شباب هو المركز مكانه اتغير ولا لسه خلف حديقه بدر
عرض للطباعة
شباب هو المركز مكانه اتغير ولا لسه خلف حديقه بدر
اشكرك يا بشمهندس هاني علي مساعدتك في التليفون النهارده .. رغم تأخر الوقت في حل مشكله ارضي الكنترول يونت للإلنترا .. ومعاك حق صنايعيه الزقازيق أكثرهم بطيخ مع الأسف :(
بس ليه مشرفتنيش برد في تقرير الصيانه :36_1_37[1]:
http://www.nilemotors.net/Nile/43026...d-service.html
تحياتي
صباح الخير يا بشمهندس
اولا ربنا يوفقك و يزيدك من حب الناس و احترامهم
ثانيا فيه ناس كتير بتسأل عن تغيير زيت الفتيس الأوتوماتيك و كانت المشكله ان الزيت كله مش بينزل مع فتح الطبه لتغييير الزيت
يعني الاوبترا مكتوب في الكتالوج بتاعها ان الفتيس بياخد 7 لتر و لما تيجي تغير الزيت مش بينزل اكتر من 3 الى 3.5 لتر
و فيه شبه اجماع ان مستحيل انك تنزل الزيت كله غير لو فكيت الفتيس حته حته
انا لقيت الفيديو ده على اليوتيوب و بيقول انك تقدر تغير الزيت اللي بيبقى فاضل جوه الفتيس من دورة التبريد بتاعة الفتيس
[youtube]http://www.youtube.com/watch?v=MsdPAadc9fY[/youtube]
السؤال هنا الكلام ده صح ولا لأ
و لو صح ينفع على الاوبترا ولا لأ
و سؤال تاني معلش هو الاوبترا فيها فلتر للفتيس الاوتو بيحتاج يتغير ولا بس صفايه بتتنضف و خلاص
مستني ردك ضروري
اذيك يا بشمهندس هل ممكن اكشف على الشكمان عند حضرتك و ايه مواعيد العمل عند حضرتك فى رمضان؟
لأول مره أقوم بعمل تقرير عن صيانة عربيتي ولكن ما جعلني أن تقوم بعمل هذا التقرير هو التجربة الناجحه بكل المقاييس في مركز المهندس هاني (speed service center) وبدون الإطالة على أعضاء المنتدى الكرام سوف اسرد ما حدث معي بكل امانه وموضوعية
منذ أن اشتريت سيارتي وقد اتخذت قرار بأن أقوم بعمل صيانتها في التوكيل وعلى الرغم من المعاناة مع التوكيل من طول فترة الانتظار و تكلفة المصنعيات المبالغ فيها بكل امانه إلا أنني كنت قد نويت الذهاب إليه لعمل الصيانة الدورية لسيارتي نيو اكسنت 2010 ولكن بالصدفة قرأت من إدارة المنتدى الكريمه عن مركز المهندس هاني و توكلت على الله وذهبت لعمل الصيانة بالمركز يوم الجمعه الماضية ومن اول لحظة رأيت فيها العاملين بالمركز تبددت عني كل المخاوف من عدم عمل الصيانة بالتوكيل وحمد ربنا على هذا الاختيار ( هذا الشعور لم يتغير طوال فترة تواجدي بالمركز وحتى الان ) وبلا مبالغة فإن كل العاملين من أكبر إلى أصغر واحد بالمركز فاهمين شغلهم كويس جدا وأهم حاجة عندهم راحة العميل والأمانة الفظيعة في التعامل مع العميل.
انتظرت المهندس هاني لأنني ذهبت قبل ميعاد و عندما أتى في الموعد المتفق عليه بدأنا الشغل مباشرة من رفع السيارة وعمل كشف عليها لنرى ما سيتم عمله ثم أخبرني المهندس هاني بقطع الغيار التي يحتاجها بكل أمانة حيث أنه كانت هناك قطع من الممكن عدم تغيرها لعدد كليوات إضافية ليست بالكثيره كما أخبرني المهندس هاني ولكني قمت بتغييرها علشان العربيه تفوق وذهبت لإحضار قطع الغيار وعند رجوع وجدت العمل يسير على قدم وساق في سيارتي وبمجرد إعطائى لهم قطع الغير تم تركيبها بكافة دقه و سرعة لم أتوقعها وتم الانتهاء من صيانة سيارتي
وجدت المهندس هاني يريد تجربة السياره مع وأثناء تجربتها اخبرني ببعض المشاكل التي تم حلها ولم أكن أتخيلها وذلك لعدم ألماني بأمور السيارة ( يدوب بدور العربية و بتحرك بيها)
ثم جاء وقت الحساب وتفاجئت بتكلفة المصنعيات المنخفضه جدا على كل هذا الشغل المتقن لأعلى درجة ممكنه ..... فعلا بنصح كل الاعضاء بالذهاب لهذا المركز
وأخذت سيارتي و انطلقت للمنزل ولا أخفيكم سرا بأن السياره رجعت و كأنني لسه مشتريها
كل الشكر للمهندس الخلوق المحترم هاني و كل العاملين بالمركز وفي انتظار الصيانة القادمه
أخيرا وبلا مبالغة المهندس هاني من الناس التي عندما تقابلها تتمنى أن تكون الناس كلها مثلها ..... كل التحية لك يا باشمهندس واذا احتجت مني أي شئ برجاء الاتصال بي مباشرةً
الاخ الفاضل
بص حضرتك هتغير فلاتر هواء و بنزين و بوجيهات و دول في حدود 150 جم
و اعتقد لو حضرتك ماغيرتش السيور قبل كده هتغيرها و بيبقي سير خارجي و 2 بليه كاتينه و سير كاتينه
و سير اكاتينه 185 و الخارجي 140 بس البلب مش متاكد و برضه اسعار الكاتينه تقريبيه و المساعدين الكي واي بي 750 او الجي ام 850 و التيل 220 حضرتك شرفني بالاتصال و ربنا يجيب الخيرر01060900088و اعتذر لاختلاط الامر بين حضرتك و بين شخص اخر
اولا انا حابب اشكر الباشمهندس هانى على زوقه واخلاقه العالية
انا اتصلت بيه من يومين تقريبا عشان يكشفلى على عربية اوبترا 2008 لسة مشتريها وكنت عايز اغير زيت الفتيس لانى مسافر خلال فترة العيد . وبرضه يطمنى على العربية ويكشفلى عليها تانى كأني هشتريها عشان يطمئن قلبي
..
قام بالواجب وكشف عليها (بودي وموتور وفتيس اتوماتيك) العربية عامة 62500 كيلو موديل 2008
وقالى الحمد لله العربية سليمة جدا ومش محتاجة تغير حاجة ولما ترجع من السفر بعد العيد نبقى نغير زيت وطقم سيرفيس .. وبعتنى عند حد تبعه ظبطت زوايا ورجعت للمهندس هانى اخدت منه شوية نصايح حول التعامل مع السيارة ...
وفي النهاية كعادة المهندس الخلوق هانى .. رفض رفض بات انه يتقاضى اى اجر .. رغم انى عطلته وتعبته ..
انا بجد بشكرك جدا انت نعم الاخ والصديق
فضلا عن اننا مهندسين زي بعض :)
تحياتي ليك وان شاء الله لما ارجع من الصعيد هكلمك ونحدد ميعاد عمل السيرفيس للسيارة
شكرا باشمهندس
اخوك م حسام
السلام عليكم ورحمة الله وبركاته ... ازيك يا باشمهندس هاني واتمنى ان تكون بخير عربيتي الفيرنا عدت 40000 وكنت عايز اجيلك من الغردقة بعد العيد إن شاء الله عشان اعمل صيانة 40000 مع العلم اني ما غيرتش السيور قبل كده والعربية عدى عليها 3 سنوات وكمان مع العلم اني غيرت الزيت والفلتر من كام يوم عشان لسه هانزل بعد العيد..وعايز كمان اعمل صيانة للتكييف فعايز اعرف التكلفة كام بالضبط ؟؟؟؟ واسمحلي اتصل بيك قبل ما اجيلك عشان نأكد الميعاد عشان حضرتك عارف انا هاجيلك من سفر طويل
شكرا جزيلا
السلام عليكم
انا عايز اقدم الشكر والامتنان للمهندس الخلوق : هانى ميخائيل النهاردة كان اول تجربة معاه انا كلمته فى التليفون ودى اول مرة رد عليا بأدب جم وسألته ممكن اجى النهاردة رحب بى وشرح لى العنوان وكان سهل واستقبلنى بترحاب انا كان عندى صيانة 100 الف فى الفيرنا خد منى (فلتر يت -فلتر بنزين- فلتر هواء) كنت جايبهم وبعتنى اشترى طقم بوجيهات
اللافت للنظر ان عمليةالصيانة كانت فى وقت قياسى ونظف الحساسات وكشف على الدينامو وطلب منى اجرب العربية واصر انه يجربها قبل ما امشى الملاحظة الجميلة انه التكلفة ممتازة جدا والناس فاهمه شغها كويس وانا راجع بالعربية حسيت انى لسه مستلم العربية كأنها رجعت على الزيرو مرة اخرى شكرا للهندس هانى
وشكرا لاخوة الزملاء اللى عرفونا على المهندس هانى
كل سنه و الجميع بخير و عيد سعيد عليكم و علي الاسره الكريمه --- عيد مبارك
السلام عليكم
معايا النترا 2012 ماشيه 27000 خليجى الفتيس ساعات ببقا على dواجى انقل على rبيحجر
بضطر انى ابطل العربيه وارجع ادورها تانى حصلت معايا 3 مرات على فترات علما بانى مشى قليل بيها
ياريت تفيدنى لانى ابتديت اقلق وشكرا مقدما يا بشمهندس هانى
هانى هتبدا الشغل من امتى ؟؟ الاتنين الجاى ولا قبل كده؟؟؟
أزيك يا باشمهندس
معلش أتأخرت عليك عقبال ماعملت كشف الكمبيوتر
أحب أبلغك أخر الأخبار
الفرامل أخيرا أتظبطت وبقت كويسة جداً و بطلت تسريب
وكشفت كمبيوتر والحمد لله مافيش أى أخطاء سواء من الجير أو الموتور
والميكانيكى طلع يجربها قالى على حاجة غريبة أن العربية محتاجة تغير طلمبة البنزين و تتغسل دورة البنزين و أن ده هو سبب المشكلة اللى حصلت فى الكيك داون أن الطلمبة معرفتش تدينى البنزين اللى أنا عايزه بصراحة حسيت أنه عايز يفتح شغل وخلاص
علشان العربية طول ما أنا هادى عليها ماشية كويس جدا و لو عملت تعجيل بسيط برده ماشية كويس طبعاً مش عارف أطلع أجربها على نفس الطريق علشان الدنيا عندنا مووووووووووت دلوقتى و الطريق ده يعتبر فى قلب الصحرا
فلو فى حاجة أعملها أتأكد بها أن الطلمبة شغالة كويس و لا لأ ؟؟؟؟
معلش رغيت معاك كتير
وشكراً
استفسار من الباش مهندس عندي صوت العربيه بيعلي لوحده وغيرت حساس الايدل مرتين بس مافيش فايده وبعدين لاحظت اول اما بغير للتاني او للتالت بلاقي صوت غريب في العربيه زي تزييقه لحد اما الغيار ياخد سرعته وبعدين ساعات اشد بالعربيه 120 مثلا وارفع رجلي من علي البنزين من غير اما امور الاقي العربيه بتقطع وبصراحه مش عارف اعمل ايه
بشمهندس هاني...ازيك ياباشا..صحبي اتصرف هو وصين العربيه بتاعته لانه كان مستعجل ومسافر...
كنت عايز اسائلك ..العربيه عندي مؤشر الحراره فيها بيعلي في الزحمه للشرطه اللي قبل الاخيره ومش عارف ليه
ومع الانتظار الاقيه بيرقص مع الانتظار نفسه وده لما العربيه تسخن...دي مشكله ايه دي !!!!
ابص علي ايه?
الاخ الفاضل
شوف هو بجد صعب ان تشخص صوت في العربيه من غير ما تشوفها
لكن نحاول مع بعض
بص اولا عايز اعرف العربيه 1500 ولا 1600 و فيها rpm ولا لاء
بالنسبه لعلو صوت المحرك ده بيكون و هي واقفه و لا ممكن و انت ماشي تلاقيها عملت الحركه دي لما ترفع رجلك عم البنزين و تبطل و تدور ت ظبط شويه ؟
اذا كان دا العرض حضرتك غيرت ايدل جديد ولا استيراد
وللو غيرته جديد اعتقد مكن يكون الtps او ضبط بالضفيره
اما بالنسبه للصوت اللي بين النقلات اعتقد انه ماسوره تتكيف ياريت ترد و تقولي
سيدي الفاضل العربيه 1500 ولا يوجدبها rpm اكتر الصوت العالي لما ببقي ماشي جوه البلد واحيانا علي السرعه العاليه بس مش دايما وحساس الايدل كان جديد وياريت لو حضرتك توضحلي ايه هوه ال TPS لان الميكانيكي كان بيقولي ان في حساس لو بايظ يعمل الصوت ده اللي بين الغيارات
الاخ الفاضل
المفروض ان الميكانيكي مايخلكش تشتري حاجه يجرب بيها ؟؟؟؟؟؟؟؟
بص لو انت فاتح الكبوت وشك للعربيه علي يمين حساس الايدل مربع اسود ده ال tps شوف واحد عنده يجرب بيه الحساس ده اللي بيترجم اشاره رجلك علي البوابه للكنترول ممكن يكون العيب منه لو مش منه يبقي هتحتاج مرمه صغبره في ضفيره الحقن و مفيش حساس بعمل صوت قوله اسكت شويه
والله يا هانى باشا لفينا لحد ماتبهدلنا على طنابير نيو اكسنت اصلي مفيش نهائي زي ما قلت
وكل محل يقولنا الكورى العادى شغال مع الناس...ركبنا الكورى دة او الصينى الله اعلم وخلاص...
.................................................. ................
بالنسبه بقى للنوبيرا...انا مش عارف النقص بتحسبه ازاي بالظبط...بس انا غيرت ميه الريدياتير من 5 شهور تقريبا...والقربه مش مليانه على الاخر برضه ف مش عارف معدل النقصان بتحسبه على اساس ايه
بس زى ماقلتلك المؤشر بيعلى مع الانتظار والفرامل وبيرقص مع الانتظار...هل دى مشكله كهرباء مثلا !؟
يعنى ال max بتاعه على العلامه الخضرا اللى فى الصوره
http://www6.0zz0.com/2014/08/04/06/918486278.jpg
عموما انا هجيلك قريب اوى عشان عندى برضه رجه مع الفرامل ومش عارف دى طنابير خلفي ولا امامى
وباتوفيق
صباح الخير يا بشمهندس
عندى مشكلة فى العربية انى لما باجى انقل من غيار لغيار بسمع صوت خبطة ولما ارفع رجلى من على الدبرياج عشان اجيب غيار تانى بسمع خبطة ياترى ده ايه