التأمين بعد السرقة الكاملة
انا كنت مشترى عربيتى تبع كونتاكت النظام المرن, النظام ده مبيلزمش انى اكون مأمن على العربية وفعلا انا أمنت عليها بعد سنة فى شركة تانية (شارتس)
بعد ما أمنت عليها بحوالى 6 شهور العربية كلها اتسرقت :(
فيه سؤالين عايز اعرفهم:
1- المفروض التأمين ساعة ما امنت قالولى ان التأمين الشامل بيغطى 75% من ثمن الوثيقة وساعتها سألت فى كذا شركة كانت نفس النسبة؟ طيب الأجراءات بتاخد وقت اد ايه, مش عارف؟
2- انا المفروض دلوقتى بدفع اقساط العربية, لما سألت فى كونتاكت قالو ان فى حلين, الأول انى اسدد بقيت الأقساط وساعتها شيك التأمين هيطلع بأسمى, الحل الثانى ان الشيك بيطلع باسم كونتاكت وهما ياخدو فلوسهم ولو اتبقى حاجة انا اخدها
طيب مينفعش نستمر كدا مكملين فى الأقساط وانا اخد مبلغ التأمين؟ قالو لأ, مش عارف الكلام ده ممكن يتغير ولا لأ
طيب فرضا ان انا مكنتش مأمن اصلا, ومش معايا الفلوس كانو هيعملو ايه؟ هيسجنونى ولا هيكملو اخد الأقساط كل شهر؟
ياريت ياجماعة حد يرد عليا, علشان انا كده هبقى صفر اليدين, ولا عربية ولا فلوس
ربنا ينتقم منه وحسبى الله ونعم الوكيل فى اللى سرقها