بيجو 207 أو أوبل كورسا أو فورد فيستا

**Mohamed_Nafie** · 07-11-2011 04:07 AM

السلام عليكم ورحمة الله

أنا كنت ناوي باذن الله أشتري عربية في حدود 130 ألف..
وكنت ناوي ع السيات اببزا بس الناس خوفتني أوي من حوار ال DSG ومشكله في مصر بذات .. فـصرفت نظر عنها

ودلوقتي بفكر في بديل ليها محصور في التلاتة دوول وطبعا لو في حاجة بره دول كمان يا ريت يتذكرو..

أنا صرفت نظر عالال عربية الاتية عشان الأسباب دي

- بونتو ايفو - التوكيل حدث ولا حرج ..
- هيونداي i30 - بصراحة مش عايز كوري ...
- نيسان تيدا - التابلو مش عجبني وبحس إن العربية مش متقدمة نهائيا من جوه .. بس ممكن أعيد التفكير فيها ...

أنا عايز العربية تكون شبابية وتكون هاتش باك ويكون فيها كماليات كويسة.

ويا ريت من فضلكم اللي يختار عربية منهم يقولي ليه هوا اختارها ويذكر رأيه الشخصي فيها سواء من الاختيرت المتاحة أو عربية من بره ..

ونشكر سيادتكم.. :)

**Mohamed_Nafie** · 07-11-2011 04:26 AM

ملحوظة : ممكن برده عربية سيدان لو شكلها رياضي ..

**mody3on** · 07-11-2011 04:49 AM

ممممم .. هاتشباك وشبابية ومش كوري .. صعبة شوية دي :d
هو احسن اختيار في متطلباتك دي هو البونتو ايفو طبعا .. بس انت مش عايزها علشان التوكيل .. مع انك ممكن تتعامل مع مراكز بره التوكيل .. ومفيش توكيل في مصر عدل
طب ممكن تفكر في جولف مستعملة ؟
لو سيدان يبقى سيراتو كوبيه شكلها رياضي واوبشن حلو بس كوري .. الاختيارات صعبة

**Hosam_Optrawy** · 07-11-2011 02:04 PM

توكيل اوبل برضه مش حلو

البيجو موتورها اقوى من الفييستا واعتقد اوسع شويه بس معرفش حاجه عن توكيلهم

ممكن كمان تفكر فى الميجان

المشاركة الأصلية كتبت بواسطة mohamed_nafie

ملحوظة : ممكن برده عربية سيدان لو شكلها رياضي ..

مازدا 3

**omar-saad** · 07-11-2011 08:06 PM

الفورد فيستا تحفة فعلا
رغم انى من عشاق ال207
بس وجيه اباظة برضه زى اوماترا

**Mohab.Nabil** · 07-11-2011 08:51 PM

السيراتو الكوبيه او citroen c4 او citroen c3 1600 ..

**Mohamed_Nafie** · 10-11-2011 03:39 AM

انا شفت الميجان الجديدة النهردة وبصراحة عجبتني أوي... محدش يعرف عنها حاجة.. مش لاقي أي حاجة عنها خالص هنا في المنتدى .. كل اللي أعرفه سعرها وهي ثلات فئات e2 و e3 و حاجة كمان ... اقلهم ال e2 بس معرفش عنها حاجة خالص .. وهي ب 135 ألف... فا ممكن يبقى في امل فيها ... ممكن حد يدلني أعرف عنها منين ؟؟

**TOOLA** · 10-11-2011 11:20 AM

ركز مع المازدا 3 شوية, هتفرق عن الباقى بس مشكلتها الوحيدة لو انتا من هواة الجرى على سرعات عالية, العربية بتفصل على 180 و تنزل السرعة (و طبعا هتقابل مشكلة غلو قطع الغيار و سعر اعادة البيع) لكن على الاقل أفضل من البيجو و البونتو فى موضوع اعادة البيع.
عموما البونتو ايفو مع زميلة فى العمل عربية شيك من الخارج و من الداخل اداء الموتور يكفى العربية لكن مش ممتع, يعيبها التوكيل و كمان مشكلة معرفش عامة ولا عندها هى بس و هو سوء اداء التكييف و فشل التوكيل فى حل هذه المشكلة, و للعلم قطع الغيار غالية بردو, تيل الفرامل ب 650 ج

**Mohamed_Nafie** · 10-11-2011 05:09 PM

هوا عامةً أنا مفكرش في البيع عن قريب نهائيا .. أنا عايز العربية تعيش معايا على الاقل 5 سنين مع الصيانة الدورية طبعا .... أنا كده كده مش بفكر في البونتو خالص... وسعر اعادة البيع مش فرق معايا... حاليا أنا مستقر على البيجو لغاية لما أشوف الرينو ميجان ... حضرتك عندك فكرة عنها ؟

وشكرا لرد حضرتك :)

مشاهدة نتائج الإستطلاع: أي من هذه السيارات تختار ولماذا ؟

الموضوع: بيجو 207 أو أوبل كورسا أو فورد فيستا

LinkBack

أدوات الموضوع

عرض

-

-

-

-

المواضيع المتشابهه

فورد فيستا 2012 أو بيجو 207 ....Ford Fiesta or Peugeot 207

(سيات ابيزا ، فورد فيستا ، اوبل كورسا ، فيات بونتو افو ) أرجوكو ساعدوني على الاختيار

أرجوكو ساعدوني على الاختيار (سيات ابيزا ، فورد فيستا ، اوبل كورسا ، فيات بونتو افو )

./ أوبل كورسا 2004 -ولا- بيجو 206 مو2001 -ولا- ستروين c3 مو 2003

./ أوبل كورسا 2004 -ولا- بيجو 206 مو2001 -ولا- ستروين c3 مو 2003

الكلمات الدلالية لهذا الموضوع

المفضلات

المفضلات

ضوابط المشاركة