قررت إجراء صيانة ال ٤٠ الف لسيارتى ال ار بى ٢٠١٧ بمركز الاقصى (احد المراكز المعتمدة من غبور) من عدة شهور و كانت اول تجربة لى معهم حيث انتى كنت لسه شارى السيارة من اسبوع ، طبعا اسعارهم مبالغ فيها و لقيتهم غاسلين الموتور و مزودين ٧٥ ج بالفاتورة مقابل الغسيل اللى انا لم أطلبه (و طبعا رائحة الجاز كانت جاية من الموتور جامد عشان الغسيل) و البهوات كانوا عاوزين كمان يغيروا لى زيت الفتيس و تكلفته ٨٠٠ ج بس الحمد لله انى مرضيتش (و عرفت بعد كده ان مركز غبور ابو رواش بيغيره من تكلفة الكيلو ٥٥ ج) ... المهم استلمت العربية و خرجت لقيت مؤشر الوقود معلم للنصف على الرغم انى كنت ممون بنزين الصبح للاخر ، المهم رجعت لهم .. خدوا العربية دخلوها الورشة و طلعت تمام ... قال ايه لما غيروا فلتر الوقود المضخة علقت . عملوا لها ريستارت ( طب متكشفوا ع العربية كويس قبل ما تخرجها للعميل).
المهم انى متعلمتش الدرس و رحت بعدها باسبوعين عشان المكيف كان تبريده ضعيف جدا ....برضه دخلوا العربية الورشة و استلمتها بعد ٣ ساعات و المهندس (اقصد الفنى) قالى كله تمام الفريون تمام فغسلنا السربنتينة و حتضبط معاك و طبعا دفعونى ١٦٥ ج (على الرغم السيارة فى الضمان) .... طبعا التكييف كان أداءه زى ما هو ..... وطلع عيب فى الكمبرسور و غيرته بس مش عندهم طبعا.
طبعا عمرى ما ح افكر اروح هناك تانى ... مركز غير أمين و خبرتهم تعبانة قوى ..... هذه تجربتى معاهم و نصيحة منى محدش يروح