اقتباس:
المشاركة الأصلية كتبت بواسطة anwarnono
اناااا كنت معاهم امبارح :verygood::verygood::verygood:
وانتظروا تقريرى........
:backtotopic:
أولا – بعتذر على عدم سرعه ردى على التقرير بسبب ظروف العمل:Copy of majd(4):.
ثانيا:- معرفتى بالبشمهندس هانى هى فقط عن طريق المنتدى وليس لى اى صداقه او سابق معرفه وانا بقول كده علشان اكون محايد فى تقريرى،بس طبعا يشرفنى .
كلمت البشمهندس وقولتله عندى ماتركيس 2005 مانيوال اشترتها من شهر وحابب اعمل ليها سرفيس كامل، وهو قالى تشرف فى اى وقت بس انا كن حابب تحديد الميعاد بدقه(علشان اكون انا ملتزم معاه وهو برضه يكون ملتزم معاى) وبالفعل باليوم والساعه كنت فى الميعاد المحدد عنده.
تم كشف على العربيه وتنزيل جميع السيور والبلى وفلتر البنزين والتيل الامامى والخلفى مع عمل مسحه خفيفه على الطنابير الخلفيهز
تم كتابه ورقه بها قطع الغيار المطلوبه للسياره وهو رشحلى حد فى جسر السويس، وبحكم الخبره فى شراء قطع غيار هيونداى لاقيت اسعاره حلوه بالفعل وحد محترم اوى كمااان،وهقولكم ليه بقول كده حتى بشمهندس هانى ماااايعرفش.
والله الراجل صاحب المحل اشتريت حاجات من عنده فى حدود 800 جنيه ومادفعتش ولا مليم احمر،وبعد لما خلصت خالص نهايه اليوم روحت حاسبته، وهو الى طلب منى كده علشان كانت الفلوس معايا ماكملتش ومرضاش خالص ياخد فلوس،مش عارف كان المفروض يخاااااف منى ههههه.
نرجع للصيانه،تم تركيب السيور الجديده والبلى وتغير حشوه بلى التكيف وتركيب التيل الامامى والخلفى وتركيب فلتر البنزين وتظبيط عصايه الفتيس علشان كانت ناشفه شويه وتغير كاوتشات ميزان وبيض الاطراف.
وتم تجربه العربيه من قبل صنايعى محترف(هيمه) عنده وايضا طلعنا فى جوله انا والبشمهندس وهو طبعا الى كان سايق لتجربه السياره.
تجربتى للعربيه الاصوات المزعجه راحت وحصل توازن فى العربيه فى السرعات العاليه وكان فى شويه دقدقه تحت الحمد لله راحت،بس عندى المساعدين الامامين فى حدود 60%.
نيجى بقا لنقطه مهمه جدااااااا:- الشغل الحمد لله كااان عاجبنى اوى سواء من الصنايعيه الممتازين بجد وربنا يحافظله عليهم لانهم الشهاده لله كل واحد فيهم على استعداد انه يفتح ورشه لوحده من شغلهم:bravo:،وكمان مفتاح الربط والفك الفاكيوم سريع وحلو جداا وبينجز الشغل، والكوريك الكبير الى بيشيل العربيه كلها.
نيجى بقاا للبشمهندس هانى،راجل بيفهم بمعنى الكلمه وزوووق لاقصى حد لدرجه كبيره انا أستغربت منها وده مش معايا انا بس ده مع اى حد بيروحله لدرجه حاسيت ان الناس الى بتروحله اصحابه من اسلوبه مع العملاء. للعلم فقط(انا مدير خدمه أرضاء العملاء باحدى الشركات الكبرى) فعااارف الحمد لله الراجل ده بيخاف على شغله وحابه فوق كل ده علشان بيعرف يحافظ على العميل ويرضيه كويس.
وبالنسبه للاسعار انا عن نفسى مش فاكر دفعت كام بالضبط من كتر هوس الشغل الى عندى،بس الى حابب اقوله ليكم انى دفعت زى ما كنت هدفع عند اى ميكانيكى فاتح ورشه مع احترامى للجميع، ويمكن اقل بالفعل من اى حد اتعاملت معاه، بس يارب يخليه كده عاااالطووول ههههههههههههههه:C_laugh[1]:
والى اتشرفت بيه اننا بقينا اصدقاء الحمد لله وربنا يديم المعرررروف.:Ta_clap[1]:
حابب اوضح حاجه مهم، أنا مش خريج هندسه مبدايا بس بحترم وحابب كليتى والدبلومات الى عملتها فى مجالا اداره الاعمال فى الجامعه الامركيه والجامعه البريطانيه، بس معظم الناس الى عندى فى الشغل بيقولولى يابشمهندس بحكم عملى فى مجال الاتصالات
بس انا برفض الى بيقولى كده وبقول له بعد اذنك انا مش مهندس !!! علشان انا بحب دراستى فى مجال التجاره واداره الاعمال ومش مستعر منهم الحمد لله وليهم الفضل عليا فى مجالى دلوقتى، يعنى لزمته ايه الكلام ده لزمته ان كل ماتروح لميكانيكى بس بالفعل مايكونش مهندس! تلاقى كل الناس بتقوله يابشمهندس وهو مبسووووط اوى، يعنى انا بعرف ادى حقن وبقيس الضغط يبقى المفررروض تقولولى يادكتور أنور هههههههه.:36_1_40[1]:
فى النهايه احب اشكر المهندس هانى والرجاله بتوعه، وده مش اول تقرير لان عربيتى التانيه الفيرنا عنده وبيتعملهااا عمره كامله وانا الحمد لله مطمان لخبرتهم.واستلمها واقولكم ايه الاخبار:coming-soon[1]: ويارب خير ان شاء الله.:bye2:
تم اضافه اسعار لقطع الغيار:_
اولا محل فتحى عمار- بجسر السويس بجوار حديقه 6 اكتوبر
ثانيا محل اوتو عمرو –بجسر السويس امام بوابه فودافون نادى الشمس
2-مسمار ميزان اصلى عدد 2 ب 160 ج
3- بيض طرف ماركه CTR عدد 2 ب 120 ج
4- تيل فرامل خلفى كورى ماركه هاى كيو 120 ج
ثالثا محل أيزو – بشارع الكابلات المطريه
سير كاتينه اصلى ب 190