الموضوع: شكمان الشارك مشكله كبيره

فى الشكمانات العاديه وصله مرنه وتسمى ( الياي او اللى ) ودى علشان تاخد وتدى مع حركة الموتور ولا يتم كسر الشكمان لان الشكمان لو حته واحده من الاول للاخر سينكسر لان الشكمان ثابت والموتور يتحرك اثناء المشى او الشد او تدوير السياره وفى نهاية الشكمان من ناحية الفرن يتم الربط بمسمارين او ثلاثه ويوضع بينهم حاجه اسمها ( كحكه ) لاحكام تسريب العادم وذلك لعدم خروج صوت مزعج وعالى ملحوظ وعدم سخونية الموتور فى هذه المنطقه وهذا العادى فى كل السيارات ـــــــــــــــــــــــــ ــــــ اما فى الشارك بقى شكمان حته واحده للاخر والكحكه هى الياي فى نفس الوقت يعنى لازم الكحكه تكون محكمه وفى نفس الوقت لازم يتحرك عليها الشكمان دون ان يتم تنفيس فكيف ذلك وهذا ما حصل عندى اليوم لما فكيت علشان اغير الكحكه ما لقيتش نفس المقاس فعملت نفس المقاس على المخرطه حديد فى حين ان الاصليه عباره عن سلك ناعم مضغوط وده الطبيعى لان بيتم عليا حمل الشكمان كله يعنى بمعنى انها بتشتغل زى بليه كده وماسورة الشكمان متحركه عليه فى نطاق دائرى تقريبا حوالى من 7 الى 8 ملى ـــــــــــــــ بعد ماركبت الكحكه الحديد الصوت طلع بعد مشوار واحد واكتشفت انى عايز الاصليه بس يا ترى لو جبت الاصليه هتركب فى مكانها ولا يكون مكانها وسع من الجلبه الحديد فياريت تدلونى على الاصليه منين اجيبها حيث اننى كل يوم فى بلد شكل

المشاركة الأصلية كتبت بواسطة فتح الباب

يعنى انا اول واحد يمر بهذا العطل ده ايه النحس اللى انا فيه ده عموما هشوف الدنيا هتمشى معايا ازاى وابلغكم للاستفاده العامه واشكركم على التفاعل السريع . تحياتى لحضراتكم