الموضوع: فورد فيستا 2012 أو بيجو 207 ....Ford Fiesta or Peugeot 207

المشاركة الأصلية كتبت بواسطة israa17

شكرا لرد حضرتك , بس أنا بصراحة عاجبني شكل الفيستا أكتر من الإتنين ...... فيه حاجة في امكانيات الابيزا أو الكورسا أحسن ؟؟؟ .... أنا سمعت إن الابيزا مبالغ فيها و متستاهلش و الكورسا مسمعتش عنها حاجة ...

بما ان الشكل ازواق انا بصراحه مش متقبل شكل الفيستا خالص :D و كنت هقولك ده اكبر عيب فيها

الابيزا احسنهم تسارع علشان الفتيس ال dsg و كان فيه عيب الاول الفتيس ده بس اتظبط و ده بيخلي العربيه تتطلع من 0-100 في 10.7 ثانيه عربيات كتير في فئات اعلي محققاش الرقم ده بس خامتها الداخليه فقيره شويه بس شكل التابلو مش وحش و التوكيل كويس جدااا و الشكل الخارجي انا شايفه احسنهم و كمان اقتصاديه في البنزين

الفورد 96 حصان شكل الصالون لو بينزل مصر كده هايكون تحفه فيها مصدات جانبيه للحمايه عند التصادم و فيها نظام تشغيل مصابيح النهار DRL و الفتيس بتاعها power shift لسه ماتجربش بس. الناس قالت ان اداءه كويس اوي علي السرعات العاليه و علي السرعات البطيئه فيه زي نتشه بس برضه ماتجربش بالشكل اللي هو بان العربيه لسه جديده
و التوكيل كويس جداا برضه

الكورسا 90 حصان فتيس عادي مفيهوش قلق عكس الاتنين التانين فيه ناس ما زالت بتقلق من انهم بجربوا فتيس جديد او فتيس كان فيه علي كلام قبل كده و الشكل انا شايفه كويس جداا ممكن احسن من الابيزا كمان و مناسب اكتر لبنت و برضه نظام تشغيل مصابيح النهار DRL و شكل الصالون احسنهم بس التوكيل سئ جدا جدا جدا جدا

المشاركة الأصلية كتبت بواسطة mohamed5800

حاولى تفكرى فى فيات بونتو ايفو عربية حلوة جدا وكماليات اكتر من اللى انتى مختارها وبتقولى عليها وكمان الناس بقت بتثول ان التوكيل اصبح كويس وممكن تخشى قسم فيات واقرى موضوع عنها هتلاقيها عربية تحفة وهتغيرى رائييك سريعا

هي عربيه حلوه اه كماليات اكتر ماعتقدش فيها حاجه زياده و التوكيل لسه برضه سئ و هايتسحب من اوماترا غالبا قريب :)
ب العربيه دي مصنفه انها فئه اقل لانها 77 حصان لاكنها عربيه محتمه جدا و شكل داخلي و خارجي كويسين ووسائل امان ممكن تلجالها لو حبي توفر فلووس :d :d و هتكون اختيار كويس و ممكن تتخلي عن التوكيل بالصيانه بره خاصه العربيه صيانتهامش صعبه

فعلا ممكن الفيات ايفو
والاختيار الفورد لو مش فيات
مجرد راي شخصي

المشاركة الأصلية كتبت بواسطة mohab.nabil

اوبل كورسا هاى لاين .. فيها كل حاجة .. سقف بانوراما .. جنوط 17 .. Abs .. 2 airbags .. صالون لونين شكله جميل جدا

دا لو التفكير فى حاجة اوروبية

و ممكن كيا ريو هاى لاين برضو شكلها حلو و مليانة اوبشنز و توكيل محترم

فعلا كورسا عربية حلوة بس يعيبها توكيلها سيء جدا تقريبا أوحش توكيل في مصر ...... و ده اللي مخوفني منها ......

المشاركة الأصلية كتبت بواسطة mody3on

فورد فييستا اكيد , اكتر عربية في فئتها fun to drive , شكل جميل وعوامل امان ممتازة وموتور مش وحش ومش ضيقة , وهي اكتر العربيات مبيعا في انجلترا , اعتقد بتنزل ب 4 ايرباج و abs و ebd و eba , مرايات ضم ومثبت سرعة بس مش عارف في سينسور بارك ولا لا , جناح خلفي , حساس مطر , بلوتوث و aux , بتنزل بفتيس اوتو عادي 4 سرعات مش باور شيفت , فوج لايت , نظام easy fuel , كمبيوتر رحلات , تكييف تاتش , 6 سماعات
ينقصها فتحة سقف بس وتبقى ممتازة

شكرا لمشاركة حضرتك حمستني أكتر و هي فعلا أكتر عربية عجباني ومرتحالها فيهم ..... اعتقد إن الفورد مش واخدة حقها كويس في مصر بس ....