طمنونى على النيسان X Trail

**mohamedloza** · 09-05-2012 01:35 AM

السلام عليكم ورحمة الله وبركاته

أخوانى فى قسم نيسان

ياريت لو أعرف رأيكم فى النيسان X Trail بصفة عامة
انا شفتها واتفرجت عليها وبغض النظر عن شكلها الخارجى شايف أنها عجبتنى
كمان السبع بيبيعها ب 225 ألف ومعها أوبشن زيادة زى الجى بى اس وبلوتوث وانذار وكاميرا خلفية ودى فى دى وشاشات فى الكراسى

أتوكل على الله وأشتريها ولا رأيكم ايه؟
علماً بأن ديه هتكون أو مرة أركب نيسان

فى انتظار ردودكم فى أقرب وقت

**Bishoy.Girgis** · 09-05-2012 01:48 AM

كعربية كويسة جدا
لكن حضرتك ايه استخدامك اليومي لشراء اكستريل ؟؟؟؟
عشان ممكن نساعدك في بدائل ..

**S O P H O S** · 09-05-2012 02:11 AM

متابع ....

**Dr'AhmZZong** · 09-05-2012 02:23 AM

المشاركة الأصلية كتبت بواسطة PeaceMan

كعربية كويسة جدا
لكن حضرتك ايه استخدامك اليومي لشراء اكستريل ؟؟؟؟
عشان ممكن نساعدك في بدائل ..

**horas3000** · 09-05-2012 01:19 PM

عربيه بشكل عام كويسه
و معظم الشكاوي منها بتتمحور في العزل اللي مش كويس قوي (عيوب التقفيل المصري) و العفشه الناشفه (شيئ طبيعي في الفئة دي)
و كنت سمعت ان في ناس قابلت مشاكل في المساعدين و ان نوعهم مش كويس و مش بيعيشوا بس انت عارف الكلام كتير فاللي يقدر يفيدك اكتر حد من ملاكها

لكن المشكله ان نزل منها شكل جديد من سنه دلوقتي و مش معروف هيوصلنا و لا لا

**Inteltech** · 09-05-2012 01:41 PM

خير الكلام ما قل ودل : ابعد عن العربية دي لو بتدور على راحة ورفاهية ، وابعد عنها لو بتدور على قوة تحمل وقوة دفع 4x4 وسيطرة،عندنا في الشركة كان منها والحمد لله اتباعت بعد 8 شهور وكافي كده لان في اختيارت احسن منها ويارب يوفقك لما فيه الخير.

**mohamedloza** · 12-05-2012 05:03 PM

مشكورين جميعاً على الرد
انا أول مرة هركب نيسان زى ما سبق وقولت
احتياجاتى بسيطة الشغل كل يوم وسفر اسبوعين ثلاثة فى الصيف مع الأسرة
كبرت على الجر والذى منه فأنا عاوز عربية تشيل الأسرة برحابة ورفاهية
بس انا مشكلتى أنى طويل بزيادة حبتين وكمان مليان شوية فلازم العربية تكون واسعة أوى مش واسعة بس
وعالية طبعاً عشان انتوا عارفين مطبات مصر عاملة ازاى
حاسس ان Xtrail قوية وانا استخدامى للسيارات نظيف يعنى مش همرمطها واكيد هتابع صيانتها أول بأول
ياريت تطمنونى أكثر على قطع الغيار ومدى توافرها وأسعارها واستهلاك البنزين والتكييف ومثلاً الصاج من بره وقوة الموتور

وياريت حد يقولى الشكل الجديد ده هينزل امتىومميزاته شكل بس ولا هيغيروا حاجة فى العربية كمان؟ عشان لو قريب استناه شوية وهيبقى بكام عشان أنا أخرى فى الفلوس لحد 200 ل 230 بالكتير
لو فيه اختيارات أفضل بالرقم ده ياريت تقولولى

مشكورين مرة أخرى على الاجابة

**mody3on** · 12-05-2012 05:18 PM

عفشة العربية مش هتناسب حضرتك خالص ما دام هتستخدمها في المدينة وطرق عادية مش سفاري وصحرا وكده , حضرتك ممكن تجيب كيا سبورتاج هايلاين واسعة وعالية وعفشة ملتي لينك وثبات كويس بس مش 4*4 , وفي اختيارات تانية بس سيدان مش suv

-

الموضوع: طمنونى على النيسان X Trail

LinkBack

أدوات الموضوع

عرض

-

-

-

المواضيع المتشابهه

يا كياويه طمنونى

طمنونى الله يطمنكم

طمنونى الله يكرمكم فى a4

طمنونى يا رجاله الهوندا

طمنونى الله يخليكم

الكلمات الدلالية لهذا الموضوع

المفضلات

المفضلات

ضوابط المشاركة