تساؤل محير

**احمد محمود** · 09-05-2012 12:34 AM

انا امتلك سيارة نيسان صني واقيم بمحافظة القاهرة وكانت الامور جيدة الي ان فولت بنزين 92 ولك بعدها شعرت بان العربية متكتفة ومتسحبش زي الاول بنسبة بسيطة هل ده كما قال لي احد اصدقائي بان البنزين مغشوش ولا رواسب به ارجو الافادة من صقور نيسان

**Dr'AhmZZong** · 09-05-2012 12:41 AM

لو حصل كده بعد مافولت على طول يبقى في مشكلة في البنزين انه يبقى مغشوش .. أو سوق تخزين ..

اتمنى إني اكون افدتك .. خد بالك حضرتك أنا اسمي برده أحمد محمود هههههههههههه ..

تقبل تحياتي ..

**Dr'AhmZZong** · 09-05-2012 12:47 AM

المشاركة الأصلية كتبت بواسطة احمد محمود

والله طمنتني يا استاذ احمد بس اعمل ايه دلوقتي انا مخنوق ولسه التنك مليان

أنا سمعت إن التوكيل ممكن يفضيه ..

بس أنا نصيحتي إنك تصبر لحد مايخلص .. هتعمل إيه يعني .. معلش

**Dr'AhmZZong** · 09-05-2012 12:54 AM

المشاركة الأصلية كتبت بواسطة احمد محمود

معلش تساؤل اخر هل ممكن ده يسيب اثر ما علي العربية وبعد وضع بنزين جديد وهل في اي اجراء ممكن اتخذه لتفادي الوضع السئ ده مستقبلا

عموما حضرتك حاول تستنى لغاية العربية ما تشطب خالص بنزين و بعد كده فول تاني تمام ..

لما تفول هات حاجة اسمها منظف ingection من ليكوي مولي .. و حطه على التفويلة و إن شاء الله هتلاقي نتيجة احسن ..

**_hema** · 09-05-2012 01:13 AM

المشاركة الأصلية كتبت بواسطة احمد محمود

انا امتلك سيارة نيسان صني واقيم بمحافظة القاهرة وكانت الامور جيدة الي ان فولت بنزين 92 ولك بعدها شعرت بان العربية متكتفة ومتسحبش زي الاول بنسبة بسيطة هل ده كما قال لي احد اصدقائي بان البنزين مغشوش ولا رواسب به ارجو الافادة من صقور نيسان

على فكره لو البنزين فى مشكله العربيه مش هتمشى
بمعنى لو البنزين مخلوط بميه العربيه هتنش وتقف ومش هتمش خطوه وكل متحاول تمشى بيها هيحصل كدا

الموضوع دا حصل فى عربيتى القديمه لغايه الميكانيكى مسلك ابره الكاربراتير
فاحتمال ان الانجكشن عايز يتنظف ممكن يكون فيه شوائب دا احتمال
وبعدين حضرتك البوجيهات اللى راكبه بقالها قد ايه

والعربيه اتوماتيك ولا مانيوال

ولو مانيوال عامله كام كيلو
لان من ضمن احتمالات عدم السحب اسطوانه الدبرياج