ان شاء الله رايح المركز انهارده اغير اسطوانه دبرياج هخلص و اقولكو رأي
عرض للطباعة
ان شاء الله رايح المركز انهارده اغير اسطوانه دبرياج هخلص و اقولكو رأي
انا كنت قلتلكو اني رايح اغير اسطوانه الدبرياج و هقولكو رأي
تم تغيرها و الحمدلله و العربيه اداءها اتغير تماما (واضح اني كان لازم اغيرها من زمان) ليا بعض الملاحظات اللي احب اقولها
اولا اانا كنت كلمت المهندس هاني قبلها بيومين علشان احجز
ثانيا لما وصلت المركز المهندس هاني بنفسه مشكورا جه معايا اشترينا قطع الغيار
ثالثا في التليفون و انا بحجز المهندس هاني قالي ان الموضوع هياخد تقريبا تلات ساعات و بالفعل ده اللي حصل بالظبط (مع العلم اني سالت في تلات اماكن اخري اقل واحد قالي 6 ساعات و في اللي قال يوم كامل)
رابعا بالنسبه للمصنعية حاسبني التغيير ب150 و عملي خصم المنتدي 25 فالحساب بقي 125 مع العلم انه كمان ظبطلي الباور بالجهاز بدون ما يحاسبني عليه (اقل يعر لما سالت برا كان 200 جنيه)
خامسا الفني اللي اشتغل في العربيه باين جدا انه فاهم و مدرب و عارف بيعمل ايه كويس
و اخيرا احب اقول للباشمهندس هاني بجد انت من اكتر الشخصيات اللي قابلتها احتراما و التزاما بكلامك و اتمنالك التوفيق و النجاح لانك تستاهل
اه نسيت اقول يا جماعه ان مشكلته الوحيده ان طالما قعدت عنده لازم يشربك حاجه (كريم كريم يعني)
[SIZE="4"]زملائي و اصدقائي مش عارف حبيت ادوش دماغكم شويه كده بس لاقيت ان ده توقيت الكلام ده
احب اعرفكم علي القصه من اولها بدايه معرفتي بمنتدي نايل موتورز عن طريق احد عملاء التوكيل و قالي سيرتك بتيجي باخير علي نايل موتورز ؟؟
فدخلت اشوف ايه نايل موتورز ده ؟
فبدات الرحله بالمتابعه غي البدايه و ايداء الراي في بعض الاحيان
فوجت ان القصه تتلخص في شيئان مهمان اولهم مشاكل الاعضاء في السيارات ودي الحمد لله مجال صميم لخبره الواحد
و تاني حاجه مشاكل الاعضاء مع التوكيل سواء في مشاكل الاعضاء في الوقت او مشاكل العربيه نفسها و دول الحمد لله الواحد قدر يساعد ناس كتير فيهم بما يملي عليه ضميره و و من هنا بدا موضوع ((( واحد من جوه التوكيل ))) الذي تعديعدد صفحاته حوالي 280 صفحه و كان لنا الرياده عن طريق ابدء الراي و الاستشارات و ان طلب ان العميل يجي التوكيل لحل المشكله مع عمل اقصي خصم ان كان هناك تكاليف و تذليل الوقت او عمل قدرالمستطاع و مساعده العميل في ظل ما يملي علي ضمير الواحد و من هنا عرف الناس المهندس هاني
لدرجه ان في احد المرات اخرج احد اعضاء المنتدي 50 جم كتعبير عن شكره لي و لكن بكل صراحه شكرته و رفضت ذلك
[SIZE="4"]المهم بدات speed service center رحله البدايه و ميلادها من شهر 7/2208 معي انا و مع شريكي السابق المحترم م [U]باسم نبيل و له مني كل الاحترام و التقدير لانه انفصل حاليا من سنتين و يعمل باحد التوكيلات الاخري لحين اتمام اوراق هجرته و حتي اليوم يبعت عملائه لاجراء الصيانا
ت و الاصاحات و هو ليس شريك باي مركز اخر او له اي عمل حاليا غير شغله بالحدي توكيلات م العبور ]
المهم بدات المركزو مبادي التوكيل في الاصلاح و الصيانه و المبدا الاساس هو العميل دائما علي حق حتي و لو اتت علي تنازلات منك في سيبيل رضاه
و كان الحاجه المحترمه ان المركز دا بدا ب 2 مهندسين خاريجي كليات هندسه و الحمد لله ان الناس اتعاملت مع الواحد ايام ما كان في التوكيل في زمن اننا كل واحد بقا بيقول انه مهندس يعني الحمد لله ان اواحد مثلا مش خريج تجاره و بيقول انه مهندس و اللهي الواحد ممكن ينزل صوره الشهاده بتاعته بس مش كل الناس هتقدر تعمل كده
المهم ريادتنا للمجال لاننا
اول ما طرح فكره الاسئله للاعضاء عن طريق التليفون باي وقت و في الموضوع الخاص بسيد علي المنتدي
دائما كشفنا مجانا و نتحدي من يقول غير ذلك
دائما غسيل الموتور و تنظيفه فررررررري مع الصيانه
دائما اجابات الاسئله باسلوب هندسي و اتقان و مش كاننا حاول و جرب و علي فكره مش عيب ان الواحد يقول مايعرفش بس العيب انه يكذب في الاساس و انا وانا ----
لا نميز ابدا بين حاملي الاستكر و غيرهم مع احترامنااا الشديد لاداره نايل موتورز
اول من اعطي ضمان 5000 علي الاصاحات يالكامل و نتحدي اي حد يقدر يطبق الكلام ده
ابدا ولن نعجز عن حل اي مشكله بالسياره من البدايه للنهايه و نتحدي
فنحن نقولها و سنظل نحن الاصل و التميز و الاتقان و انتم تقلدونا
بدليل اي حد ممكن يفتح اول صفحه ( الصفحه رقم 1 ) لموضوع سبيد سيرفيس هيلاقي في مواضيع تانيه كوبي و بست
دائما مرشحين من الاعضاء و من مشرفي المنتدي لاننا معروفين بالاتقان و الاسعار التي ليس لها نظير و اشكرهم علي ذلك
جهاز كشف اعطال كامل ماركه carman scan lite و ليس وصله obd من مول النخيلي
دائما سمعتنا التي تجعل العميل يشرفنا بالزياره و هو الذي يتفضل علينا بشرف الزياره لنا و لسنا نحن من نطلب
هناك بس اخر حاجتين صغيرين
للاسف الواحد بيشوف ناس بتطبل و المشكله انهم اول ناس طبلوله و عند رفض الواحد مصالح شخصيه منهم زي الونش و السوفت وير او خدمه الاعطال لانها لا تتفق مع مبادءه و المصلحه الشخصيه لان المنتدي ده مجاني وليس قائم علي ذلك بس هما برضوا الواحد اول ناس قالهم انتوا منافقين بس رجاء من ارحمنا من المواضيع الرهيبه اللي انت بتعملها كفايه بنزين بقا يا اخي
اخر حاجه بس اننا يا جماعه عاملين حاجه جديد اسمها العميل المميز
يعني حضرتك عميل منتظم معنا و بتنورنا عالطول
كل مره بتعمل عند شغل ليك عندنا مفاجاه يعني ممكن نققولك الزيت النهاره فري
او المصنعيات فري او قطعه غيار فري و لو حتي وصل تمنها اي رقم
او خصم 50 % علي الفاتوره الكليه و اول واحد طبقنا عليه خدمه العميل المميز هو م مينا جودت اللي كان بيعمل شغل النهارده عندنا و اتحدي ان ممكن حد ينزل عرض زي ده احنا عروضنا دايما في الجووووووووووووون:wel come1:
واخيرا اقول لكل عملائي اشكركم لتمسكم بينا لاننا دائما سنظل الاصل و الراده و الباقي تقليد
__________________
معلش يا باشمهندس بس لما شوفت انك بتسأل على نفس الحاجه اللي بدور عليها اكني زي ما كنت في صحرا ولقيتك
السويتش ده مش نازل في عربيتي هنا بطلب التوكيل وبينزل بره وعلشان عاوز اامن الكبوت عندي لان موضوع سرقه البطارية بقى منتشر عندي الايام دي
والتوصيلات جهزتها له ومش فاضل الا التركيب
فكل ما انزل واوصف للتاجر انا عاوز ايه يكون اكنى بوصف لأعمى الفيل
حسسوني اني غريب وبسأل على حاجات مبتدعه ويبعتوني لتاجر الاستيراد الوحيد اللي عندي ( السمباوي ) وده من غير ما ادخله محل سمعته بانه حراق ومغلواني وصلاني
المهم بقى اسم الجزء ده ايه بلغه الصنايعيه والتجار علشان يفهموا اول ما اقول لهم عليه