ايه رأيكم فى بيجو 307 cc

**madoelebiary** · 09-05-2012 09:20 PM

دا اول موضوع ليا فى المنتدى
انا مشترك فى منتديات عربيات كتير جدا بس بصراحه المنتدى هنا رقم 1 بالنسبه ليا
ندخل فى الموضوع علطول
زى ما هو باين من العنوان

انا شوفت البيجو 307 cc فى طنطا من كام يوم كده
من ساعه ما شوفتها و هى خطفت قلبى
و من ساعه ما شوفتها
فى جدال انا و صاحبى
انا بقول عليها عربيه وهم
و هو بيقولى عليها وحشه
فكان عندى مجموعه اسئله عنها للناس اللى اتعاملت مع بيجو

1 - ياترى العربية دى ايه اللى بيميزها عن باقى الكابورلية الموجوده فى مصر و ايه عيوبها ؟
2 - التوكيل بتاع بيجو ايه نظامه فى التعامل و الخدمه و كده ؟
3 - قطع غيارها ايه نظامها ؟
4 - انا عايز اشترى واحده بس تكون موديل 2007 او 2008 تعملها فى حدود كام كده ؟
و شكراااااااااااااااااااا لكل اللى هيتعب معايا فى الموضوع دا

**madoelebiary** · 10-05-2012 08:52 PM

12 مشاهدة و مفيش ولا رد
متااااااااااااااااااااااا اااااابع

**madoelebiary** · 12-05-2012 12:02 AM

ايه ياجدعان مفيش حد بيعبرنى ليه كده :(
ولا محدش له فى البيجو 307 cc ؟

**S O P H O S** · 12-05-2012 03:13 AM

بص يا باشا الردود فبيجو هتبقي قليلة شوية
معلش هي عربية وهم وانا بحبها جدا
بس نصيحة خارج الموضوع هات عربية تعرف تدخل فيها وتخرج بسهولة
يعني تعرف تشتريها وتبيعها وتعرف تصينها باسعار قطع غيار معقولة حتي مش لازم تكون عالية اوي كده
ده مجرد راي شخصي جدا
وربنا يوفقك للاحسن

**Unendlich** · 12-05-2012 11:59 AM

ال 307 عامة اخرها 2007
مشتركة مع ال hatchback في الميكانيكا بس بتبقى مانيوال عشان وزنها اتقل شوية من العادية بسبب وجود تقويات في الشاسيه زيادة عن العادية.
بالنسبة لقطع الغيار فا متديش ودنك لأي حد كده و خلاص, لو عندك توكيل بيجو في طنطا انزل قوله أنا عايز لستة أسعار قطع الغيار و لو مفيش في طنطا انزل القاهرة اسأل في أي توكيل هناك و شوف بنفسك و قارن عشان تبقى عارف, و خد بالك الأسعار دي مسألة نسبية.
أنا كنت بدردش امبارح مع واحد من ياسين (بيجو) و بيقولي سعر فانوس ال 508 1200 جنيه ... يعني ارخص من فانوس اللانترا الجديدة !!!
و الناس مفيش فايدة لسة حافظة مش فاهمة يقولك بيجو ... أكيد قطع غيار نااااااااار
ربنا يوفقك

**madoelebiary** · 12-05-2012 12:51 PM

المشاركة الأصلية كتبت بواسطة Unendlich

ال 307 عامة اخرها 2007

مش عارف باشا بس انا يوم ما شوفتها روحت التوكيل بتاع بيجو اللى فى طنطا و سألت هناك على واحده ف واحد من الناس اللى كانوا فى التوكيل قاللى انه عنده واحده و عايز يبيعها فسألته عنها قاللى انها موديل 2008 و رشه عتب باقى الجسم كله بدهان المصنع 1600 سى سى و ماشيه 80 الف كيلو و ب 120000 جنية علشان كده حبيت انى اسال الناس اللى هنا عليها هى بصراحه مخوفانى فى حته انى هدفع اللى ورايا و اللى قدامى فى العربيه دى و بدخل هنا على قسم بيجو بلاقى كله بيشتكى من حاجات فى العربيات بتاعه مع العلم ان دى اول عربيه اركبها علشان كده هبقى خايف شويه منها و لو الكاوتش بتاعها فرقع ولا حصله حاجه هقعد اعيط جمبها

بس بعد ما شوفت الكومنت الى حد ما اتطمنت للبيجو

**neho** · 16-05-2012 06:13 AM

انا معايا العربيه دي بس 2005 مش فارقه عن 2007 غير الوش فقط عربيه كويسه جدا وواسعه بالنسبه لعربيه كوبيه تركب 4 مستريحين جدا و قطع غياره متوفره في الحرفيين و باسعار متوسطه مش غاليه لانها مشتركه مع الهاتش باك القطع الغاليه هي الخاصه بيها فقط زي الفوانيس الخلفيه و الشنطه و الاكصدام الخلفي العربيه ثابته جدا و تكييفها تلاجه و انا كمان عارض عربيتي للبيع لو عايزها و انا تحت امرك في اي حاجه و انا مش باشكر فيها علاشان تاخد بتاعتي انا عايز و اشتري 308 cc الجديده لانها عربيه تستحق بس اهتم بيها علشان تهتم بيك و ده لاي عربيه

**snipermomo** · 25-05-2012 06:53 PM

المشاركة الأصلية كتبت بواسطة neho

انا معايا العربيه دي بس 2005 مش فارقه عن 2007 غير الوش فقط عربيه كويسه جدا وواسعه بالنسبه لعربيه كوبيه تركب 4 مستريحين جدا و قطع غياره متوفره في الحرفيين و باسعار متوسطه مش غاليه لانها مشتركه مع الهاتش باك القطع الغاليه هي الخاصه بيها فقط زي الفوانيس الخلفيه و الشنطه و الاكصدام الخلفي العربيه ثابته جدا و تكييفها تلاجه و انا كمان عارض عربيتي للبيع لو عايزها و انا تحت امرك في اي حاجه و انا مش باشكر فيها علاشان تاخد بتاعتي

انا عايز و اشتري 308 cc الجديده لانها عربيه تستحق بس اهتم بيها علشان تهتم بيك و ده لاي عربيه

مساء الفل يا باشا ممكن معلومات عن عربيتك
لاني بفكر اشتري عربيه 307
متابع باهتمام

**kar!m** · 25-05-2012 08:45 PM

المشاركة الأصلية كتبت بواسطة neho

انا معايا العربيه دي بس 2005 مش فارقه عن 2007 غير الوش فقط عربيه كويسه جدا وواسعه بالنسبه لعربيه كوبيه تركب 4 مستريحين جدا و قطع غياره متوفره في الحرفيين و باسعار متوسطه مش غاليه لانها مشتركه مع الهاتش باك القطع الغاليه هي الخاصه بيها فقط زي الفوانيس الخلفيه و الشنطه و الاكصدام الخلفي العربيه ثابته جدا و تكييفها تلاجه و انا كمان عارض عربيتي للبيع لو عايزها و انا تحت امرك في اي حاجه و انا مش باشكر فيها علاشان تاخد بتاعتي

انا عايز و اشتري 308 cc الجديده لانها عربيه تستحق بس اهتم بيها علشان تهتم بيك و ده لاي عربيه

و حضرتك طالب فيها كام؟

**Ahmed.Fahmy** · 01-06-2012 04:54 AM

المشاركة الأصلية كتبت بواسطة unendlich

ال 307 عامة اخرها 2007
مشتركة مع ال hatchback في الميكانيكا بس بتبقى مانيوال عشان وزنها اتقل شوية من العادية بسبب وجود تقويات في الشاسيه زيادة عن العادية.
بالنسبة لقطع الغيار فا متديش ودنك لأي حد كده و خلاص, لو عندك توكيل بيجو في طنطا انزل قوله أنا عايز لستة أسعار قطع الغيار و لو مفيش في طنطا انزل القاهرة اسأل في أي توكيل هناك و شوف بنفسك و قارن عشان تبقى عارف, و خد بالك الأسعار دي مسألة نسبية.
أنا كنت بدردش امبارح مع واحد من ياسين (بيجو) و بيقولي سعر فانوس ال 508 1200 جنيه ... يعني ارخص من فانوس اللانترا الجديدة !!!
و الناس مفيش فايدة لسة حافظة مش فاهمة يقولك بيجو ... أكيد قطع غيار نااااااااار
ربنا يوفقك

معلش يا رجالة خروج بسيط عن الموضوع كده
دا حقيقى اللى حضرتك كاتبه دا؟؟ انا مش مصدق، يا رب يكون صحيح، طيب ما تسأللى عن شوية حاجات وصيانات لو تقدر ويبقى جازاك الله خيرا يا باشا