السلام عليكم ورحمة الله وبركاته
كل عام وانتم بخير بمناسبة شهر رمضان المبارك
عايز اعمل صيانة 60 ألف لعربية أوبترا 2006 مانيوال
مع العلم انى اشتريت العربية وهى ماشية 39 ألف وكانت عاملة صيانة الـ 40 ألف ودلوقتى العربية عاملة 63 ألف كيلو
ولم أعمل بها اى صيانة سوى تغيير الزيت وفلتر الزيت واحط بنزين :)
ممكن أعرف ما هي التكلفة التقديريه للصيانة ؟ وما هى قطع الغيار اللى هتتغير ؟ والأسعار من فضلك ؟
او حتى ممكن تعرفنى السعر الأجمالى هيبقى كام علشان ابقى عامل حسابى مع العلم ان العربية محتاجه تغير مساعد أمامى شمال (وممكن أغير اليمين كمان) ومحتاجه تيل فرامل + الحاجات اللى حضرتك هتقول عليها.
هل يجب الحجز قبل الحضور ؟
وهل المركز يعمل يوم الجمعة والسبت ؟
ولسيادتكم جزيل الشكر و الاحترام
السلام عليكم ورحمة الله وبركاته
كل عام وانتم بخير بمناسبة شهر رمضان المبارك
عايز اعمل صيانة 60 ألف لعربية أوبترا 2006 مانيوال
مع العلم انى اشتريت العربية وهى ماشية 39 ألف وكانت عاملة صيانة الـ 40 ألف ودلوقتى لعربية عاملة 63 ألف كيلو
ولم أعمل بها اى صيانة سوى تغيير الزيت وفلتر الزيت واحط بنزين :)
ممكن أعرف ما هي التكلفة التقديريه للصيانة ؟ وما هى قطع الغيار اللى هتتغير ؟ والأسعار من فضلك ؟
او حتى ممكن تعرفنى السعر الأجمالى هيبقى كام علشان ابقى عامل حسابى مع العلم ان العربية محتاجه تغير مساعد أمامى شمال (وممكن أغير اليمين كمان) ومحتاجه تيل فرامل + الحاجات اللى حضرتك هتقول عليها.
هل يجب الحجز قبل الحضور ؟
وهل المركز يعمل يوم الجمعة والسبت ؟
ولسيادتكم جزيل الشكر و الاحترام
اسف للتاخر بالرد و سررت و تشرفت بمكالمه حضرتك و الي لقائنا القريب حسب الاتفاق بييننا
بقالي فتره كبيره اوي معملتش و موضيع وحبيت اول موضوع اعمله يكون زيارتي لمركز سبيد الي شكر فيه كل الاعضاء الي زاروه.
اولا انا مالك جديد لهيوداي جيتز 2007 1600 جيبتها مستعمله عامله 165 الف ,طبعا دورت كتير لحد ما استقريت اني هزور البشمهندس هاني علشان اشوف ايه سبب كل ردود الفعل الابيجابيه ديه.
طبعا معادي كان 2 الضهر امبارح كنت هناك بالظبط في ميعادي والعنوان سهل جدا , دخلت العربيه تقريبا 2 وربع كان في قدامي عربيتين , وبدا الشغل البشمهندس وقف بنفسه يبص علي العربيه ويراجع علي كل حاجه فيها ووصل الي الاتي : لازم نغير كل الفلاتي والسيور لاننا منعرفش المالك السابق غير ايه , والمقصات والمساعدين قدام لازم يتغيرو وزيت الموتور والفتيس لازم يتغيرو , انا قررت اغير سيور وفلاتر واخلي الباقي مع اول الشهر ( انتو عارفين حال البلد :)
المهم كتبلي الحاجات المطلويه وطلعت علي الشرقاوي الي عند فندق السلام وجبنا الحاجت طبعا كل دا والرجاله بيفكو الحاجات الموجوده لحد ما اجيب قطع الغيار , اول ما جيبت الحاجه تم تركيبها تقريبا في نص ساعه او اقل , كل التاخير كان بسبب مشوار الشرقاوي وانه اداني فلتر البنزين بتاع ماتريكس فاضطريت ارجعو .
المهم ان العربيه خلصت وروحت استلمها لقيت العمال منضفين الموتور وغاسلين السربنتينه , وصحيح نسيت اققول ان التكيف كان ضعيف جدا جدا جدا , وانا بستلم العربيه لقيته بقا حلو جدا وبيسقع جامد , سالت البشمهندي هاني هل محتاج شحن فريون قالي لا دا كويس جدا , المهم دورت العربيه صوت الموتور اهدي كتير وانا مروح العربيه سحبها اختلف 180 درجه .
اسمحولي بس اذكر السلبيات والايجابيات :
السلبيات الاول : 1 بعد المركز بالنسبه ليا علي الاقل ( لاني ساكن في الدقي ) بس كده كده انا مش بروح كل يوم انا ان شاء الله كل 10 الاف هبقا اروح اشيك بعد طبعا تركيب المساعدين والمقصات .
2: بعد الشرقاوي لقطع الغيار وهو تقريبا الوحيد الي بيبيع حاجات الجيز هناك.
المميزات :1:السرعه , المركز فيه صنايعي للاسف انا نسيت اسمه ( صيام بقا ومكنتش شايف قدامي) سريع جدا ما شاء الله .
2 : الامانه , البشمهندس هاني قدامي جالو واحد قالو لمبه الشيك منوره راح كشفله علي العربيه وقعد يتشيك معاه وفي الاخر اداله اكتر من حل , وبالرغم من دا مرضيش يااخد فلوس لانه علي كلامه معملش حاجه :)
3:بيفهمك كل حاجه والتعامل معاه سهل جدا ودي حاجه متلقيهاش في حد , قعد يشرحلي الفرق بين الزيت الانضغاطي وزيت الموتور والفتيس ( طبعا انا كنت صايم فالمره الي جايه هبقا اسالو في كل حاجه )
اسف طبعا اني طولت عليكم , وشكر خاص للبشمهندس هاني الي فعلا تحس انه اخ بجد ( ميعادنا اول الشهر يا كبير:)
السيد الخلوق
اشكرك لوصفك لي و للمركز بكل هذا الاطراء و التقدير و اشكرك علي تفضلك بالزياره و تشريفك لنا راجيا ان نكون دائما عند حسن الظن بجميع الناس
اشكرك يا بشمهندس هاني علي مساعدتك في التليفون النهارده .. رغم تأخر الوقت في حل مشكله ارضي الكنترول يونت للإلنترا .. ومعاك حق صنايعيه الزقازيق أكثرهم بطيخ مع الأسف :(
اشكرك يا بشمهندس هاني علي مساعدتك في التليفون النهارده .. رغم تأخر الوقت في حل مشكله ارضي الكنترول يونت للإلنترا .. ومعاك حق صنايعيه الزقازيق أكثرهم بطيخ مع الأسف :(
بشمهندس احمد
لا و اللهي ساعات الواحد مابيملكش الوقت لكن اشكرك كتير علي التقرير الحلو ده و علي علي مجهودك الكبير و سلامي الي الوالد ماتنساش
و في اتظار تشريفك ان شاء الله القاك في القريب بكل خير
صباح الخير يا بشمهندس
اولا ربنا يوفقك و يزيدك من حب الناس و احترامهم
ثانيا فيه ناس كتير بتسأل عن تغيير زيت الفتيس الأوتوماتيك و كانت المشكله ان الزيت كله مش بينزل مع فتح الطبه لتغييير الزيت
يعني الاوبترا مكتوب في الكتالوج بتاعها ان الفتيس بياخد 7 لتر و لما تيجي تغير الزيت مش بينزل اكتر من 3 الى 3.5 لتر
و فيه شبه اجماع ان مستحيل انك تنزل الزيت كله غير لو فكيت الفتيس حته حته
انا لقيت الفيديو ده على اليوتيوب و بيقول انك تقدر تغير الزيت اللي بيبقى فاضل جوه الفتيس من دورة التبريد بتاعة الفتيس
المفضلات