الموضوع: ( Speed Service Center :: ( enghany

مهندس هاني انشاء الله هجيلك عشان عندي شوية شغل في النترا 2005
من تيل امامي و خلفي و ظبط دبرياج و فحص كامل للعفشة و التكيف
حضرتك موجود كل يوم في المركز ؟
و لو ممكن اكلمك للحجز قبل المجئ ؟ و لا عادي في اي وقت ؟

المشاركة الأصلية كتبت بواسطة enghany

بص علي الزيت هو اللي في المشكله ولا لاء ؟

الزيت تمام ياباشا مش ناقص

هعدى عليك الجمعه ان شاء الله بعد الصلاة نشوف فى ايه فهتكون موجود ان شاء الله

المشاركة الأصلية كتبت بواسطة amrtalaat

باشمهندس هانى مساء الفل
انا عملت اخر صيانة 100 الف عند غبور ابو رواش
ماتريكس2008
ومن ضمنها تغيير زيت الفتيس الاوتو
بس بعد مامشيت لقيت زيت الفتيس الاتوماتيك زااااااااااااايد قوى
بمعنى انة اعلى من العلامتين بتوع الهوت والعربية بارده
والكلام ده من شهرين وكنت ناوى اروح اسحب منة الزياده بس نسيت
فـ هل ده يعمل مشكله - مع العلم ان العربية زى الفل معايا - ولا عادى؟؟

وسؤال تانى معلش
سالت على تغيير فلتر الفتيس
المهندس قاللى عند ال 120 الف كيلو
ده صح ولا اية ؟؟
وهل ده معناه هغير الزيت الجديد تانى بعد 20 الف بس ؟؟
وهل ده ممكن اعملة عندك ؟؟

الخ الفاضل
اولا زيت الفتيس بيتغير كل 40 الف يعني ليه غيرته عند ال100 الف
ثانيا االعربيه بتاخد 3 ك زيت عتد تفريخ الزيت من الطبه و الزياده هتعمل خنقه في العربيه و بعدين علشان تقيس الزيت بتمر علي كل الغيارات من ال p ال L مرتين و تجيب الغيار علي ال P و بعد كده طلع المقاس امسحه و حطه تاني و قيس
و الفلتر كل 80000 كم

المشاركة الأصلية كتبت بواسطة bo2loz898

مهندس هاني إن شاء الله هجيلك عشان عندي شوية شغل في النترا 2005
من تيل امامي و خلفي و ظبط دبرياج و فحص كامل للعفشة و التكيف
حضرتك موجود كل يوم في المركز ؟
و لو ممكن اكلمك للحجز قبل المجئ ؟ و لا عادي في اي وقت ؟

الزميل الفاضل
اولا بالنسبه للمساعدين دي خاصه ال RB وبيغيروهم بمساعدين هارد علشان العربيه ما تتنطش مش بالانترا MD و طبعا اهلا و سهلاب حضرتك بس اديني تليفون تجنبا للانتظار و لاي استفسار 01060900088

المشاركة الأصلية كتبت بواسطة atyam

الزيت تمام ياباشا مش ناقص

هعدى عليك الجمعه ان شاء الله بعد الصلاة نشوف فى ايه فهتكون موجود ان شاء الله

خلاص مستني حضرتك باذن الله

المشاركة الأصلية كتبت بواسطة Ashraf_Ibrahim

هاني باشا
جتلك بمشكلة غريبة شوية :d
بص يا سيدي انا مركب سنتر وانذار وولف
الانذار راكب وفيه خاصية اني وانا راجع لورا بيطلع صوت صفارة كتنبيه
من يومين الصفارة دي اختفت تماما قلت يبقا مشكلة في الانذار
النهردة روحت توكيل وولف بصوا على كل حاجة وعلى الفيوزات وقلي كله تمام دي تبقا مشكلة في المكنة بتاعة الريفيرس اساسا عشان اللمبتين بتوع الريفيرس مش بينوروا أساسا!
سبتهم ومشيت
دلوقتي حضرتك عارف ان الريفيرس في الفيرنا بيكون فيه عضة خفيفة
لما باجي ادي ريفيرس وميكونش الغيار متعشق صح وفاضله تكة عشان ييجي ريفيرس فعلا النور بتاع الريفيرس بيشتغل والانذار بتاع الرجوع بيشتغل واول التكة دي متنزلش بيفصل الانذار واللمبة بتاعة الريفيرس
المشكلة دي حلها ايه يا باشا؟!
انا جايلك قريبا جدا عشان صيانة ال 50000 يار يس عشان زوزو عدتهم خلاص وجايبلك قافلة معايا ان شاء الله بس ليا نسبة :d

عليفكره في مفاجاه ليك انت و كريم فوزي باذن الله بس مش هقولك غير لما تيجي و نظبت ام زوبه اللي عامله باللو دي ارق و اجمل تحياتي لشخص الكريم المحترم