-
السلام عليكم
ممكن افهم ليه شركة ميتسوبيشي نزلت المايفك دا طالما مش بيركب على عربيتها
على حسب ما انا فاهم ان كل موديل من الميتسوبيشي ليه موتور مايفك يركب عليه
زي الكريستالة والموكواة والشارك فأكيد هيبقى فيه للبومة (مجرد استنتاجى الشخصي)
طيب القواعد الـconvert دي بتتركب على الاخرام الموجودة فى جسم العربية بس بتبقى اطول او اعرض مثلاً عشان تتلاءم مع ابعاد الموتور المايفك أنا فاهم صــح؟!
ولو صح مش دا يبقى خطر على الموتو لانه مش هيبقى محكوم اوي زي الموتور الستوك
وبالتالى هيبقى الحمل مش متوزع صح على حوض العربية وممكن يأثر على الشاسيه
-
انا كلمت tps garage وده مشهور للتعديلات والشغل ده
وسألت علي ماتور مايفك 1600 قالي موجود ب 8 الاف ج بالفتيس بكل حاجه بالقواعد ... وسألته ينفع يركب قالي اه يركب مافيش مشاكل مع اللانسر 2006
انا عارف ان tps غاليين جدااا .. ف كده سعره عالي اكيد صح ؟ ممكن مثلا الاقيه في حته تاني ارخص ؟
-
انا كمان كلمت tps وقاللى ان البومة يركبلها 2000 او 2400 سي سي بس الـ 1600 مينفعش فى البومة
وسألته على تكلفة ال2000 سي سي قاللى ان الموتور بالعفشة بكله 7000 جنيه والمصنعيات 1200 بخلاف سيور وفلاتر على كلامه كله هيبقى حوالى 9000 جنيه
روحت لصاحبي الكهربائي واللي متربي اصلاً فى الحرفيين كلملى واحد صاحبه شغال فى التسقيط وقاللنا ان الـ1600 يركب فى البومة بس هيحتاج قواعد مخصوصة ولو كان الـ2000 هيركب من غير اي تعديل فى القواعد
المهم قاللى ان الحوار من اوله لاخره ممكن يدخل فى حدود 6 أو 7 بالكتيير شامل كل حاجة بما فيها المصنعيات وكمان الشاى ونويت كمان احتفظ بالستوك كاملاً عشان لو حبيت ارجع واركبه مرة تانية
فنويت اتوكل على الله وادوس فى الحوار دا وهنزل اسأل على المايفك 1600 وبعدين نتوكل على الله ونبتدى ويا مسهل الحال يارب
-
-
حاول بس تنقلنا اخبار التسقيط اول بأول
وربنا يوفقك
-
السلام عليكم
السلام عليكم
إن شاء الله هنقل كل حاجة بالتفصيل والصور والفيديو كمان
انا نازل السبت ان شاء الله ادور على المكنة
ادعولى ربنا يكرمنى ويوقعنى فى واحدة نضيفة
-
نصيحة أخ كبير إشترى نفسك و وقتك وصحتك وأعصابك وفى الأخر فلوسك وسيبك من الحوار ده
عشان هاتعيش فى مشاكل للعربية طول الوقت .
لو عايز عربية اقوى يبقى تشترى عربية تربو اوريجينال وبعدين تعدل فيها .
-
السلام عليكم
ليه بس يا tfsi هتقلقنى ليه بس من الحوار دا
التسقيط هيبقى للموتور بحاجته كاملة (موتور وضفيرة وكنترول وعفشة وفتيس وقواعد وشكمان والفرامل السكاكين) يعنى كله تبع بعضه مش هجمع حاجة من عربية وحاجة من عربية تانية
يعنى اكنى هاخد شاسيه العربية بالصاج بالصالون واركبلها كل الات الجر والتعليق والفرامل
كمان انا هخلى الموتور وكل القطع الستوك اللى هخلعها من عربيتي ومش هبيعها عشان لا قدر الله الحوار مظبطش هرجع الستوك وابيع المايفك
وتبقى خسارتى حنينة
إلا اذا كان ليك تجربة فى الموضوع دا
-
أنا عمرى فى حياتى ما عملت تسقيط مكن لأنى مش مقتنع بيه لكن كل التجارب اللى شفتها فعليا على مدى 17 سنة فى كل ماركات العربيات نسب فشلها كبير جداً وهاتحرق دمك وكل يوم فى الحرفيين وتبقى تحت رحمة صنايعية طول الوقت ولو كنت عامل حسابك تصرف 8000 هاتوصل ل 15000 ومش هاتنبسط .
الأحسن تبيعها وتجيب حاجة تربو 1600مستعملة وتعدلها براحتك غير كده ضياع وقتك وصحتك وأعصابك وحرق دمك وفى الأخر فلوسك
-
بص يا سيدى هو الافضل فى رايى طبعا مايفيك بس الاحسن يا اما مايفيك 1.6 او 2.4 و ده بيتحدد على حسب عربيتك حوضها يركب فيه ايه من الاتنين عموما ال 1.6 175 حصان يعنى احمى و اسرع بس بياخد بنزين 95 -وده دلوقتى مخوفنى حتى فى عربيتى باذن الله اللى ناوى اجيبها مستنى اعرف الحكومه هترسى على ايه لان لو اتشال الدعم من ال 95 هينط من 3 جنيه ل 7 جنيه و السعر ده شبه مؤكد للاسف - بالنسبه لل 2.4 فده 165 حصان و بياخد بنزين 92 فى رايى ده احسن و خصوصا انه لو فى فتره عوزت تعدل تربو عليه ينططه جااااامد قوى و اعرف ناس لما تربنته عدى ال 450 حصان :) ,,,,, انا مش فاكر قوى ال 1.6 بيركب فى انهى موديلات و ال 2.4 بيركب فى انهى موديلات بصراحه
Content Relevant URLs by
vBSEO 3.6.0 PL2