يا ريت يا استاذ احمد نور الدين تقولنا الضريبه كااااام ؟؟؟؟؟؟
عرض للطباعة
يا ريت يا استاذ احمد نور الدين تقولنا الضريبه كااااام ؟؟؟؟؟؟
بص يا ريس انا رخصت اول مره بالتامين وتامين اللوحات وكله حوالي 1500 جنيه
تامر يا اسلام اول ماهركبها هاقولك
ما شاء الله ربنا يبارك لك فيها وسعرها كده بقي كويس جدا
بس المشكلة في الي اشتري في 2008 ب 170 الف
هو اعلي سعر ليها كان 156000 اللي انا اشتريته ب 112000 يعني فرق 44000 بصراحه فرق يقطم ربنا يكون في عون اللي اشتري بالسعر القديم
10000000 شكر يا نور بييه .....
انا يا جماعة فتحت كل موقع على الانترنيت و اليوتيوب و crash testing و جمعت معلومات مش بطاله عن الجالينا او الــBS6 زي ما بيسموها في اوربا .... والحمد لله نسبه الايجابيه في المعلومات اكبر بكتير من نسبه السلبيات .... كدا باقى صلاه الاستخاره و نتوكل على الله بس الدنيا تهدا شويا و نتوكل على الله و دي هتكون اول تجربه مع الصيني :))))
انصكوا بالتامين على العربيه يا شباب ... الجالينا جابت 52% في اختبارات التصادم الاوروبيه adac و دي نسبه مش كويسه و جابت نجمه واحده من اصل خمسه في التصادم الجانبي .... مثيلتها الكوري و الياباني " cars class b " ودا تصنيف السيدان المتوسطه اللحجم و 4 سلندر جابوا 67% - 78% اما الالماني فكان من 72% - 80% و السويدي 79% - 89% و دي سيارات الفولفو و الساب و هي اعلى تصنيف امان على مقياس الــ adac و ربنا الي بيسترها يا شباب
بالمناسبه البريليانس سبلندور فشلت في اختبار التصادم الامامي و الجانبي و كان افضل نسبه امان ليها 42% و دي نسبه مرفوضه في اوربا يعني البوليس راكب نعوش طائره ...!!
و انصحكوا تروحوا على موقع اسمو catalogscars و تشوفو الجنوط و الصالون و المرايات الجديده كلياً لل جالينا 2012 في اوربا
الجير بوكس steptronic - في شاشه بيانات في الداش بورد زي شاشه الاكتافيا و الجيتا - المرايات الجانبيه بها اشارات - التابوووووه بقا يجنن .... متاخد من الــBMW 330i بنفس الخطوط الرئيسيه ...!!
احسن حاجة تشوفو بعنيكوا ... و الصور دي هتعجب اسطوره اوي لان عربيتو اجمل عربيه في الجروب " بسم الله ما شاء الله و اللهم لا حسد"
http://www.catalogscars.com/2012/05/...lena-2012.html
معلش .. انا قصدي catalocars
اسكت يا استااااذ معتصم متحصرنيش لاني بعت العربيه وزعلت عليهااا اووووووووووووووووي
وزعلان علي الصالون اووي لانها عمرها متعبتني في حااااجه بس انا اتبطرت وقولت اركب 2011
ولا يهمك يا اسطوره بيه.... وانشاء الله تجيب احسن منها و ربنا يملهالك خير انشاء الله ....!!
على فكره يا نور بيه .... العربيه دي ضريبتها في السنه 1100 جم بالضبط بعد خصم اللوحات و غيره .... انا سألت موظف في المرور و قلي ان العربيه دي تصنيفها " 2000 cc محلى الصنع " دي ضريبه ارخص من مثيلاتها الجاية من بره بحوالي 500 جم ... و دي معلومة مشجعة و حلوه و رييت اكون افدكوا يا شباب .
على فكره يا اسطوره بيه ... اللى يركب الماني يتعلم درس مهم اوي ... اوعا تبيع عربيتك الا لما تفتح منك في الصيانه و طبعا او لو قدم موديلها اوي لييه بقى ...؟
1- لان كل العربيات اللي في السوق سرقا الافكار و الاوبشان من الالماني "القديم" اللى معاك و مغليه تمنه ... يعني مثلاً مثبت السرعة و الــABS كان موجود في المرسيدس 280 من ايام موديل 1983 و الــ injection كمان ..... النهرده العربيات الكوري و الياباني و الصيني و بعد اكتر من 25 سنه يبعلك موديل فيه مثبت سرعة بس بدون ABS و العكس و يزود في السعر و دا مثال بسيط على انك راكب الكويس و المتين و بأرخص من الجديد التعبان .
2- العربيه الي معاك durable يعني معمره ... و دا عكس السياسيه الحديثة اللي بتدعوا للاستهلاك يعني العربيه من دول صحبك و لا اخوك الصغير يجيبها بعدك بستنين تلاته و يستعملها زيك بالضبط و تدوب منو و يبقا شكلها اقدم من عربيتك القديمه اصلا و ممكن يبعها قبلك كمان علشان بدات تتعب منه.
انا بايع الــopel vectra يا اسطوره بيه فبريكه برا و جوا بعد كل الاستعمال دا ... و مكنش اللي بيشتري مسدقني لحد م شاف بعنيه ...!!
الجوهر في كيفيه استعمال السيار و في استخدام قطع الغيار الاصليه و صدقني دي حقيقة انا لمستها .... لما تستعمل العربيه بما يرضى الله و تعامها زي عيل من عيالك و تجبلها احسن حاجة في السوق " حسب الاماكانيات طبعاً" صدقني مش هتخسر في بيعها اكتر من ركوبتك ليها و بنزينك...
دا غير الارتباط النفسي بقا ... انا قعت زعلان يومين بعد ما بعت العربيه مع اني بيعها مادياً كويس جداً ...!! و حلفت صاحبها الجديد يستمر في صيانتها زي ما كنت بعمل و اديتوا كمان حجات كنت فكيكها منها علشان م عاجبني شكلها مع انها كانت شغاله مثلا " فانوس خلفي فييه نقره حصا صغيره - مرايه بها خدوش كتير شويه - لمبات فانوس امامي وات صغير" و هكذا ... القصد من كل الرغي دا يا اسطوره بيه ان عربيتك مدام مريحاك م تبعش ابداً..
:)))))
طيب سؤال يا معتصم بيك انت بعتها ليه ؟
الصور الجديده تحفه جدا جدا يخرب بيت كده منك لله زعلتني يا ريتني كنت استنيت بس انا اللي شجعني اجيب العربيه ان موتورها ميتسوبيشي وسمعت ان الموتور الجديد صيني
يا نور بيه متزعلش
الجالينا الي في الصور نزلت خلاص من بدري بس في اوربا مش في مصر ....
وعلى فكره مدير مبيعات الفرع الرئيسي اكدلي ان أخر سنه هتنزل فيها الجالينا هيا السنه دي ... يعني انتا اشتريت اخر الشكل .. و دي ميزه كبيره جداً لما تيحي تغير و تبيع used
المهم بقا ......
مين عاوز كتالوج الجــــالينــــــــــــــ ـا .......؟!!
انا مش عارف اشير الكاتالوج ... يا ريت لو حد يساعدي لو سمحتم
مالهاش حل الصور فعلا عربيه جميله ورائعه
باشا ارفعها علي ميديا فير
ايه ميديا فير دا .... انا مبفهمش حاجة في الموقع دا ... معلش اتحملني شويه !!
عندى سؤال للاستاذ أحمد أنا عندى جالينا 2012 و فى حاجتين عاوز أسأل عليهم؟
1-الحرارة بتاعت المعدن اللى جنب الفتيس دايما مرتفعة أوى و بتسخن و مش عارف اذا كان ده طبيعى ولا لأ؟
2-الشاشتين اللى ورا لما بيشتغلوا مع بعض بيبقى فيه خطوط بيضة بتروح و تيجى و الصورة مش بتبقى واضحة، مش عارف اذا كان ده موجود عندك ولا لأ و شكرا.
بالنسبه للسؤال الاول بتاع قطعة المعدن ده طبيعي جدا وده بسبب حرارة الشكمان ممكن تركب عازل بين الشكمان والعربيه وبالنسبه للسؤال التاني هاشوف الموضوع ده عندي وارد عليك لكن ممكن تتصل بضمان فيديو باص
والعازل ده بقي نجيبه منين؟؟
عارف يا باشا الناس بتوع المداخن او بتوع الادوات الصحيه وممكن تلاقيه عند الناس بتاعة فرش السيارات اسمه صوف
زجاجي وبيبقي عليه طبقة زي ورق الالومنيوم كده وموجود اعتقد كمان عند جينز كار
طيب ده لما يتلف حوالين الشكمان مش ممكن يتحرق؟
لا يا باشا هو معمول عشان كده اصلا دي نفس الماده اللي بيبطنوا بيها فرن البوتاجاز بتاع البيت لو عندك بوتاجاز قديم
هاتشوفه وبيتبطن بيها المداخن
ازيك يا نور بيه .... ازيك يا اسطوره بيه .. والله و حشتوني اوي....
ايه اخبار الكاتالوج يا نور بيه ....؟!
يار ب تكونوا كويسين ..!!
يا باشا كله تمام ونا احسن بوجودك الكتالوج ممتاز بس للاسف ده البروشورات بتاعة العربيه مش الكتالوج انا كان نفسي
في الكاتالوج بالعربي اللي هو شرح مواصفات العربيه واستخدامها وكده
يا ريييييييييييييييييييييييت الاستاذ el_lod_81 يقولنا عن تجربته مع الجالينا ورايه فيها وملاحظاته عليها علشان كلنا نستفيد
وربنا يبركلك فيها ويديك خيرها ويبعد عنك شرها يارب
معلش ياجماعة يعني محدش يزعل مني كل واحد وليه وجهة نظره واحنا في دولة ديمقراطية
انا شيف ان التقرير دة تقرير تعبان جدااااااااا وميستهلش انه يتم تثبيتة فالمنتدي مع احترامي للجميع ومحدش يزعل احنا اتفقنا لاني مش بحب الخلافات خالص
التقرير يفتقد للمواصفات الفنية المهمة للسيارة والتسارع والهورس باور والنيوتن والحركات دي ودرجة السلامة في اختبارات السلامة المعتمدة للسيارة واستهلاك السيارة للوقود وسعر اعادة البيع وكدة ...... انا شايف ان الكلام كلة علي القعدة والكهرباء الي في الكرسي والابانوس الي كان في التابلوة وشكل الفانوس الامامي والفامية الخلفي .......... ولا انا مفهمتش الموضوع كويس
وبعدين يا جماعة العربية في سعر اعادة البيع ضايعة .... يعني انا اشتري عربية وبعد سنة ابيع اخسر فيها لا يقل عن خمسة 20 الف جنية ماهي عربية صيني ولا مأخذة
معلش يعني انا اية الي يجبرني اشتري عربية صيني ارمي فيها 110 الف جنية هوا انا فلوسي حرام
في الوقت الي شركة نيسان سامعين انا بقول اية ...... اقول تاني يمكن محدش سمع
شركة نيساااااااااااااااااااااا ااااااااااااااااااااان يا جدعاااااااااااااااااااااا ااااااااااااااااان
منزلة موديل جديد اليومين دول من النيسان صني 2012 جبارة وواسعة وسع السنين والتنين واستهلاك للوقود قليل جدا وفرامل اية بي اس واثنين ايرباج وسير كاتينة جنزير وبتقول ماما وبابا
وسعرها 99.900 جنية الاتوماتيك
واسمها نيسان صني يعني لو ركبتها وجيت تبعها بعد سنة يمكن تجيب الفلوس الي اشتريتها بيها من غير ما تخسر مليم واسمها نيساااااااااااااااااااااا ااان
الرحمة ياجدعان
مش تقولولي بنتكلم بموضوعية والي عاوز يدخل الموضوع يدخل وطلع عينينا عشان التقرير يتكتب عشان الاستاذ احمد كان عندة ظروف ربنا يقوية ويعينة عليها
علي فكرة انتوا مبتتكلموش بموضوعية خالص عن العربية دي لو بتتكلموا بموضوعية يبقي مكنش حد اتكلم عن العربية دي اصلاً
مع احترامي للجميع
اولا بشكر الاستاذ معتصم لانه هو اللي بعتلي البروشورات اللي ممكن تشوفوها من اللينك اللي انا نزلته
ثانيا بالنسبه للاستاذ mozalol حضرتك طبعا ليك الحريه في رايك سوراء رايك في التقرير او رايك في العربيه نفسها
واعتقد ان بعض النقط اللي حضرتك قلت انها ناقصه من التقرير هاتلقيها في البروشور
شكرا مره تانيه للاستاذ معتصم وتحياتي لحضرتك
بالنسبه لاعادة البيع ردي علي حضرتك ان اي عربيه زيرو طالما علقت نمر بينزل سعرها جامد الحكم علي السعر بيكون بع اربع خمس سنين مثلا زي كده
http://www........cars.com/UsedCars_...p?CarID=858655
http://www........cars.com/UsedCars_...p?CarID=859729
بمفارنة الصني سوبر صالو بالفئه مودرن من جالينا اللي تمنها زيرو 99900 اعتقد ان الفرق مش رهيييييييب للدرجه