقه وساعات تووويش
علي العموم لو ركبتها ولقيت الصوره نضيفه يا ريت تقولنا علشان انا عايز اركبهاااااااااا
شكرا علي المعلومات
والله في واحدة معاها جالينا لونها فضي تحفة بتركن ادام البنك عندي و انا همووت على العربيه اللي معاها .... بس يا شباب انا نسيت اسألكوا صحيح ....!! هي ضريبه الجالينا في المرور بكام في السنه ..؟؟؟
في واحد معايا في الشغل فتالي و قال ضريبه الــ2000 الجديد حوالي 1500 جم انا بصراحة كان معايا اوبل 2000 cc بس كنت بدفع حوالي 600 جم في السنه ... يا ريت حد من الشباب يفيدني بالمعلومه دي .
والله الاتنين جامدين بس انا بالنسبه ليا مركز مع الجالينا اكتر ..!!!
:)